كاسيت الأسترا لمن لديه معلومات صوتيه

**hanytahia** · 23-03-2009 12:49 PM

صوت الكاسيت فى العربية الأسترا سىء جداً جداً انا عندي عدة صوت كامله بازوكا وصاب ووفر وجي ام وزيرو باور وسمعات بايونير ومش عارف أركبهم ولا أبيعهم انا محتاج صوت كويس بس سمعات العربية نفسها مش كويسه ومش عارف ينفع اركب أكولايزر وسمعات ورا وبس ولا اركب الطقم ده والشاشة بتاعة العربية لو شيلت الكاست هتطفي ولا هيبقي وضعها ايه لو حد خاض التجربة او عنده فكره يقول ياشباب وكلنا بأذن الله هنستفيد

**KHALED AYMAN** · 23-03-2009 03:12 PM

انا من رأيى لو انت عايز صوت حلو و قلق يبقى ركب الطقم الى عندك (لو كويس)..
بالنسبه للشاشه فهى مش هتطفى خالص ..
لكن معلومات الكاسيت مش هتظهر فيها ...
عارف ..
انا عربيتى نازله ب سى دى و مش بيشتغل مع الشاشه و نوعه بلو بونكت ...
و غيرته مع انه كان جامد جدا و حطيت كينوود علشان والدى محتاج كاسيت ...
بالنسبه للسماعات ..
احفرلها ورا الكنبه الخلفيه و حطها ...
و دول كفايه ...
انا عامل عندى كده ....
سماعتين بيونير +كاسيت +سى دى تشانجر 10 اسطوانات ...
و بس على كده و الصوت حلو جدا (لكن مش بيعمل قلق )...

**tamertamer** · 23-03-2009 03:19 PM

بص مفيش مشاكل خالص زى مقلك خالد انت ركب الكست وانصحك بالبيونير ويكون فية فلاش ميمورى وسمعتين بينير اخرم ليهم وراء فى البوردة واعمل بوردو خشب وعملها موكت بلون فرش العربية وادعيلى بجد جامد جدا وبالنسبة للشاشة هتختفى كل معلومات الكست يعنى هتثبت على التاريخ والحرارة والساعة بس ومبروك مقدما

**hanytahia** · 23-03-2009 05:38 PM

الطقم اللي عندي الصب ووفر سوني أكسبلود 1200 وات والجي ام 800وات والسمعات بيونير 450 وات هو الزيرو باور اللي مش حلو قوي هو جينسين لو ممكن تقولولي احفر فين للسمعات واركبهم فين وعند مين

**KHALED AYMAN** · 23-03-2009 05:42 PM

انا اعرف واحد كويس جدا فى المحله هنا انت منين ؟؟

**hanytahia** · 23-03-2009 07:51 PM

من القاهرة - دار السلام ... فى عندنا واحد اسمه ادريان بس بيقولو غالي نار .. هو انت لما قطعت فى الصاج بتاع العربية منظره باظ والسمكري هو اللي قطع ولا بتاع الكاسيت وربنا يديم المعروف وما يحرمنا منك

**omdaz_5538** · 23-03-2009 08:56 PM

انا معايا عده صوت صغيره على قدى مكونه من كاسيت كينوود و سماعتين سونى اكسبلود (انا عارف انها ما ينفعش يتقال عليها عده اصلا)
بس بتدينى صوت كويس اوى و عالى برضه
بس مستحرم اركبها فى الاوبل عشان مش هاين علي احفر فى الطبلوه اللى ورا الكانبه و خايف اركب الكاسيت
انا عارف انى كلامى غريب بس مشهاين عليه بس

**KHALED AYMAN** · 23-03-2009 09:06 PM

المشاركة الأصلية كتبت بواسطة hanytahia

من القاهرة - دار السلام ... فى عندنا واحد اسمه ادريان بس بيقولو غالي نار .. هو انت لما قطعت فى الصاج بتاع العربية منظره باظ والسمكري هو اللي قطع ولا بتاع الكاسيت وربنا يديم المعروف وما يحرمنا منك

مهو الى فى المحله عندنا غالى نار ووصل لدرجه السرقه ...
الى قطع فى الصاج بتاع الكاسيت و مش بيبان خالص ...
لانه عليه حاجه زى موكيت كده ...
انا عملت كده فيها و فى الفيكترا الى كانت معانا و مبيحصلش حاجه و دى مش بتعيب العربيه عادى متخفش ..
و ربنا يديم المعروف و ما يحرمكش منى ابدا هههههههههههههه

المشاركة الأصلية كتبت بواسطة omdaz_5538

انا معايا عده صوت صغيره على قدى مكونه من كاسيت كينوود و سماعتين سونى اكسبلود (انا عارف انها ما ينفعش يتقال عليها عده اصلا)
بس بتدينى صوت كويس اوى و عالى برضه
بس مستحرم اركبها فى الاوبل عشان مش هاين علي احفر فى الطبلوه اللى ورا الكانبه و خايف اركب الكاسيت
انا عارف انى كلامى غريب بس مشهاين عليه بس

ايه يا عم خايف ليه ما تلف العربيه فى كيس احسن هههههههههههه بهظر طبعا ...
و بعدين انت مستخسر العده فى الاوبل ولا ايه ههههههههه
احفر فى الحته الى ورا دى متخفش مش بتبان خالص ...
لو عايزين اصورلكو بتاعى ماشى هصورهالكو ....