انا شايف فكره الكلاس بصوت كلب حلوه ..... بس انا خايف الكلاب تتلم حوليا بدل القطط :3mla:
عرض للطباعة
كويس انك نزلتهم بدل ما يموتوا
على فكره انا كنت مسنى الموضوع "القطط دي هاتجنني" مش عارف ليه الاداره غيرت اسمه من غير ما تقول
[QUOTE=Michael_Lanos;818914]على فكره انا كنت مسنى الموضوع "القطط دي هاتجنني" مش عارف ليه الاداره غيرت اسمه من غير ما تقول[/QUOTE
فعلا حاجة غريبة :T_thum1[1]:
حصل معايا موقف مشابه من فترة بس كانت كلاب مش قطط :)
كنت صاحي بدري وقلت انزل اروق العربية قبل ما اروح الشغل بافتح الكبوت عشان اطمن على الزيت والمية ألاقي اربع كلاب صغيرة قاعدة ومش عايزة تتحرك، أحاول اخليهم يتحركوا مافيش فايدة لغاية ماشلتهم واحد واحد من العربية -أخويا هو اللي شالهم بصراحة- المهم قفلت العربية وطلعت خدت حمام وغيرت هدومي ونزلت ومافكرتش افتح الكبوت تاني طبعاً، وبعد مسافة حوالي 6 كيلو ابتدي اسمع صوت هوهوة في العربية!!!
طبعاً الموقف كان آخر مسخرة ركنت على جنب راح نازل الكلب يجري تحت العربية،،، بقيت اقول الحمد لله انه ماجرالوش حاجة وانه ما اتهورش ونط من العربية وانا ماشي!!
الظريف بقى بالليل الاقي العائلة الكلابية كلها ملمومة على العربية وبيهوهو تقريبا بيدوروا على الفقيد!!
ومع هذا فشلت العائلة الكلابية في حماية العربية من الحرامية
وتم سرقة البطارية بعدها مرتين في خلال 3 شهور:majd(4):
مرة منهم كانت في نفس المكان اللي حصلت فيه حادثة الكلاب ومرة تانية كانت بعيد عن نفوذ العائلة الكلابية :36_1_31:هاها المرة التانية كانت في حماية الأمن المركزي!!!
شباب انا كنت داخل اكتب عن نفس مشكله القطط ....
كل مافتح كبوت العربيه الاقى قطتين او 3 صغيرين مدفوسين فى الموتور .............. بجد حاجه تنرفز جدا , انا خايف يعملو حاجه فى العربيه . و خايف مره انسى و ادور من غير ما ابص هيتهرسو تحت الكبوت
بجد حاجه تغيظ .
حاجة اخر مسخرة
جامده أوى الصوره الرابعه
موضوع زي العسل
شكرا يا مايكل باشا
شكلهم يجنن ... سبحان الله
كويس إنها جات على القطط
اصل منتشر خصوصا في الفيات
استيطان ( العرس ) ....
أنا عن نفسي أول حاجة اعملها افتح الكبوت الصبح واراقب الموضوع
قبل ما حط المفتاح في الكونتاكت حتى ...
جامد جدا يا مايكل و كويس انك صورتهم الصور روعة و علي فكرة زي ما قالت نور يستحسن اننا نراجع كبوت العربية قبل مندور اينعم انا مش بعمل كده علطول بس الاحسن لاني في حد في منتدي الدايو مش فاكر مين دور العربية و بعدين لقي فيها قطة القطة من الخضة نطت جوه حوض العربية و بهدلت الدنيا و العربية
بعد كده كل واحد قبل ميمشى بلعربيه مفروض يهوهو قبليها علشان القطط تمشى
انت لقيت قطط تانى ولا ايه؟؟؟؟؟؟؟؟؟
عربية الشركة كانت تويوتا برادو وحصل نفس الموقف بس ماتوا قعدنا يومين نشم ريحة قبر فى العربيه لغاية مرحنا البنزينة وغسلنا العربية ورفعها واكتشفنا انها قطط وقعد يغسل الموتور والرديتير كتير والريحة مسبتهاش الا فين وفين
الأستاذ العزيز صاحب هذا الموضوع
كانت سيارتى واقفة فى مكانها المعتاد الذى أركنها فيه يومياً
ركبت سيارتى ، وأدرت الموتور لتسخين السيارة
وبهدوء شديد وجدت قطة بيضاء صغيرة جداً تلعب حولى أثناء قيامى بتنظيف زجاج السيارة من الخارج
وبعد أن ركبت السيارة ، رجعت للخلف بهدوء حوالى متر واحد فقط استعدادا للدخول فى عرض الشارع
واذا بالقطة البيضاء تسير أمام سيارتى ترقص وتتمايل ... فوقفت مرة أخرى
نزلت من السيارة لأستوضح الأمر ..... لماذا تلعب كالطفل الصغير .... ثم فجأه نامت على الأرض
وجدتنى مررت بالسيارة دون ان ادرى على نصف رأسها أثناء عودتى للخلف
---- أروى لسيادتك هذه القصة ولجميع الزملاء بالمنتدى لأن قتل الروح أمر عظيم ----
حتى ولو كان حيواناً
فرجاء بل توسل لكل أصدقائنا بالمنتدى ، أن يتفحصوا جيداً (دون ان أقلل من كرامة أى عضو ) ماذا يرقد تحت السيارة قبل ادارتها
وفتح غطاء الموتور فى كل مرة تركب فيها السيارة وقبل ادارتها ايضا .
مع خالص شكرى وعظيم تقديرى للمنتدى وكل أعضاء المنتدى المحترمين
من كام يوم قاعد على كافيه والعربيه قدامي
برده الاقى القطط سايبين الشارع كله وجايين يقعدوا عليها .. حاجه عجب:120105~352:
ههههههههههههههههههههههه
صور جامده جدا