مش عارف دي معلومة جديدة ولا أنا عايز يتعملي Up Date
اكتشفت إن المساحات بتشتغل من نفسها بمجرد تشغيل جهاز غسل الزجاج (إنك ترش مياه على الزجاج)
فبمجرد رش المياه على الزجاج تقوم المساحات تلقائياً بعمل تقريباً أربعة أشواط من المسح ثم تتوقف أيضاً تلقائياً
عرض للطباعة
مش عارف دي معلومة جديدة ولا أنا عايز يتعملي Up Date
اكتشفت إن المساحات بتشتغل من نفسها بمجرد تشغيل جهاز غسل الزجاج (إنك ترش مياه على الزجاج)
فبمجرد رش المياه على الزجاج تقوم المساحات تلقائياً بعمل تقريباً أربعة أشواط من المسح ثم تتوقف أيضاً تلقائياً
معظم السيارات نفس الحكايه
دي حركه عاديه جدا في كل العربيات الجديده او موديلات تسعينات علي الاقل
بالنسبه لللأسبرانزا طبعا حاجه جديده و غريبه هههههههه
انا بهزر طبعا يا استاذ وائل و اوعى تزعل
a7'ookom
Sherif
ياباشا ولا زعل ولا حاجة
الحمد لله لم ولن أكون متحيزاً لهذه السيارة أبداً فهي ليست أول أو آخر سيارة أركبها فقد أكون اليوم من مالكي (وليس عاشقي) الاسبيرانزا وغداً من مالكي النيسان صني !!!
بس فعلاً ماكنتش متوقع إن حكاية المساحة دي فيها وعرفتها بالصدفة، ربنا يسهل والاقي حاجة جديدة (ياريت مثلاً يكون الكاوتش لو اتخرم بتلحم تاني لوحده) ههههههههههههههههههههههههه ه
ربنا يديك خيرها و يبعد عنك شرها و الله ينور على احلى كلام و اتمنى من الله انه يعطى كل شخص ما يريده من نيسان او اخرام ههههههههههههههه
a7'ook
Sherif
وكمان معلومة جديدة عرفتها النهاردة : إن الإيريال موجود فى الزجاج الخلفى للسيارة A620 وكنت دايخ عليه، جايز ما تكونش فكرة جديدة بس فعلا جديدة عليا أنا....
تحياتى
م/طارق زياد
اوبل فيكترا نازله كده سنه 1997اقتباس:
وكمان معلومة جديدة عرفتها النهاردة : إن الإيريال موجود فى الزجاج الخلفى للسيارة A620 وكنت دايخ عليه، جايز ما تكونش فكرة جديدة بس فعلا جديدة عليا أنا....
وال a516 كمان الاريال فيها في الزجاج الخلفي
أيه يا جماعه أنتوا بتتكلموا فأيه ؟ هههههههههههه
أي أوبشن موجود في أي سياره لازم يكون موجود في الأسبرانزا سواء الكبيره أو الصغيره
يعني مافيش ما يدعو للدهشه
عارفين أيه بقى إللي يدعو للدهشه ؟؟
أنها مايكونش فيها أوبشن موجود في سياره تانيه
السلام عليكم
الياريس كمان الأيريال فى الزجاج الخلفى
يا رااااااااااااااجل خضتني يا عم الحاج ما كل العربيات فيها كده بما فيهم عربيتي بس عندي شوطين بس تفتكر الشوطين الزياده اللي في الاسبيرانزا ليه ؟؟! :wink:
اكيد علشان التميز يا ابو نورا :)
علي فكرة احنا ما بنقولش دي موجوده في عربية تانيه ولا لأ
أحنا بنقول انا اكتشفت أوبشن ما كانش معلن عنه في البورشور ... أو السايتات ...
لأن مالك الأسيرانزه مالوش دعوه بالعربيات التانيه ....
و لا حاطتها في دماغه أصلا ...
بس الناس هي الل حطا العربيه في دماغها ...
مش عارف ليه ....
هو انا لما أقول ان الموضوع ده موجود في الأسبرانزه يبقي باقلل من شانها ...
علي اعتبار ان ان مش واثق في عربيتي ....
لا ...
ده انا باقول الكلام ده و انا فرحان بعربيتي ....
و اغني و اقول
أيوه يا واد و عرفت تنقي ...
أيوة يا واد خدت السنيورة ....
ههههههههههههههههههههههههه ههاقتباس:
و اغني و اقول
أيوه يا واد و عرفت تنقي ...
أيوة يا واد خدت السنيورة
إيه الجمال ده
إيه الجمال ده
اقتباس:
أي أوبشن موجود في أي سياره لازم يكون موجود في الأسبرانزا سواء الكبيره أو الصغيره
يعني مافيش ما يدعو للدهشه
عزيزى بايو و عزيزى أ/طارقاقتباس:
علي فكرة احنا ما بنقولش دي موجوده في عربية تانيه ولا لأ
أحنا بنقول انا اكتشفت أوبشن ما كانش معلن عنه في البورشور ... أو السايتات ...
