سؤال بقى للخبرة و نجوم الانسر 1300

**hisho1979** · 09-09-2007 10:47 AM

ياجماعة عربيتي 1300 موديل 2007 وعندي سؤال هام

أنا من هواة السرعة وربنا يسترها مع الجميع ...
السرعة القصوى للسيارة 165 كم/ساعة وال RPM بيكون عند 4500

أنا بمشي على السرعة دي كتير هل ده غلط على الموتور ؟؟؟
لو غلط أيه أكبر سرعة ما تأثرش عليه ؟

وهل السرعة دي هي فعلا السرعة القصوى عندكم ؟

وعند كام صوت الموتور بيكون مسموع ؟

**إسلام شاهين** · 09-09-2007 10:55 AM

لا طبعا السرعة ديه مش آخرها أنا جبت بيها 170 و كان ممكن 180 بس أنا خواف شوية

موضوع إنك تمشي على السرعة ديه على طول أنا مش فاهمه إزاي يعني ؟

**hisho1979** · 09-09-2007 11:14 AM

يعني ياباشا وأنا ماشي على الصحراوي غلط أني أمشي على السرعة دي ؟
هل يؤثر على العمر الأفتراضي للموتور ؟؟

**إسلام شاهين** · 09-09-2007 11:24 AM

هو مش غلط ومش صح لأنك المفروض متثبتش سرعة معينة للعربية فترة طويلة وبعدين إنت كده كده هتعلى وهتوطى علشان الحاجات اللي على الطريق ومن وجهة نظري الشخصية القرص كثير على الموتور أكيد طبعا هيقلل العمر الافتراضي .
وبعدين هي السرعة مش محبذة يعني على مهلك إلا لو محتاج تشد لظروف مثلا .

ربنا يباركلك فيها .

**محمد عز** · 09-09-2007 04:45 PM

انت كده بستهلك بنزين اعلى من المعدل الطبيعي بكتير وكمان كده بياثر على حالة الزيت وهتضطر تغيره بعد فترة قصيرة لكن الموضوع ده مش بياثر على الموتور اوى لكن برده الاحتياط واجب وبعادين خلى بالك فى الملفات والرادار وبعادين كل ما تمشي على سرعة عليا ويبقى فيه ذرات رمل على الطريق صحراوى ده بياثر على دهان العربية لانه بيبقى عامل زى الصنفرة

**Nader** · 09-09-2007 05:04 PM

بالنسب للسير على 4500 لفة فدة في حد زاتة مش غلط لانة ميعتبرش عالي ولو عاوز الموتور عمرة يطول معاك متمشيش كتير على اعلى من كدة.

وزي ما الاستاذ اسلام قال المفروض انك متمشيش على سرعة ثابتة لفترة طويلة، يعني المفروض تعلى وتنزل بالسرعة كل فترة علشان الموتور يستريح.

وبالمناسبة مفيش طريق في مصر يسمح بالسرعة دي وربنا يسترها معانا جميعاً.