الموضوع: ها استلم بكرة السيريون ممكن اهل الخبرة يفيدونى

المشاركة الأصلية كتبت بواسطة hhhmmmzzzz

بكرة23-3-2009سوف اكون سيريوناوى اصلى وهستلم العربية ان شاء الله1300glxاتوماتيك وارجو الافادة من اصحاب الخبرة عن الاتى مع العلم انى هستلمها من المصرية للسيارات:-
1-اجراات الفحص والاستلام اللى مفروض اعملها
2-الورق اللى هيكون معاها وهل استطيع السير بها48ساعة لحد ما ارخص زي ماقالولى ولا ممنوع.
3-ابص علي ايه فيها ممكن يكون مش مضبوط او يكون ناقص منها
4-واى حاجة لله تانية ممكن تكون تايهه عنى

إن شاء الله حضرتك تستلم على خير

بخصوص الحاجات اللى هتستلمها مع العربية:
عدد 2 مفتاح بدون ريموت
طفاية حريق
طقم دواسات
استين طبعا + العدة بتاعته
الكتالوج
طفاية سجائر
عدد 2 قطعة حديد لقطر العربية

اما كتيب الضمان, فهو بعد الترخيص

بما ان حضرتك هتستلم من المصرية, فياريت لو تشوف حتة حتة فى العربية كويس جدا, و تتأكد ان مفيش اى خدوش او اى حاجة لأن سمعتهم مش حلوة اوى فى الموضوع ده

بخصوص الروق, فبتأخذ محضر استلام, و يا ريت لو يسلمك معاها ورق الافراج الجمركى بتاعها كمان, حاول متستلمهاش الا بيه

و اى حاجة تحت امرك كلنا

المشاركة الأصلية كتبت بواسطة معاذ الشرباصى

إن شاء الله حضرتك تستلم على خير

بخصوص الحاجات اللى هتستلمها مع العربية:
عدد 2 مفتاح بدون ريموت
طفاية حريق
طقم دواسات
استين طبعا + العدة بتاعته
الكتالوج
طفاية سجائر
عدد 2 قطعة حديد لقطر العربية

اما كتيب الضمان, فهو بعد الترخيص

بما ان حضرتك هتستلم من المصرية, فياريت لو تشوف حتة حتة فى العربية كويس جدا, و تتأكد ان مفيش اى خدوش او اى حاجة لأن سمعتهم مش حلوة اوى فى الموضوع ده

بخصوص الروق, فبتأخذ محضر استلام, و يا ريت لو يسلمك معاها ورق الافراج الجمركى بتاعها كمان, حاول متستلمهاش الا بيه

و اى حاجة تحت امرك كلنا

على فكرة انا مستلمتش طفاية حريق علما انى مستلم فى 2-2009 من التوكيل فرع احمد عرابى فياترى كانت بتنزل فى 2008 بس ولا ايه الحكاية ؟ .

طبعا باقى الملاحظات ذكرها الاخ معاذ مع اختلاف انى استلمت كتيب الضمان والكتالوج مع استلام العربية وطبعا صورة محضر الاستلام اللى تقدر تمشى بيه 24 ساعة فقط من تاريخه وتانى يوم استلمت جواب المرور مع الافراج الجمركى

ونصيحتى ليك تستلم العربية من غير اى ورق ملزوق عليها لسببين :

1- حيتعبك فى نظافة اثر اللزق على العربية
2- وده الاهم ممكن يكون مدارى عيوب تحته زى خبطات او تاشير فى الدهان .

ومتمضيش على اذن الاستلام الا بعد المعاينة التامة .

وانصحك تاخد فاتورة رسمية بالعربية زى انا ما عملت مع التوكيل والفاتورة مهمة وممكن تحتاجها مستقبلا.
طبعا فاتورة رسمى يعنى بطاقة ضريبية وسجل تجارى وختم الشركة وواضح فيها موديل العربية ورقم الشاسيه والسعر الاجمالى وتاريخ الفاتورة وطبعا اسم حضرتك .
وممكن ياجلوا الفاتورة كام يوم مش مشكلة المهم تتابع معاهم وتاخدها .
وبالتوفيق.

مش هقدر أضيف طبعاَ علي كلام من سبقوني

بس طالما هتستلم من المصرية يبقي فصص العربية فعلاَ زي ما معاذ قالك

يعني إتأكد إن الدهان كله ميه واحدة عشان تتأكد إن العربية متخبططش منهم و رشوها .. و تتأكد إن اللون كله طبقة واحدة بما فيهم السقف و تشوف كويس لو فيه خدوش

و جرب التكييف و الأنوار الخاصة بالعربية .. الفوانيس الأمامية و الخلفية بما فيها نور الفرامل و المارشيدير .

و متستلمش العربية لو فيها أي حاجة غلط .
و أهم شئ .. إستمتع بأول دخلة للعربية و قعدة علي كرسي السواق و نظرة للعدادات و ريحة الفرش الجديد و صوت أول تدويرة كونتاكت :) و ربنا يباركلك فيها إن شاء الله و في إنتظارك المقابلة القادمة .

المشاركة الأصلية كتبت بواسطة dr_druggist

على فكرة انا مستلمتش طفاية حريق علما انى مستلم فى 2-2009 من التوكيل فرع احمد عرابى فياترى كانت بتنزل فى 2008 بس ولا ايه الحكاية ؟ .

سألت لحضرتك عن موضوع الطفاية .. هما فعلوا بطلوا يدوا طفاية مع موديلات 2009

----------------------------------------

طمنا يا باشا عملت ايه... استلمت و لا لغيت؟