أجرة الميكانيكي ... بناء علي ماذا تحدد ؟

عارف طبعاً أن كلكم هاتقولوا دي حاجة بيقدرها الميكانكي نفسه
و علي حسب نوع عربيتك ... أو المنطقة اللي انت ساكن فيها ... وخلافه.

لكن من كام يوم كنت رايح أغير جلب مقصات ، و سألت واحد صاحبي الموضوع يتكلف حوالي كام عشان ماتخمش . قالي هاتغير كام جلبة ؟ قلتله 8 ... فقالي يبقي أديله 40 جنيه.

يبقي تغير الجلبه بـ 5 ... ؟ مش فاهم ... زي ماتكون تسعيرة يعني ..

وعلي فكرة ده الرقم اللي طلبه العفشجي بالظبط ... ؟!

ف هل يا تري أيه النظام ... هل الحاجات دي ليها تسعيرة (أو علي الأقل الحاجات المعروفة اللي مفيهاش أفتكاسات ليها أسعار معروفة كده ؟!)
و أذا كان كده ليه مانعلمش موضوع عن تسعيرة أعمال الصيانة المتكررة عشان اللي مالوش في الفصال و الكلام ده يبقي عارف.

تحياتي

40 انا كنت بعمل الموضوع ده في ال 128 عند واحد شمام في حواري شبرا و كنت بخليه يظبط الموتور كل مرة و ينظف البوجيهات ب 20 بس
و طبعا الموضوع في الفورد بيختلف يعني ممكن نفس الموضوع يكلف 100 بس الميكانيكي بتاع الفورد فايق مش شمام:stink[1]:

أعتقد اللي بيحدد اجرة الميكانيكي...

1- الشغل اللي بيتعمل
2- الوقت المطلوب لإنها الشغل
3- سمعة الميكانيكي
4- ضغط الشغل
5- نوع العربيه
6- المنطقه المتواجد بها الميكانيكي

و الله اعلم...

اقتباس:

---

المشاركة الأصلية كتبت بواسطة karimone

أعتقد اللي بيحدد اجرة الميكانيكي...

1- الشغل اللي بيتعمل
2- الوقت المطلوب لإنها الشغل
3- سمعة الميكانيكي
4- ضغط الشغل
5- نوع العربيه
6- المنطقه المتواجد بها الميكانيكي

و الله اعلم...

---

ضغط الشغل ... !!
زي مثلا أني أقعد ساعة مستني لما يخلص الزبون اللي قبلي ... أو يسيبني في نص الشغل و يروح يعمل شغل في عربية تاني عشان صاحبها زبون ؟!

طب ده المفروض يزود ولا يقلل الأجرة كده ؟

ماهو الميكانيكي لما يكون عنده شغل كتير هايرفع سعره و اللي مش عاجبه يمشي علشان هو عنده غيرك يدفع اللي انت هاتدفعه...

هما بيحسبوها كده...

اولا-- جرب ميكانيكي واتنين وعشرة لحد ما تلاقي واحد كويس ( كصنعة وكشخصية ) ويبقي هو ده ميكانيكي العائلة (زي صديق العائلة ومحامي العائلة)
ثانيا -- في ناس بتحب تتفق علي المصنعية قبل الشغل وناس لا( كل واحدة فيهم ليها مميزاتها وعيوبها)
ثالثا -- اوعي تفاصل مع ميكانيكي وتزعلو منك لأنه ممكنهو اللي يزعلك
رابعا -- ما تستهونش بشغل الميكانيكي لأن وانت واقف بتتفرج بتبقي الحكاية سهلة انما لو انت اللي تحت العربية والزيت نتر علي وشك ساعتها هتقول يغور ال 40 جنية اللي همرمط نفسي بيهم دول
خامسا -- بمرور الوقت هتبقي عارف الميكانيكي عايز كام (بحاول اوصل للمرحلة دي دلوقتي)
اسف علي الاطالة

اقتباس:

---

المشاركة الأصلية كتبت بواسطة ahmad5997

اولا-- جرب ميكانيكي واتنين وعشرة لحد ما تلاقي واحد كويس ( كصنعة وكشخصية ) ويبقي هو ده ميكانيكي العائلة (زي صديق العائلة ومحامي العائلة)

---

ههههه ... دمك خفيف طحن ... بس فعلا عندك حق

اقتباس:

