مراكز صيانة نايل موتورز المعتمدة

**falcon191** · 29-03-2009 01:12 PM

فكرة ممتازة ،وأنا مستني ازاي الإدارة هتنظمها علشان أشارك.

**MoToRiZeR** · 29-03-2009 05:04 PM

المشاركة الأصلية كتبت بواسطة Hossam_Hassan

فكرة كويسة و اقترح الأتى لتنظيمها بعد اذن الادارة:

1 - يتم انشاء موضوع جديد مثبت من قبل الادارة فى المنتدى العام مثلا او فى الورشة
2 - اللى عنده معلومات مفيدة يبعتها برسالة خاصة للادارة
3 - تقوم الادارة بتخصيص مشاركة خاصة لكل تخصص، كهرباء، ميكانيكا، الخ الخ
4- تقوم الادارة بنقل المعلومات الواردة فى الرسائل الخاصة للمشاركة الخاصة بهذه المعلومة و ذلك لسهولة توصيل المعلومة لمن يبحث عنها، يعنى الواحد ما يقعدش يدور فى 20 صفحة علشان يلاقى ميكانيكى قريب منه.

ايه رأيكم و ايه رأى الادارة

اؤيد ذلك و ممكن يكون موضوع مفتوح بدل الرسائل الخاصة و تتحط النتائج بتاعته في موضوع منفصل مغلق .

**oss_m** · 29-03-2009 05:50 PM

فكرة جميلة يا باشا.

أتمنى أقدر اشارك و لو ان اغلب الصنايعية اللى اعرفهم .. يا اما ماعندهمش ضمير أو مش فاهمين 100%.

ربنا يكرم باللى فيه الخير

**Rembrandt** · 29-03-2009 06:01 PM

great idea

**Eng_aly** · 29-03-2009 06:33 PM

والله الله ينور عليك فكرة ممتازة يا حودة

**ahit** · 30-03-2009 12:50 AM

فكرة جيدة جداً , بارك الله فيك.
و بصراحة أنا و مجموعة من أعضاء المنتدى مالكى الفولكس البيتلز بنفيد بعضنا فى موضوع الصنايعية فيما يخص كل شىء فى الفولكس البيتلز و بنتقابل و نروح سوا للميكانيكى أو الكهربائى و غيره , بس كنا بنتكلم على أساس العدد مش بإسم المنتدى مباشرة.
و طبعاً بنحكى لبعض كل شىء بالتفصيل و الأسعار و المعاملة عشان نستفيد كلنا و الحمد لله بقى لينا تأثير كويس على الصنايعية اللى بنتعامل معاهم.
و بقترح بعد إذن الإدارة الكريمة إنه يتعمل ورشة لكل قسم من أنواع السيارات يعنى مثلاً ورشة للفولكس و روشة للدايو و هكذا.
و كل عضو جرب ورشة كويسة و مشهورة بالأمانة يكتب تفاصيلها و طبعاً الأعضاء اللى هايترددو عليها هايحكو بالتفصيل اللى حصل معاهم و بالتالى هايكون هناك تقييم جماعى و مفيد لباقى الأعضاء.