Verna Prime.... هل من تجارب او معلومات؟

**goodwave** · 09-09-2007 12:12 PM

السلام عليكم

طبعا معظمنا يعلم إن عمو غبور نزل الفرنا 1500 سي سي كاملة وهي تقفيل هندي واعتقد تمنها 65 الف جنية! فهل حد إشتراها او ساقها يقدر يدلنا عليها!

في إعتقادي الهند لها باع طويل الان في التكنولوجيا والتقدم بالرغم من مشكلة الزيادة السكانية وباي شكل من الاشمال حيكون تقفيلهم احسن من التقفيل المصري! ولا إية؟

كمان الماتريكس التركي زي الفل ومحدش إشتكى منها!؟ ولا إية؟

ارجو المشاركة وإبداء الاراء

شكرا

**Nader** · 09-09-2007 12:25 PM

الفيرنا الجديدة دي انا شوفتها على الحقيقة معروضة في ستي سنتر المعادي، تقفيلها زي الزفت بصراحة.الفيرنا دي شكل قديم للاكسنت فيرنا اللي كانت قبلها وكمان بتتباع بسعر اغلى من اللي كانت بتتباع بة التانية!!!!؟؟؟؟؟ غبور فاكر الناس $@#.

عموماً الموتور والاجزاء الميكانيكية هي هي زي الشكل الي اتوقف انتاجة بس الاكسسوار والصاج والفوانيس وخلافة كلة مختلف مما يترتب علية غلوة لعدم انتشارة وعدم وجود مستعمل او استيراد منة.

اما بالنسبة للماتريكس التركي فمعرفش عنها حاجة لسة للاسف.

**Tamer-Ezzat** · 10-09-2007 03:09 AM

لما عرفت ان شكل الفيرنا اتغيرت طبعا زعلت وقلت كدة العربية بقت شكل قديم بس لما شفت الشكل الجديد حسيت انه مش مريح مش عارف حاسس ان العربية اصغر أو هى تصغير لشكل النيوبيرا مش عارف بس مرتحتلهاش ....
خليك فى المصرى لان مهما كان اسعار الصاج والفوانيس حتبقى أقل نظرا لانتشارها الرهيب .
tea

**tarekkasaby** · 10-09-2007 11:57 AM

المشاركة الأصلية كتبت بواسطة t5554983

لما عرفت ان شكل الفيرنا اتغيرت طبعا زعلت وقلت كدة العربية بقت شكل قديم بس لما شفت الشكل الجديد حسيت انه مش مريح مش عارف حاسس ان العربية اصغر أو هى تصغير لشكل النيوبيرا مش عارف بس مرتحتلهاش ....
خليك فى المصرى لان مهما كان اسعار الصاج والفوانيس حتبقى أقل نظرا لانتشارها الرهيب .
tea

خليك فى المصرى لان مهما كان اسعار الصاج والفوانيس حتبقى أقل نظرا لانتشارها الرهيب

وانا كمان راى كدة و لاحظ ان الموتور 1600 يعنى افضل و انا اتفرجت عليها عند غبور الميزة الوحيد اللى فيها ان الفرش و التابلوة لونهم بيج بس التقفيل مش كويس اعتقد ان المصرى تقفيلة احسن !!!