فنى الزوايا قالي عايزة زرجينة

السلام عليكم
العربية كانت بتحدف شمال لدرجة ان الدركسيون تحس ان بيحاول يلف لواحدة ناحية الشمال ودة بيكون مجهد اثناء السواقة
رحت اظبط زوايا بتاع الزوايا قالي دى عايزة زرجينة
قلتلو يعنى اية قال ان العجل مش مظبوط فى وضع قائم يعنى العجل فية ميل للداخل من ناحية فوق ودى لازم يتعملها زرجينة عشان الانوس مفيهاش رجلاش
بعد قلق وتردد منى اقتنعت وقولته ماشى اشتغل بس قولتلة هتعملها ازاى قالى الجهاز بيدينا الميل بالدرجات
واحنا بنعرفها بالسم
المهم بيركب كتله حديد مكان الجنط وبيربط فتيل عشان يعدل الركبة
بعد الزرجينة ركب العجل وقاس لاقينا العجل اتعكس يعنى بقى الميل لبرة
فك العجل وركب الزرجينة تانى واستمر الموضوع دة اكتر من مرة فك وتركيب
لغاية ما قالى كدة كويس احنا بين اقل قيمة واكبر قيمة يعنى كدة معقول
نيجي للنتيجة بعد الزوايا والزرجينة الحدفة قلت كتير لاكن فية مشكلة ان الطارة بقت تقيلة بطريقة ملحوظة وبحس انها ما بترجعش لمكانها بسهولة وبحس انها خفيفة ناحية الشمال وتقيلة ناحية اليمين

هو الميل كان كام سم والعربية نوعها اية

اقتباس:

---

السلام عليكم
العربية كانت بتحدف شمال لدرجة ان الدركسيون تحس ان بيحاول يلف لواحدة ناحية الشمال ودة بيكون مجهد اثناء السواقة
رحت اظبط زوايا بتاع الزوايا قالي دى عايزة زرجينة
قلتلو يعنى اية قال ان العجل مش مظبوط فى وضع قائم يعنى العجل فية ميل للداخل من ناحية فوق ودى لازم يتعملها زرجينة عشان الانوس مفيهاش رجلاش
بعد قلق وتردد منى اقتنعت وقولته ماشى اشتغل بس قولتلة هتعملها ازاى قالى الجهاز بيدينا الميل بالدرجات
واحنا بنعرفها بالسم
المهم بيركب كتله حديد مكان الجنط وبيربط فتيل عشان يعدل الركبة
بعد الزرجينة ركب العجل وقاس لاقينا العجل اتعكس يعنى بقى الميل لبرة
فك العجل وركب الزرجينة تانى واستمر الموضوع دة اكتر من مرة فك وتركيب
لغاية ما قالى كدة كويس احنا بين اقل قيمة واكبر قيمة يعنى كدة معقول
نيجي للنتيجة بعد الزوايا والزرجينة الحدفة قلت كتير لاكن فية مشكلة ان الطارة بقت تقيلة بطريقة ملحوظة وبحس انها ما بترجعش لمكانها بسهولة وبحس انها خفيفة ناحية الشمال وتقيلة ناحية اليمين

---

انا مش عارف اللي اتعمل ده صح ولا غلط...
وعمومآ في انتظار متابعة الموضوع ..

اكشف على الزوايا عند حد تانى و شوف التقرير طالع فيه ايه

MMamdouh

اقتباس:

---

المشاركة الأصلية كتبت بواسطة aymanhh

هو الميل كان كام سم والعربية نوعها اية

---

كان بيقول 1.5سم

اقتباس:

---

المشاركة الأصلية كتبت بواسطة Drift_Lover

انا مش عارف اللي اتعمل ده صح ولا غلط...
وعمومآ في انتظار متابعة الموضوع ..

