توكيل سيىء كرهنى بالبرتون خالصصصصصص
السلام عليكم ورحمه الله وبركاته
اخواتى الكرام حبيت اكتب لكم اخر اخبارنا الحلوة مع التوكيل السيىء
اولا هبتتدى بالبيرسونا والدى ندم انه جابها وسمع كلامى لعده عيوب ظهرت معاه
1-بتاكل بنزين جامد معاه
2-الفروقات اللى فى الشنطه وذلك عيب فى التقفيل
3-لمبه الصالون اتحرقت
غطاء المساحات وقع لوحده وده غيرناه فى الفرع اللى فى العجوزة
المهم والدى اخد موعد مع الفرع الرئيسى وراح وبعدين قال ملاحظاته وقالوا له تعالى استلمها الساعه 4 وهو كان رايح 10 ونصف المهم اضطر يسافر الفيوم يضيع وقت ورجع اخد العربيه وتخيلوا اخدوا منه 140 جنيه 13 جنيه لمبه والباقى مصنعيه مع انه عيوب صناعه عموما ماعلينااااااا مش مهم الفلوس بعد مامشى من عندهم اكتشف عيب جديد ان الدريكسيون بيرعش لوحده طبعا اضايق كتير
ولسه هايحدد موعد تانى ونشوف هايخدوا منه فلوس كام المره دى ؟
نيجى للجين تو بتاعتنااااا انا فعلامحروق دمى من التوكيل ونفسى اتفش فيهم
طبعا احنا اخدنا موعد وراح جوزى يعمل موضوع الفرامل غيره التيل وركبه واحد جديد كتر خيرهم
وقالوا لجوزى انت محتاج تغير التيل الخلفى كمان تحب تغيره ولا ايه؟ طبعا جوزى قال بالمره
وياريته ماقال غيروله الخلفى ب 300 جنيه وطبعاا الامامى كان فى العجوزة ب 220 جنيه
ومش مشكله الفلوس بس المشكله تتحل ولكن المفاجاءه
رجع بيصفر من النحيتين :N_no[1]::N_no[1]:
:Copy of majd(4): والصوت اللى وره ياريته صفاره ده صوت مش قادره اوصفه
عارفين العربيه الكارو لما بتزيىء او بتجعر سورى فى اللفظ بس مش قادره اوصف بجد انا محروقه جدا حتى اكتر من جوزى حسيت الصوت وجعنى والله وصعبت عليه العربيه
حرامممممممممم احنا نحافظ ونقول نرجع للتوكيل وندفع فلوس على الفاضى وفى الاخر نصب فى نصب يارتنى اقدر اروح انا لانى اعتبر العربيه دى جزء منى بس على اد ماحبيتها على اد ماحزينه اقول ان العربيه لسه عامله 13 الف كيلو بس على تغيير 2 تيل فرامل وياريت ركبوا حاجه عدله
بجد ياجماعه لو سمعتم الصوت قدام صفاره ووره تزيئه بصوت عالى ولا عربيه كارو والله العظيم
تفتكروا ايه الحل
وللعلم والدى بيقول انه لما كان هناك كان واحد معاه جين تو 2008 بيتخانق بسبب تيل الفرامل
وبيقولهم انا غيرت تيل الفرامل مرتين وعلى مابوصل لاخر الشارع بسمع صفاره
وكمان شاف عربيات بيرسونا كتير عندهم مشاكل ومجهزين لسته بمشاكل فى العربيه
مش عارفه اقول ايه هاسيبكم تحكموا اسفه للاطاله