لأن مالك الأسيرانزه مالوش دعوه بالعربيات التانيه ....
تحياتى لكما، وسبقتنى يا طارق باشا.... كنت هاقولها.... وهى فعلا إكتشاف جديد لنا إحنا غير مذكور فى الكتالوج و لم يسبق لى معرفته و بالتأكيد موجود أحسن منه فى كل السيارات الأخرى و ربنا يبارك للجميع....
تحياتى
م/طارق زياد
علي فكره البيجو 504 فيها كده :wink:
يا فندم من بعض ما عندكم .... :oops:
منذ فترة، وأنا واقف أتأمل فى سيارتى الA620 ، شكيت فى إن الفانوس الأمامى الضخم شكله كدة بلاستك مش زجاج كما هو معتاد ودة يبقى ساعتها أكبر مقلب كلته، وفعلا دقيت عليه بسن المفتاح و تأكدت إنها ليست رنة زجاج بل بلاستك. قلت أة كدة بقة إبتدى يظهر التجميع المصرى.... بالصدفة كنت وقتها راكن فى شارع دمشق بركب فرش للكراسى وركنت جنبى سيارة لانسر لسة طازة بدون نمر فانوسها كبير يشبه اللى عندى، سلمت على صاحبها و إستئذنته وبالفعل خبطت غلى الفانوس لقيت الصوت بلاستك....طبعا صاحبنا كان مستغرب جدا و بيقول ربنا يشفى ....عنده حق بصراحة.... جنب المحل كان محل إكسسوارات و معلق فوانيس ضخمة بس كانت كلها ماركات أوروبية شديدة، سألت صاحب المحل هل هى أصلى ولا تقليد فرد على سخافة السؤال... أصلى طبعا... قلتله بس دى شكلها بلاستك... قاللى طيب ما هو الجديد كله كدة إنت عاوز إيه؟؟؟؟ بصراحة حمدت ربنا جدا جدا جدا لأنه لو كنت فى مكان تانى كان زمانى متأكد إن الموضوع دة فزلكة من التوكيل و سؤ نية و نصب...و بصراحة دى كانت أول مرة أعرف أو أسمع فيها عن الفوانيس البلاستك دى و بعد كدة إتأكدت منها فعلا خاصة أنها لا تظهر سوى فى حالة الحوادث أو الإحتكاكات. هو إكتشاف جديد لى و طبعا مش جديد على الكل.
تحياتى
م/طارق زياد
الله يا استاذ طارق انت اضحكتني جدا جدا
وازداد حبي ليك من حبك في العربية :)
م/طارق زياد
بالفعل ده تطوير جديد في مجال التصنيع بيضمن خفة الوزن وبالتالى تقليل الأحمال على المحرك، هذا بالإضافة إلى عملانية الاستخدام ومقاومة الكسر.
وده اتجاه سائد في صناعات كثيرة حتى إنه موجود في صناعة الموبيليا الحديثة:
يعني أضربلك مثل أنا عندي نيش في البيت تصميمه واخد دوارانات كلها متركب فيها بلاستيك لو شفته استحالة تقول إن ده بلاستيك ولكن لو خبطت عليه بالمفتاح بتاعك :lol: هاتقتنع إنه بلاستيك وهو بالفعل شكل الزجاج تماماً ولا يوجد أي اختلاف بينهم إلا أنه سهل التشكيل علشان كده خد الدوران الحاد المطلوب مع الحفاظ على المتانة وعدم الكسر.
والله أنا فعلا أول مره أعرف مواضيع كتيره فى العربيات والفضل يرجع للعزيزه أسبرنزا لأنها السبب فى البحث والتدقيق
وأرجع وأقول أن الواحد لوراكب العربيه ومقتنع بيها حتبقى طياوه ولو ركب BMW ومش مقتنع بيها حتبقى توك توك :lol: :lol:
فعلا منذ فترة يتم تصنيع الفوانيس الامامية من الزجاج لانها اكثر تحملا للصدمات من الزجاج وسهلة التشكيل وقد لاحظت هذا فى سيارتى موديل 93 فهو ليس شيئا جديدا يا سيدى.
تحياتي العطرة للأستاذ أشرف هشاماقتباس:
وأرجع وأقول أن الواحد لوراكب العربيه ومقتنع بيها حتبقى طياوه ولو ركب BMW ومش مقتنع بيها حتبقى توك توك
و نعم القول
دا غير ان الشركات المصنعة اكتشفت ان مركبات البولى كربونايت ( مواد بلاستيكية )
لها قودرة على تحمل الصمدات و قدلر عال من الشفافية عن الزجاج !!!!!!!
ولكا عملوها اول مرة كانت الفوانيس بتصفر بسرعة جدا ( زى البيجو 206 ) القديمة
و منذ ذلك الحين تم اضافة مركابت اخرى و عناصر اضافية ( مش فاكر اسمها اية والله )
بتعطى للكشاف شفافية وتجعلة ناصع مثل الزجاج !!!
ولاحظوا الفرق بين ال 206 الموديلات القديمة وال 206 الموديلات بتاعت السنتين اللى فاتواا!!