توكيل سيىء كرهنى بالبرتون خالصصصصصص

**mohamed_sabry** · 23-03-2009 02:12 PM

و عندى فكرة لموضوع صوت الصفارة بتاع التيل ده كان الميكانيكى بتاع عربيتى القديمة بيعملها علشان يصنفر التيل و كانت بتجيب نتيجة معقولة , و هى و انتى ماشية بالعربية و دايسة بنزين متشيليش رجلك من على البنزين و برجلك الشمال دوسى دوسة خفيفة على الفرامل و خليكى كدة بتاع 30 متر , و بعدين شيلى رجلك الشمال و كررى التجربة لغاية الصوت ما يختفى , بس ده كان فى عربيتى القديمة , بس التجربة مش هتخسر حاجة .

**kloda** · 23-03-2009 04:29 PM

معلش اخصش التوكيل زفت ربنا يستر و إن شاء الله كل حاجة تتصلح
و ياريت ياجماعة لو حد جاب قطع غيار من برة يقولنا عليها و علي سعرها و علي المكان و هي جودتها كويسة ولا
و إن شاء الله خير

**NaviGator_13** · 23-03-2009 04:33 PM

والله حاجة تحير واحد يشكر مووت فى التوكيل
وواحد يقول عليه زى الزفت !!!!

**momenhamdy** · 23-03-2009 04:50 PM

اولاً حضرتك قدر الله و ماشاء فعل بس انا عندي شويه اسئله مهمه
1-ايه الي خلاهم يغيروا التيل هل حضرتك حسيتي بأن الفرامل مش كويسه ؟؟؟؟
و علي فكره سبب ان التيل الي في التوكيل بيصفر لانه بيحتوي علي نسبه من النحاس
وعلي فكره في برده خبر مش جيد لو العربية فضلت بالتيل دا حيغيروا الدسكات علي حساب الضمان لان التيل الي في التوكيل بياكل في الدسكات
2-بالنسبه لعربيت الوالد العربيه عامله كام الف كيلو ؟؟؟ لانها لو اقل من 5000 كم حيكون في زياده في استهلاك البنزين
بالنسبه للفروقات الي في باب الشنطه دي حلها بسيط جداً و هو ظبط الكاوتش بتاع باب الشنطه نفسه
بس السؤال الاهم هل الباب بيدخل مياه او اي حاجة يعني (بالبلدي بيسرب شئ الي داخل) السياره من الشنطه ؟؟؟
3- بالنسبه لللمبه المحروقه فدا شئ عادي مش اشكال ابداً
4- الاهم من كدا الوالد دفع 140 حنيه مقابل ايه مش العربيه في الضمان ( ياريت توضيح النقطه دي )

بالنسبة للمهندس امر دي نمره التليفون 0122153965

واي استفسار انا تحت امر حضرتك

**tmz9111** · 23-03-2009 05:16 PM

فعلا شئ محزن جدا

**meramor81** · 23-03-2009 06:05 PM

المشاركة الأصلية كتبت بواسطة momenhamdy

اولاً حضرتك قدر الله و ماشاء فعل بس انا عندي شويه اسئله مهمه
1-ايه الي خلاهم يغيروا التيل هل حضرتك حسيتي بأن الفرامل مش كويسه ؟؟؟؟
و علي فكره سبب ان التيل الي في التوكيل بيصفر لانه بيحتوي علي نسبه من النحاس
وعلي فكره في برده خبر مش جيد لو العربية فضلت بالتيل دا حيغيروا الدسكات علي حساب الضمان لان التيل الي في التوكيل بياكل في الدسكات
2-بالنسبه لعربيت الوالد العربيه عامله كام الف كيلو ؟؟؟ لانها لو اقل من 5000 كم حيكون في زياده في استهلاك البنزين
بالنسبه للفروقات الي في باب الشنطه دي حلها بسيط جداً و هو ظبط الكاوتش بتاع باب الشنطه نفسه
بس السؤال الاهم هل الباب بيدخل مياه او اي حاجة يعني (بالبلدي بيسرب شئ الي داخل) السياره من الشنطه ؟؟؟
3- بالنسبه لللمبه المحروقه فدا شئ عادي مش اشكال ابداً
4- الاهم من كدا الوالد دفع 140 حنيه مقابل ايه مش العربيه في الضمان ( ياريت توضيح النقطه دي )

بالنسبة للمهندس امر دي نمره التليفون 0122153965

واي استفسار انا تحت امر حضرتك

السلام عليكم اخى
بالنسبه للتيل لم نشتكى منه اطلاقاااااااا
ولا كان فيه صوت مزعج ولا اى شىء والعربيه كانت ناعمه جداا وده كان واضح من كلامى ونصيحتى للجميع بشرئها بس فى التوكيل اقنعونا انه لازم يتغير ليه ماعنديش اى فكره
بالنسبه لعربيه والدى هى عامله 4000 وشويه لم اتذكر بالتحديد بس انا عارفه انها لسه ماجبتش ال 5000 ال140 جنيه اللى دفعهم قالوا 13 جنيه لمبه ودى مش مشكله والباقى مصتنعيه ايدينا ده بالضبط اللى قالوة لكن ماغيروش اى شىء حتى الغطاء بتاع المساحات لما جبنا واحد الاسبوع اللى قبله جبناه من فرع العجوزة تقريبا ب 40 جنيه
العربيه الى الان مش بتسرب اى حاجه والحمد لله لكن اللى والدى اضايق منه هو الرعشه اللى فى الدريكسيون هو راح انهردا لبتاع كاوتش
ضبطله موضوع الهواء بتاع الكاوتش الخلفى
وهنشوف بقى فى تغيير ولا نرجع لتوكيل تانى
وان شاء الله هاكلم المهندس امر