---

المشاركة الأصلية كتبت بواسطة ahmad5997

بمرور الوقت هتبقي عارف الميكانيكي عايز كام

---

أهو أنا بقي بيبقي عندي هسهس كل ماروح لميكانكي أنه لو عرف أني لسه خام في الموضوع ده هايضرب سعر في العلالي... و عشان كده بحاول أتهرب من الكلام معاه لما يقولي مش عارف أيه عندك تعبان .. ولا الشئ الفلاني عاوز يتغير ... مع أني بكون عاوز أقوله فايدته أيه اصلا اللي انت بتقول عليه ده :Copy of majd(4):

علشان تتعلم لازم تدفع و لازم تسال و ترغي
و مع الوقت تعرف انت بيتعمل عليك شغل ولا الموضوع صح
و مع الزقت برده هاتتعمل امتى تدفع من سكات و امتي تنط في كرش الصنايعي
انا شخصيا اول ما اشتريت عربية في واحد نظفلي الكربراتير ب 80 جنيه:k32:

انا بقى كنت اخلية يظبط لى الموتور
و يغير الزيوت و الفلاتر
ويغير تيل الفرامل ورا و قدام
وطقم البوجيهات
واحيانا يغسل لى الموتور بالمية والجاز
وادى لة عشرين جنية
وبعدين اصحا من النوم على طوول

أنا لسا مغير فلتر زيت وزيت وفلتر بنزين وسلك بتاع البنزين الي اسمو سلك سلكسيه ولا مش عارف ايه خد مني 20 جنيه هل ده كويس ؟؟انا مسلغيه الصراحه ؟

الدوك نضف التيل بتاع الفرامل و بص على البوجيهات ز الكوبلن و خد 10 جندى

اقتباس:

---

المشاركة الأصلية كتبت بواسطة aymoonoo

أنا لسا مغير فلتر زيت وزيت وفلتر بنزين وسلك بتاع البنزين الي اسمو سلك سلكسيه ولا مش عارف ايه خد مني 20 جنيه هل ده كويس ؟؟انا مسلغيه الصراحه ؟

---

اعتقد ان كده معقول...

انا رايح عند الميكانيكي عشان يكشف عالتيل لو عايز يتغير ولا لأ وانزل اجبلو سير كاتينه وا دينامو لو عايزين يتغيرو فعايز اعرف اديلو كام 20 جنيه كفايه؟

اقتباس:

---

المشاركة الأصلية كتبت بواسطة aymoonoo

انا رايح عند الميكانيكي عشان يكشف عالتيل لو عايز يتغير ولا لأ وانزل اجبلو سير كاتينه وا دينامو لو عايزين يتغيرو فعايز اعرف اديلو كام 20 جنيه كفايه؟

---

سير الكاتينة بيتغير بالكيلومتر مش بالنظر و لو حضرتك مغيرتهوش من يوم ما جبت العربية يبقي تغيرة و تسجل قراية العداد علشان تعرف تغيرة تاني امتى
و الموضوع ده اعتقد تديلة 30 و يبص على التيل الخلفي و ينظفة و ديه مش شغلانة و سير الدينامو برده مش شغلانة فاعتقد 30 او 35 كويس علشان سير الكاتينة هوا الي محتاج صنيعي كويس

أنا جربت ميكانيكية كتير بس كلهم ماشي معاهم على نظام واحد ... الي يطلبه بديهوله ... ده بيخليه يحبك ويستريحلك ويديك أحلى شغل في العربية ...

هين قرشك ولا تهين نفسك

بس طبعا ً في المعقول ، يعني مثلا ً آخر مرة كنت عند الميكانيكي واحد بيتخانق معاه على 5 جنيه ... هتخليه يكرهك على كلام فاضي

انا معاك
طالما في المعقول مبفصلشي مع المكانيكي علشان اخلية راضي و اقدر اخنق علية في الشغل و يديني الي انا عوزة

تقدير المصنعيه بقدر جهل الزبون بالشيء...كلما زاد الجهل ارتفع السعر

اقتباس:

---

المشاركة الأصلية كتبت بواسطة ameen_ra

تقدير المصنعيه بقدر جهل الزبون بالشيء...كلما زاد الجهل ارتفع السعر

---

:biggrin::biggrin:
حلوة دى جدا

على حسب شخصيه الميكانيكى
لو واد كويس ..مش هتفرق معاه الزبون عارف ولا جاهل
لو لبط ..وده الاكثر ..هتفرق
على حسب جهل الزبون ودخلتك عليه ..دخله افنديه ولا

هل انت زبونه ولا لا

انا دفعت للميكانيكي 60 عشان غيرلي الدنابير التيل من قدام وغير سير الكتينه والدينامو والتكييف بس برضو فالحسبان انه كل واحد فكك وركب مرتين الكتينه والتكييف والدينامو عشان القياسات مكانتش صح يعني كل واحد ركبه من تاني مره دانا اتقرفت من الوقت الي خده ايه رايكم 60 كويس؟