---

انا اقتنعت ان دة لازم يتعمل بس الهم يتعمل بكفاءة كويسة وعند حد فاهم

اقتباس:

---

المشاركة الأصلية كتبت بواسطة MMamdouh

اكشف على الزوايا عند حد تانى و شوف التقرير طالع فيه ايه

MMamdouh

---

متشكر على سرعة ردك واهتمامك
هل فى علاقة بين الزوايا وحكاية ان الطارة بقت تقيلة وخصوصا ناحية اكتر من ناحية

اعتقد زاوية الكاستر مسؤلة عن خفة او ثقل الدركسيون بالتالى اى لعب فى الدرجة بتاعت الكاستر بتاثر على ثقل او خفة الدركسيون

MMamdouh

ياجماعة ياريت اى واحد بتاع الزواية يطللع العيب دة لازم يروح لواحد واتنين ويكونوا موثوق فيهم
لان الموضوع دة خطير جدا لانك بتعدل فى اسياسيات العربية وانا كان عندى مش فاكر 1 او نصف سم ورفضت اعملة

انا كل اما بروح لبتاع زوايا لازم يقولى ان فيه فتح وقفل او تقديم ولا تاخير فى العجل ويعملى زرجينه انا بدأت احس ان الموضوع ده عشان فلوس مش اكتر والعربيه مبيبقاش فيها حاجه اساسا ....

اقتباس:

---

المشاركة الأصلية كتبت بواسطة MMamdouh

اعتقد زاوية الكاستر مسؤلة عن خفة او ثقل الدركسيون بالتالى اى لعب فى الدرجة بتاعت الكاستر بتاثر على ثقل او خفة الدركسيون

MMamdouh

---

تقصد بزاوية الكاستر الزاوية العمودية بمعنى هي اللي بتخلى العجلة فيها ميل لبرة او جوة

اقتباس:

---

المشاركة الأصلية كتبت بواسطة aymanhh

ياجماعة ياريت اى واحد بتاع الزواية يطللع العيب دة لازم يروح لواحد واتنين ويكونوا موثوق فيهم
لان الموضوع دة خطير جدا لانك بتعدل فى اسياسيات العربية وانا كان عندى مش فاكر 1 او نصف سم ورفضت اعملة

---

فى الحقيقة انا كنت فاكر زيك الموضوع لية علاقة باساسات العربية
لاكن الحقيقة الموضوع ملوش دعوة باى اساسات هو بيعدل فقط الركبة اللي فيه اللي راكب عليها السوست واللي فيها الطنابير
بس اهم حاجة عايزة حد فاهم اوى وثانيا يعملها بضمير ميزهقش عشان ممكن متجيش من اول مرة

اقتباس:

---

المشاركة الأصلية كتبت بواسطة zeka127

انا كل اما بروح لبتاع زوايا لازم يقولى ان فيه فتح وقفل او تقديم ولا تاخير فى العجل ويعملى زرجينه انا بدأت احس ان الموضوع ده عشان فلوس مش اكتر والعربيه مبيبقاش فيها حاجه اساسا ....

---

ممكن زى ما بتقول لاكن عشان تتاكد لازم تشوف الموضوع دة عند اكتر من واحد

حبيت اقول ان سبب الميل بتاع العجل دة بييجى نتيجة لمطب جامد شوية وانت سريع

النتيجة ميل فى العجل للداخل او الخارج

الاعراض بياكل الكاوتش من ناحية واحدة ودة بيقلل من عمر الكاوتش

لى ملحوظه على موضوع العجل الى مأخر أو مقدم ده و هى عن تجربة : -
عند ظبط الزوايا بإحدى البنزينات ( موبيل ) ممكن يقولك ان فى تأخير فى عجلة معينة و لازم زرجينة و لو انت مردتش ممكن لما ترحلة تانى و يكشف على الزوايا تلاقية معلقش خالص و لما تسأله فى أى عيب فى الزوايا محتاج شغل يقول لأ . و انا طبعا مبعلقش اكثر من كده .
محل آخر و كان بريدجستون العبور قالى ان العجلة الشمال مأخره و عاوزة زرجينة . و دى العجلة عكس التانية خالص . و مرة أخرى و انا بظبت حصل نفس الموضوع سألته قالى لأ كله تمام .
و دا خلانى اقلق من موضوع التأخير أو التقديم ده . بخاف اعمله لعدم اتفاق الصنيعية على جهة التأخير .

