محتاج مساعدة ضرورى

**mahmoud_nov1985** · 23-03-2009 08:32 AM

انا عايز اشترى شارك خليجى 2009 وللاسف مش موجود منها الخليجى 2009 موجود عدد نادر جدا من 2008 وبسعر مبالغ فيه وكل ده بسبب قرار وزير التجارة بمنع استيراد السيارات من غير بلد المنشأ
وعربية الوكيل اقل فى المكانيات واغلى
فهل استنى شهر او 2 لحد اما الوزير يرجع فى كلامه ولا اخلص دلوقتى وانا دراعى ملوى واشترى من الوكيل

**lovelorn** · 23-03-2009 11:51 AM

فى أقتراح تانى ..

أشتريها من الوكيل فى السعودية , وكده انت مش بتستورد عشان تتاجر . دى ملكية خاصة وانتا بتدفع الجمارك المطلوبة .

بس يا ترى حيرفضوا بردوا ؟؟؟

وده الموقع بتاعهم : http://alesayi.com.sa/

**مصراوي جدا** · 23-03-2009 01:23 PM

المشاركة الأصلية كتبت بواسطة mahmoud_nov1985

وكل ده بسبب قرار وزير التجارة بمنع استيراد السيارات من غير بلد المنشأ

القرار ده طلع امتى .. انا معنديش فكرة .. انا قريت كتير عن مطالبة الوكلاء به لكن الوزير لم يوافق ولم يرفض لكن تقدر تقول كان عمال يدرس فيه والتجار مستوردي الخليجي كتبوا مقالات كتير في الجرايد برضه تطالب بعدم تنفيذه

المهم هل فعلا القرار ده طلع ؟

**lovelorn** · 23-03-2009 06:54 PM

اه هو دا قصدى .. انت تتكلم مع مندوب من الشركة وتشوف ايه الطريقة لتحويل الفلوس وكده .. هى فكرة جت على بالى مش أكتر .. زى ما بتشترى من اى شركة ليها موقع على النت ..

فا انتا مثلا تقولهم عايز لانسر شارك بمواصفات كذا وكذا ولما تتفق معاهم تشوف ايه طلباتهم أو مثلا تشوف لو تجيب خطاب ضمان من البنك وده نظامه انك بتدفع جزء من المبلغ للشركة مقابل شحن السلعة بعد كده تعمل خطاب ضمان عن طريق ايداع باقى المبلغ فى البنك ( كده انتا بتخلى البنك نائب عنك فى دفع الفلوس وتخليص الورق ) ولما العربيه توصل تستلم ورقها من البنك وتروح تخلصها من الجمرك .

انت لو فتحت الموقع حتلاقى انهم كاتبين ان ممكن توصيل قطع الغيار لأى مكان We are committed to deliver any parts, any where,
that's a promise. فا اللى يخليهم يشحنوا قطع غيار , يخليهم يشحنوا عربية .

وممكن تريح دماغك خالص وتشوف لو يتفع تعمل كده مع ميتسوبيشى اليابان وتظبط الأوبشن على مذاجك بقى .

على فكرة الوكيل هو اللى بيقدم طلب الشراء ويحدد المواصفات وطبعا مع زيادة حجم المبيعات بياخد خصم منهم . فا كده انتا حتقوم بدوره فى انك انتا اللى حتطلب العربية وتحدد المواصفات . وكدا ولا كدا الشركة هدفها الأول هو البيع ملهاش دعوة بقى وكيل ولا عميل .