الموضوع: حادثه صعبة

المشاركة الأصلية كتبت بواسطة crazylambada

طبيعتي كنت بعمل غرز
لحد من شهر ربنا نجاني من غرزة موت سبحانه مش عارف نجيت منها لحد دلوقتي ازاي
و من ساعتها حرمت مش علشان نفسي
بسعلشان كنت هخش في تويوتا كورولا فيها اسرة
و حسيت اني كان ممكن اموتهم و من ساعتها
الحمد لله
بس بقول للناس ياريت ميعملوش كده لان حييجي وقت لازم حيبطلوه
فخليهم يبطلوه من نفسهم احسن ليهم
وربنا يهدينا كلنا

نحن جميعاً نشكرك ونكن لك كل الإحترام وياريت الناس تعمل زيك ويبطلوا الكلام دة بمزاجهم قبل لا قدر الله مايبطلوة نتيجة فقد عزيز.
شكراً لك

فعلا الحمد لله هى أقصى حاجة تتقال
أنا شفت الحادثة دى كنت مروح وشفت العربية وهى يدوب لسة عاملة الحادثة وكان يوم حوادث لأنه فى نفس اليوم وقبلها بنص ساعة وأنا فى طريقى عند دار الأوبرا - شارع التحرير كان فى نفس الحادثة بالضبط بس فى عربية هيونداى إانترا 2008 وبرده اللى سايقها شاب من اللى بياخده غرز لكن بصراحة ماعرفش هو خبط فى إيه بس نفس الخبطة والدشملة تقريبا.
يا جماعة والله ماليها لازمة أبدا أبدا أبدا الجرى والغرز مش فاهم إيه الفايدة اللى هاتعود من الكلام ده غير إننا نعرض حياتنا للخطر وإذا كنا مستغنييين عن حياتنا مالهمش دعوة ولا ذنب الناس التانيين .
يعنى بصراحة كده سائق التويوتا ده ربنا نجاه بالسلامة والحمد لله والمقصورة تمام و5 نجوم زى ما الأعضاء أشادوا بيها كأمان لكن يا أخواننا الحادثة كانت أمام باب الجامعة وشارع ضيق ورصيف صغير وحوالى الساعة 5:30 وعدد من الطلبة محترم متخيلين لو السواق ده العربية بعد الخبطة غيرت اتجاهها كان ممكن يبقى فيه أد إيه ضحايا ؟
لأن السرعة اللى تعمل كده أكيد أعلى من 100 كم / س ، يعنى قمة فى الاستهتار والامبالاة وعدم المسؤلية وكمان سواق عليها يعنى أكل عيشه وبيعمل فيه كده
دا إيه الناس ده وبتفكر إزاى ؟؟؟ !!!!!!!!!!!!!!!!!!!!!!!!!!!!!!!!!!!!!!!!!!!!!!!
عجبت لك يا زمن:k26:

ياجماعة كلنا عملنا الحاجات دى قبل كده بس أكيد مش للدرجة المرعبة دى
ياريت نكبر بقى ونعقل شوية ونبطل الحاجات دى
ونتقى الله فى أنفسنا ومالنا وأرواحنا وأرواح الناس
"ولاتلقوا بأيديكم إلى التهلكة"

آسف لإطالة ولكنه موضوع ينرفز جدا
والله المستعان