اقتباس:

---

المشاركة الأصلية كتبت بواسطة zeka127

انا كل اما بروح لبتاع زوايا لازم يقولى ان فيه فتح وقفل او تقديم ولا تاخير فى العجل ويعملى زرجينه انا بدأت احس ان الموضوع ده عشان فلوس مش اكتر والعربيه مبيبقاش فيها حاجه اساسا ....

---

فعلا دى مجرد اشتغالات علشان تدفع اكتر :M_yes[1]:

اقتباس:

---

المشاركة الأصلية كتبت بواسطة mahmoudysf

تقصد بزاوية الكاستر الزاوية العمودية بمعنى هي اللي بتخلى العجلة فيها ميل لبرة او جوة

---

no

زاوية الكاستر هى زاوية ميل المساعد اللى ماسك العجلة لورا او لقدام

http://rc-setup.com/guide_files/image004.jpg

اللى انت بتقول علية دة اسمة زاوية الكامبر

http://www.barrystyre.co.uk/cdata/27...41_893738i.jpg

MMamdouh

اقتباس:

---

المشاركة الأصلية كتبت بواسطة zeka127

انا كل اما بروح لبتاع زوايا لازم يقولى ان فيه فتح وقفل او تقديم ولا تاخير فى العجل ويعملى زرجينه انا بدأت احس ان الموضوع ده عشان فلوس مش اكتر والعربيه مبيبقاش فيها حاجه اساسا ....

---

90% شغل نصب عشان كدة ماعملتهاش

اقتباس:

---

المشاركة الأصلية كتبت بواسطة MMamdouh

no

زاوية الكاستر هى زاوية ميل المساعد اللى ماسك العجلة لورا او لقدام

http://rc-setup.com/guide_files/image004.jpg

اللى انت بتقول علية دة اسمة زاوية الكامبر

http://www.barrystyre.co.uk/cdata/27...41_893738i.jpg

MMamdouh

---

متشكر على العلومات المفيدة
على كدة ممكم ببساطة اي حد يكشف على زاوية الكاستر بنفسة عن طريق المتر من مركز كل عجلتين فى ناحية واحدة

شكراً يا استاذ ممدوح عى المعلومات المفيده وهل فيه زوايا تانيه غير الكامبر والكاستر وياريت برضه صورهم

الزاوية الاخيرة فى مجموع زوايا اعفشة هى الtoe

http://driftjapan.com/blog/wp-conten...vs-toe-out.jpg

MMamdouh

ياتري ممكن نقيس زاوية الكاستر ؟
يعني ممكن بمتر من مركز العجلتين في كل جنب نعرف فية فرق ولا لا ؟
يعني انا عندي نفس الموضوع الدركسيون خفيبف زيادة عن اللزوم لما رحت اظبط زوايا قال لي عاوزة زرجينة وفية تاخير 2 سم ازاي اقدر اعرف ماخرة ولا لا ؟

اقتباس:

---

المشاركة الأصلية كتبت بواسطة mahmoudysf;738275
[COLOR=blue

نيجي للنتيجة بعد الزوايا والزرجينة الحدفة قلت كتير لاكن فية مشكلة ان الطارة بقت تقيلة بطريقة ملحوظة وبحس انها ما بترجعش لمكانها بسهولة وبحس انها خفيفة ناحية الشمال وتقيلة ناحية اليمين[/COLOR]

---

نفس الحكاية حصلت معايا لكن الصنايعى كان قاللى ان العجلة مرحلة لورا (نتيجة مطب جامد) وبردو بعد ما عمل الزرجينة حاسس ان طارة الدريكسيون بقت تقيلة!!!
اللعب فى الحاجات دى لازم يكون من ناس فاهمة قوى وإلا دايما حتلاقى خساير

اقتباس:

