الموضوع: الموضوع دة فى كل الدايو والا اية

يا شباب 200 كم/س و 205 كم/س ايه بس...
ربنا يكفيكو ويكفينا شر الطريق لحد 120 او 130 حتي لو الطريق مفتوح.

ودي صور لحادثة الاسكندرية المشهوره الاسبوع اللي فات...
ربنا يسترها معانا.
















اعذروني يا جماعه... بس والله نفسي كلنا نتعظ وبلاش نضحي بنفسنا ولا بعربياتنا علشان كام كيلومتر زياده...
والموضوع يبقي مدعاة للفخر بأنفسنا واننا مقطعين الأسفلت.

انا معايا لانوس 2007 كاملة انا كنت مسافر اسكندرية النهاردة من الطريق الساحلى بتاع دمياط والحمد لله العربية جبت بيها لغاية 200 ك وكان الثبات ممتاز ودى مش اول مرة اجيب فيها السرعة دى مريحة جدا حتى فى المطبات الهوا العفشة والله كانت مريحة جدا جدا بس لاحظت لما العربية جابت 180 ك السنتر لوك قفل لوحدة ومرضيش يتفتح

ثبات ايه اللي ممتاز علي 200 كم/س.
ده انا بابقي مسافر بورسعيد ( طريق دمياط بورسعيد) علي 130 كم/س وحاسس ان الهوا بيطير العربيه... ثبات ايه يا استاذ Shaky ربنا يسترها معاك.
وماشجعش الناس علي الجري.

وبعدين سنتر ايه اللي زعلك وانت جايب ال 180 ... يعني المشكله كلها كانت في السنتر اللي قفل...

طيب تخيل انت بقي ان العربيه بطلت في أي لحظه... ولأي سبب (خلل في الكهرباء زي ما حصل مع السنتر... او لا قدر الله لأي سبب تاني.
والباور فصل والفرامل حجرت تحت رجلك... ياراجل اتقي الله في نفسك.

هو فية طرق بس احنا عندنا الطريق الساحلى اللى بيربط دمياط باسكندرية طريق جميل وممكن تقفل فية العداد

الموضوع مش اننك مش تقفل العداد... لانك لاقدر الله في لحظه ممكن ماتلاقيش عداد تقفله ولا عربيه تركبها. (مش شرط لخطأ في قدراتك في السواقه لا سمح الله أو قصور في إمكانيات اللانوس برده لا سمح الله... ولكن اعتبرها علي فرض خطأ من الغير.. )

والله ياماندو العربية كانت ثابتة ومريحة انا قبل كدة جبت بيها 205 ك /س وكنت مصورها فيديو بس الفيديو اتمسح من الموبايل عندى لكن فى اقرب فرصة هاصورها تانى واثبتلك عشان تعرف ان الانوس عربية ممتازة جدا بس عايزة انك تهتم بيها

ياريت نهتم بحياتنا وأنفسنا قبل ما نهتم بالعربيه... وبلاش نضحي بالاتنين.

ده انا 160 بالنوبيرا ببقى خايف ومبزودش عن 140 للامان

الله يفتح عليك يا بدراوي...

انا جبت قبل كده 180 والثبات كان كويس جدا وعربيتى لانوس 2000

ثبات ايه يا Wezo211 علي 180كم/س. ايه يا جماعه هو في ايه ؟؟؟


وياريت نسمع كلام الناس العاقله.

أنا شخصيا أقصى سرعه جبتها بالانوس بتاعتى 2006 هيه 175 ك ومش ناوى أعملها تانى إن شاء الله, بس ما فيش أى حاجه حصلت للسنتر أو غيره.

* السرعات اللي ببتكلموا عليها دي160؛180 ؛200 ؛ وتقفيل العداد مش لاقي لها تفسير الا انه يكون الواحد عندة رغبة في الإنتحار
* انضف طريق في بلدنا ما يستحملش أكثر من 120 كم/ساعة
إخواني الأعزاء إتقوا الله في أنفسكم ولا تلقوا بأيديكم إلي التهلكة

بلاش كده..... في التأني السلامه وربنا يستر طريقك ويحفظك

يا اخى العمر مش بعزقه الدنيا مش هتطير حاول تخفف سرعتك شويه

انا معايا لانوس 99 جيبت 160 ومافيش حاجة وكمان بعد 120 الثبات انساه

تجيب180 و200 وتمام بس مبتكونش ثابته انا معايا 2000 برضه بعد 120 بتبدا تخف اوى

انا مجربتش
واخاف هو العمر بعزقه
استحلفكم بالله بلاش السرعات دى

ياجماعة الموضوع كان سؤال مش اكتر انا اولا معدلدش فى عربيتى شىء كل اللى بعملة انى مش بخليها تعوز حاجة وكمان عربيتى بردة تعتبر زيرو يعنى لما اجرى بيها فى طريق مفتوح ببقى عارف انة خطر لكن والله العربية لما تكون حلوة معاك بتلاقيك لوحدك بتزود