**meramor81** · 23-03-2009 06:07 PM

المشاركة الأصلية كتبت بواسطة mohamed_sabry

و عندى فكرة لموضوع صوت الصفارة بتاع التيل ده كان الميكانيكى بتاع عربيتى القديمة بيعملها علشان يصنفر التيل و كانت بتجيب نتيجة معقولة , و هى و انتى ماشية بالعربية و دايسة بنزين متشيليش رجلك من على البنزين و برجلك الشمال دوسى دوسة خفيفة على الفرامل و خليكى كدة بتاع 30 متر , و بعدين شيلى رجلك الشمال و كررى التجربة لغاية الصوت ما يختفى , بس ده كان فى عربيتى القديمة , بس التجربة مش هتخسر حاجة .

اشكرك اخى كثيرا وان شاء الله سوف نجرب لعل وعسى ينفع

**merosss** · 23-03-2009 06:12 PM

انا الى اقدر افيدك فية ان موضوع رعشة الدركسيون بعد الصيانة على طول حصل عندى فى نوبيرا 2008 والسبب انهم بيفتحوا خزان زيت الباور(يشوفوا مستواة فين ) فبيدخل هواء بيعمل كدة وانا عندى راحت لوحدها

**ahmedsiyam** · 23-03-2009 07:50 PM

السلام عليكم
الاخت الفاضلة

- بالنسبة لموضوع التيل فهو مشكلة المورد و ليست مشكلة التوكيل و اقول لحضرتك ليه
العربية البروتون اللى بتنزل هنا هى عربية فرز عاشر مثلا كل قطع الغيار المستخدمة فيها هى من اسوء مايمكن و باعتراف مسئول الشركة الماليزية هنا فى مقابلة معاه بمصر بان قطع الغيار للاسف عندهم مشاكل فيها بسب انهم بيستوردها و موش بيصنعوها
بس برضه العربية اللى بتنزل بريطانيا او استراليا هى فرز اول و احسن من اللى عندنا 100 الف مرة

- مشكلة التيل و الطنابير للاسف هاتفضل موجودة و هاتبدى بالظهور كتير للناس اللى بتمشى جوه البلد اكتر من الناس اللى بتسافر و على فكرة التيل الاصلى بتاع العربية قعد معايا حوالى 17000 كلم و التيل بتاع التوكيل و اللى هو باعتاه بروتون مالزيا بيقعد 11000 كلم و يبتدى يعمل مشاكل مع الطنابير و يحتاج يتغير بسرعة ( مشكلة المورد و ليس مشكلة التوكيل )

وطبلعا دى سياسة فى منتهى الغباء من بروتون لانهم بيركبوا فى العربية تيل زبالة يقوم يبوظ الطنابير و فى الاخر يتغيروا على حسابهم فى الضمان و علشان كده التوكيل مابيتكلمش كتير فى الموقف ده لانه عارف و بروتون مالزيا عارفين انها قطع غيار مشمومة فرز عاشر و هى اللى بتتحمل التكاليف

وطبعها هى سياسة انهم يبيعوا العربية بسعر رخيص و لما الضمان يخلص ياخدوا باقى ثمنها قطع غيار ( قمة الغباء )

انا ممكن اطول اكتر من كده بس هانخرج من الموضوع

بالنسبة لموضوع ان العربية البيرسونا بتاعة السيد الوالد بتاكل بنزين
المفروض ان الموتور ده هو نفس الموتور عندى و الموتور ده مابياكلش بنزين هو بيستهلك الاستهلاك العادى بتاع الـ 1600
انا شايف انه مع الوقت الاستهلاك بيتحسن عن الاول و طبعا المصنعية اللى السيد الواد دفعها كانت عبارة عن تنظيف فلاتر و بوجيهات اضافة الى ثمن اللمبة

المفروض انهم يعملوا التالى :
العربية تتفول من المحطة اللى جنب التوكيل و بعد كده تمشى 100 كلم و بعدها ترجع تتفول تانى من نفس المحطة و نفس ماكينة التموين و يتراجع استهلكت قد ايه و على ضوء النتيجة يبان اذا كانت محتاجة تنظيف و لالأ
و خليه ينتظر لحد صيانة الـ 5000 كلم و بعدها يجرب يحسب بنفسه الاستهلاك و لو هو لسه حاسس ان عنده مشكلة نبقى نرتب لقاء بسيادته و اشوفله العربية بنفسى

اتمنى انى اكون افدتك

**AhmedGen2** · 23-03-2009 09:10 PM

طيب امتى اعرف إن تيل الفرامل باظ وعايز يتغير؟. أنا عامل حوالى 9000 كيلو يعنى اتوقع 4000 كيلو كمان واروح اغيره ولا ايه؟.

الموضوع: توكيل سيىء كرهنى بالبرتون خالصصصصصص

LinkBack

أدوات الموضوع

عرض

-

-

-

-

-

-

-

-

المواضيع المتشابهه

الوكيل سيىء طب ايه البديل

تكييف السيفيك كرهنى فى الدنيا

جين 2 حلوة و لا .... التوكيل بقى سيىء و لا .....

ثبات عربيتى اللانوس سيىء جدا

الكلمات الدلالية لهذا الموضوع

المفضلات

المفضلات

ضوابط المشاركة