---

المشاركة الأصلية كتبت بواسطة meso76

نفس الحكاية حصلت معايا لكن الصنايعى كان قاللى ان العجلة مرحلة لورا (نتيجة مطب جامد) وبردو بعد ما عمل الزرجينة حاسس ان طارة الدريكسيون بقت تقيلة!!!
اللعب فى الحاجات دى لازم يكون من ناس فاهمة قوى وإلا دايما حتلاقى خساير

---

يا ريت حد يدلنا على حد متخصص بجد وفاهم فى الحكاية دى عن تجربة

حصل معى من اربعة سنوات وكان معايا لانوس ايامها وعندما ذهبت لضبط الزوايا فى محطة شل اللى فى شارع الهرم وبعد وضع السيارة على الجهاز قال نفس الكلام وسالته ما هو الحل فى ال 1.5 سم قال لابد من عمل زرجينة وسالته اين قال ممكن السمكرى اللى بتتعامل معاه لو كويس يعملها
وبعد السؤال من ذوى الخبرة دلونى على بنزينة بميدان الجيزة عندها استعدادت لاصلاح هذا العيب وفعلا ذهبت للبنزينةوهى قبل مصنع موتسيان قبل نفق الهرم وانت جاى من ميدان الجيزة
وفى خلال ربع ساعة عمل الزرجينة
وهى عبارة عن قطعة حديد بمقاس معين وبيضعها فى المكان اللى موجود فيه المساعد لكى يعالج العيب
وبعد الاستعدال قال لى انه عندما اغير المساعد الذى فيه منطقة المعالجة لابد من الذهاب اليه لكى يقوم بنفس العملية
وبعدها ذهبت لنفس المحطة التى كشفت فيها من قبل اللى هى شل
وقال الشغل مظبوط وكده القراءة معى صح والعربية مشيت مظبوطة معى
واعنى ان الموضوع بسيط وعلى مااتذكر كان لايتعدى 20 جم ساعتها
مع تمنياتى بالتوفيق شاكرا لكل من شارك بالراىوالمشورة

طيب يا شباب مين يعرف مكان ظبط زوايا في القاهرة ممكن هو يعمل زرجينة لو العربية محتاجة

اقتباس:

---

المشاركة الأصلية كتبت بواسطة mahmoudysf

يا ريت حد يدلنا على حد متخصص بجد وفاهم فى الحكاية دى عن تجربة

---

اعمل بحث حتلاقى فى كذا موضوع مكتوب مين احسن ناس بتوع زوايا

MMamdouh

انا اقدر اقول لك على البزينة اللى ذكرتها سابقا
وانا ماعرفش حد فنى هناك لان عملت الموضوع ده من 4 سنين فى لانوس مو99 وكان فيها هذا الفرق 1.5 سم وبصراحة الفنى اللى كان موجود عمله كويس وعرفت ذلك لانى رحت ضبطت زوايا فى بنزينة اخرى
وماعرفش اذا كان الفنى ده موجود ولا مشى
لكن الجهاز اكيد موجود عندهم
ممكن تسال عندهم ولكن لاتستعجل واستفسر كويس منهم قبل عمل الشغل
لان الصنايعية فى مصر تسمع منهم كلام وفعل مافيش
وكل واحد ترحله يقولك مين اللى عملك الشغل ده ارد عليه اعمل انت الصح
والنتيجه بتكون انه يبوظ الدنيا ويدخلك فى شغل الى ما لانهاية
فكن حذر واسمع واصبر
اعانك الله

لو العفشة عندك عايزة شغل متعملش الزرجينة الا لما تخلص اللى العفشة محتاجاة عشان ممكن يكون سبب الترحيل من من العفشة

الناحية اليمين عندى مش فاكر وانا بزبط الزوايا الراجل قال لى ان عندك نصف او واحد سم المهم معملتهاش وبعدين غيرت المساعدين وحسيت بعد فترة حوالى 2500 كيلو ان المساعد ان ناحية المشكلة دة بدات كفاءة تقل مقارنة بالناحية الثانية فهل دة السبب