لييييه كده ؟؟؟

**mr_shims_49** · 23-03-2009 09:51 AM

ياجماعة انا زعلان و متضايق اوي النوبيرا بقي في منها تاكسي كتيير جدا انا بردو شوفت لانسر بومة 3 مرات و شوفت كرولا ااشكل اللي قبل الجديد ده علي طول 2007 و شوفت ماتريكس بس ليه النوبيرا بالذات كتيير اوي الموضوع ده مضايقني ياريت حد يكون عنده رد و يرفع من معنوياتي شوية والنبي:K_crying[1]::k30:

الكلام ده في القاهرة و الجيزة

**swimmer25** · 23-03-2009 10:13 AM

كده احسن خلي التاكسيات تنضف في القاهرة والجيزة شوية
وعلي فكرة احسن وانضف في السواقة كمان لان سواقين التاكسيات دي بيخافوا انها تتخبط فهتلاحظ ان موضوع الحدفة الفجائية من السواقين دول اللي كانت بتحصل بقي اقل كتيرلانهم بردو خايفين ان العربية تتخبط عشان المصاريف والشكل
وبعدين سواقة العربيات الجديدة اسهل واريح فالسواقين بقوا اقل حدة واكثر هدوءا

**zeka127** · 23-03-2009 11:37 AM

كده احسن بكتييييييييييير عشان هيلغو التاكسى القديم احسن انا احيانا بركب تاكسى 125 او فيات قرده وبيكون مفيهوش حته سليمه ولا من جوه ولا من بره وانا قاعد اساسا لو فكرت اسند ضهرى على الكرسى كان ممكن اتشقلب على ورا والدركسيون الى ممكن تلاقيه يلف فيه حوالى 180 درجه يمين وشمال وهو اساسا ماشى على طول فكده احسن وانضف بكتير ده غير كمان ان فيه اجانب بيركبو التاكسيات دى والسياحه بقى وكده...