مراكز صيانة نايل موتورز المعتمدة

الضمير زي ما إنتوا عارفين عملة نادرة حالياَ
و الواحد ممكن يروح لصنايعي يقعد يشتغل فيه و يطلعله بلاوي في العربية و هي فيها حاجة بسيطة و يعمل عليه أحلي شغل خصوصاَ لو خلفيته عن السيارات قليلة .. أو علي الأقل في أضعف الحالات .. يطلع مبيفهمش و يبوظله حاجة .

و مع إرتفاع أسعار صيانة التوكيلات الواحد اما بقي يحصل حاجة في عربيته يبقي محتاس و يقعد يقول أروح فين و أجي منين .

فا كنت بفكر إننا نعمل لستة بالصنايعية و الورش و الأسطوات اللي عندهم ضمير في القاهرة و مختلف المحافظات و يستفيدوا و يشتغلوا طالما ناس كويسة و عندها ذمة و ضمير و إحنا نستفيد و نختصر الطرق و ناخد خدمة كويسة .

و طبعاَ نفهمهم اننا هنخليهم مركز صيانة تابع للويب سايت و إن أي حد ياخد خدمة غير جيدة صوته هيكون مسموع .. و نأخذ منهم أسعار ثابتة عشان يبقي الواحد عارف هيعمل إيه و هيدفع كام .

يتابع الموضوع ده عمل جداول للحاجات اللي بتعمل للسيارة في الصيانة الدورية و دي حاجة بتشترك فيها مختلف السيارات مهما كان نوعها .. بداية من صيانة الألف و حتي ال 100 ألف مع التركيز علي الصيانات الكبيرة .

و بكدة يبقي كسبنا راحة بال إن التوكيل مش هيسرقك و فلوسك في جيبك .. و هتروح لصنايعي مش هيشتغلك .

هي الفكرة عايزة مجهود و تطوع من ناس كتير بس تنفيذها سهل .. كل واحد يشوف صنايعي أو ورشة كويسة بيتعامل معاها من فترة و شايف إنه راجل بيتقي الله في عمله .. يعرض عليه الموضوع و نحطه في اللستة بتاعتنا .. و ناس تعمل برامج الصيانة و تدونها .

و لو الفكرة عجبتكم فأنا أول متطوع .

و الله فكرة كويسه جدا خاصه ان عندنا في نايل موتورز كوادر ممتازة جدا لتقييم الناس دي فنيا في جميع الماركات

أوؤيد هذه الفكرة جدا وممكن اساهم فيها

والله فكرة ممتازة وياريت العمل فيها ز بيها

للاسف فأة الصنيعية دية لا يمكن يكون صادق معاك ابدا ابدا ابدا لكن ايدى فى ايدك انا موافق ومنضم معاكم

موافق على الفكرة بشدة...
شكراً اخ محمود :)

فكرة ممتازة يا محمود

فكره ممتازه طبعاً...

طب ايه رأيكو نفتح ورشه خاصه بنايل موتورز... نجيب فيها صنايعيه ممتازين و باشراف فني من الاعضاء اللي عندهم خبره كويسه في الموضوع ده و يكون ليهم نسبه من ارباح الورشه... و تكون برده باشراف من الاداره...

الموضوع هايحتاج رأس مال طبعاً في الاول و ممكن اللي عايز يشترك من الاعضاء في رأس المال و يكون ليه حصه من الارباح...

الورشه تعمل صيانه طبعاً بأسعار اقل لباقي أعضاء المنتدي... و بتكلفه اعلي قليلأ لغير الاعضاء...

فكرة ممتازة وانا ممكن اقول على صنايعية ممتازين اعرفهم بس من طنطا
وعلى ضمانتى عن تجربة كويسيييييييييييييين جداااااااااااااااااااا امانة وخلق وضمير .......

يعنى ممكن اكون مندوب نايل موتورز للاتفاق مع صنايعية من طنطا انهم يكونوا معتمدين لدى المنتدى :::
ودة موضوع فية احسن الصنايعية
http://www.nilemotors.net/Nile/showt...D8%C7%E6%ED%C9

فكرة كويسه جدا

فكره ممتازه
يا ريت والله
و ترحمونا من جشع التوكيلات

أنا موافق جدا جدا ...
و كمان نعمل زى مرجع لبتوع الإكسسوارات و تعديل السيارات

مرة نقول نعمل عربية
مرة نعتمد ورش
مرة نفحص عربيات
شكلنا كدة هنعلن الاستقلال قريب

والله فكرة هايلة وانا متخيل انه يبقى فيه سلسلة من ورش الصيانة ذات الحجم الصغير الى المتوسط يكون اسمها سلسلة نايل موتورز للصيانة وتكون منتشرة فى كل انحاء مصر ويبقى فى ادارة ام وينبثق منها ادارات صغيرة فى كل محافظة وممكن نبدأ بتسجيل اسم السلسة عشان محدش يسبق ويسجله قبلنا
ونفتح الباب انه كل اللى عايز يفتح ورشة باسم نايل موتورز لازم يشترى الحق ده وكمان ينفذ شروط الادارة فى تلك الورشة يعنى زى الوكيل والموزع المعتمد كده .
طبعا فى هنا خبرات كبيرة تقدر تحط الاشتراطات المطلوبة وتراقبها فى المستقبل .

والله يا جماعة فى كيانات كبيرة بيبقى مصدرها فكرة نتجت من دردشة زى كده .