الموضوع مش بيتحسب كده انت ممكن تروح لميكانيكي ياخد منك جنيه و واحد ياخد 10 بس ابو 10 ممكن يعملك الشغلانه مره واحده و تخلص انما التاني تفضل رايح جاي عليه

عايز اغير كذا حاجة في العربية زاى السيور كلها كاتينة و تكيف و باور و دينمو و الفلاتر كلها برضو فلتر زيت و بنزين وهوأ طبعا مع تغير زيت للفتيس و الموتور وبزات سير الكاتينة داة الي قليقني في تغيروة هو فيه حاجة ناقصة كدة يا جماعة ماذكرتهاش في الفلاتر و السيور؟؟ :36_1_31:و ابوص بصة كدة علا العفشة و ابوص علي التيل الخلفي لو محتاج تنظيف و اغير الامامي لعربية لانسر 2007 ممكن تقدرولي كدة الميكانيكى ياخد مني كام في العملية دية و ياريت بعد اذنكم لكل واحد يكتب هو عمل اية عند الميكانيكى و دفع كام يبقي يكتب نوع السيارة عشان االفأدة تكون للجميع و جزاكم الله خيررر:ask:

توضيح انا كتبت حجات تخص العفشة و الميكانيكة مع بعض علي اساس ان فية ورش بتكون شغالة في الاثنين مع بعض و جزاكم الله خيرا

:I_angr1[1]:ياههههههههه كل دية ردود 1000 1000 شكررر علي الافادة يا رجالة :satelite:

الموضوع ده مهم جدا لأن التصب زاد في البلد..والأسعار كذلك والواحد بيفكر يسيب العربية لو فيها عطل بسيط ولا يوديها لصنايعي يشتغله..من عفشجي لكهربائي لميكانيكي لبتاع فرامل ودبرياج الخ الخ ..ياريت لو حد خبر فعلا يقولنا الاسلوب الصح ايه والحل مع النصابين من الصنايعية ايه؟

الميكانيكى بيعامل العربية على اساس الماركة و الموديل مهما كان الشغل و مش هوا بس ده اى حد بيتعامل فى اى حاجة تخص السيارات بس المنطقى ان الحاجات الخفيفة زى الصيانات السريعة من فلاتر و بوجيهات تكون اسعارها قليلة عموما اقرب حاجة فاكرها اننى لما غيرت المساعدين وراء دفعت 60 جنيه و زيهم قدام و ده من وقت قريب

دفعت برضو 60 فى الجوز الامامى و معاهم تركيب قاعدة الفتيس! ;)

اقتباس:

---

المشاركة الأصلية كتبت بواسطة eltorky

عايز اغير كذا حاجة في العربية زاى السيور كلها كاتينة و تكيف و باور و دينمو و الفلاتر كلها برضو فلتر زيت و بنزين وهوأ طبعا مع تغير زيت للفتيس و الموتور وبزات سير الكاتينة داة الي قليقني في تغيروة هو فيه حاجة ناقصة كدة يا جماعة ماذكرتهاش في الفلاتر و السيور؟؟ :36_1_31:و ابوص بصة كدة علا العفشة و ابوص علي التيل الخلفي لو محتاج تنظيف و اغير الامامي لعربية لانسر 2007 ممكن تقدرولي كدة الميكانيكى ياخد مني كام في العملية دية و ياريت بعد اذنكم لكل واحد يكتب هو عمل اية عند الميكانيكى و دفع كام يبقي يكتب نوع السيارة عشان االفأدة تكون للجميع و جزاكم الله خيررر:ask:

---

شوف يا استاذ انا لسه عامل الحاجات دى فى عربيتى وللاسف مش عارف حاجه تجنن تخيل الميكانيكى طلب 250جنيه غير السيور ودى خدت ساعه شغل ومساعدين ورا ودى خدت نص ساعه شغل ونظف الانجكشن نص ساعه شغل مع فلتر الهوا والبنزين يعنى انا قلت 100جنيه وصعقت لما طلب 250جنيه مع العلم ان العربيه مكانتش محتاجه الكلام دا بس قلتله انا شارى من شهر وماعرفش حاجه عن العربيه قلى نفك ونشوف فك وقالى انصحك تغير واويل سى كامه غيره فى 5 دقايق المهم مستحيل يطلب الرقم دا مبالغ جدا للاسف طلعت 150 جنيه ورميتهم فى وشه ومشيت وقررت اشترى عده كامله واشتغل ميكانيكى وطظ فى البكالوريوس والبدله والكرافت