فكره كويسه اوى ولو ان الميكانيكى اللى اعرفه راجل جامد جدا جدا (وبالذلت فى الجديد كورى ويابانى) ومفيش زى شغله بس مشكلته تنك شويه بس بصراحه مشوفتش حد زيه غير واحد بس بس الله يرحمه بقى

أبداء بنفسى أنا عندى واحد فى الهرم محترم وبيفهم كويس قوى وخصتا التيوتا والانسر والكورى وبعض الشئ فى فولكس وبالذات البولو لأنو أدرب كويس فى عربيتى أسمه أحمد سعيد وأسعاره معقوله يعنى مثلا لسه مغير طنابير وتيل خد منى 30ج تغيير بوجيهات وفلتر هوا وبنزين وزيت 30ج فك وتركيب عصايه الفتيس 50 وطبعا دا بالنسبه لعربيتى مش عارف بقى العربيات التانيه نظامها أيه زوج أختى معاه هيونداى غير طقم دبرياج وقواعد الموتور وجوز مساعدين أمامى وتربيط عفشه أخد 160 ج

فكرة هايلةجدا يامحمود .واحشنى جدا .

كدة البداية فى كسر احتكار التوكيل آل ضمان وحكايات وفى الحقيقة هى سرقة معنمدة من التوكيل
وأنا معاكم بكل قلبى ..

تحيـــــــــاتى:vctry:

طيب يا جماعة بما إن كل المشاركات والردود بتقول موافقين وفكرة عظيمة طيب نبدأ على بركة الله ولا داعى للتباطؤ حتى لا تهبط العزيمة وتختفى الفكرة المحترمة دى .

فكرة كويسة و اقترح الأتى لتنظيمها بعد اذن الادارة:

1 - يتم انشاء موضوع جديد مثبت من قبل الادارة فى المنتدى العام مثلا او فى الورشة
2 - اللى عنده معلومات مفيدة يبعتها برسالة خاصة للادارة
3 - تقوم الادارة بتخصيص مشاركة خاصة لكل تخصص، كهرباء، ميكانيكا، الخ الخ
4- تقوم الادارة بنقل المعلومات الواردة فى الرسائل الخاصة للمشاركة الخاصة بهذه المعلومة و ذلك لسهولة توصيل المعلومة لمن يبحث عنها، يعنى الواحد ما يقعدش يدور فى 20 صفحة علشان يلاقى ميكانيكى قريب منه.

ايه رأيكم و ايه رأى الادارة

فكره جميله

:S_thum1[1]::S_thum1[1]::S_thum1[1]::S_thum1[1]:

عقبال التنفيذ ان شاء الله


http://www.postimage.org/aVmTF6J.gif


http://www.postimage.org/Pqn4WcA.jpg

فكرة ممتازة ،وأنا مستني ازاي الإدارة هتنظمها علشان أشارك.:wink:

اقتباس:

---

المشاركة الأصلية كتبت بواسطة Hossam_Hassan

فكرة كويسة و اقترح الأتى لتنظيمها بعد اذن الادارة:

1 - يتم انشاء موضوع جديد مثبت من قبل الادارة فى المنتدى العام مثلا او فى الورشة
2 - اللى عنده معلومات مفيدة يبعتها برسالة خاصة للادارة
3 - تقوم الادارة بتخصيص مشاركة خاصة لكل تخصص، كهرباء، ميكانيكا، الخ الخ
4- تقوم الادارة بنقل المعلومات الواردة فى الرسائل الخاصة للمشاركة الخاصة بهذه المعلومة و ذلك لسهولة توصيل المعلومة لمن يبحث عنها، يعنى الواحد ما يقعدش يدور فى 20 صفحة علشان يلاقى ميكانيكى قريب منه.

ايه رأيكم و ايه رأى الادارة

---

اؤيد ذلك و ممكن يكون موضوع مفتوح بدل الرسائل الخاصة و تتحط النتائج بتاعته في موضوع منفصل مغلق .

فكرة جميلة يا باشا.

أتمنى أقدر اشارك و لو ان اغلب الصنايعية اللى اعرفهم .. يا اما ماعندهمش ضمير أو مش فاهمين 100%. :khd:

ربنا يكرم باللى فيه الخير

great idea

والله الله ينور عليك فكرة ممتازة يا حودة

فكرة جيدة جداً , بارك الله فيك.
و بصراحة أنا و مجموعة من أعضاء المنتدى مالكى الفولكس البيتلز بنفيد بعضنا فى موضوع الصنايعية فيما يخص كل شىء فى الفولكس البيتلز و بنتقابل و نروح سوا للميكانيكى أو الكهربائى و غيره , بس كنا بنتكلم على أساس العدد مش بإسم المنتدى مباشرة.
و طبعاً بنحكى لبعض كل شىء بالتفصيل و الأسعار و المعاملة عشان نستفيد كلنا و الحمد لله بقى لينا تأثير كويس على الصنايعية اللى بنتعامل معاهم.
و بقترح بعد إذن الإدارة الكريمة إنه يتعمل ورشة لكل قسم من أنواع السيارات يعنى مثلاً ورشة للفولكس و روشة للدايو و هكذا.
و كل عضو جرب ورشة كويسة و مشهورة بالأمانة يكتب تفاصيلها و طبعاً الأعضاء اللى هايترددو عليها هايحكو بالتفصيل اللى حصل معاهم و بالتالى هايكون هناك تقييم جماعى و مفيد لباقى الأعضاء.