مراكز صيانة نايل موتورز المعتمدة

**MoToRiZeR** · 23-03-2009 04:13 PM

الضمير زي ما إنتوا عارفين عملة نادرة حالياَ
و الواحد ممكن يروح لصنايعي يقعد يشتغل فيه و يطلعله بلاوي في العربية و هي فيها حاجة بسيطة و يعمل عليه أحلي شغل خصوصاَ لو خلفيته عن السيارات قليلة .. أو علي الأقل في أضعف الحالات .. يطلع مبيفهمش و يبوظله حاجة .

و مع إرتفاع أسعار صيانة التوكيلات الواحد اما بقي يحصل حاجة في عربيته يبقي محتاس و يقعد يقول أروح فين و أجي منين .

فا كنت بفكر إننا نعمل لستة بالصنايعية و الورش و الأسطوات اللي عندهم ضمير في القاهرة و مختلف المحافظات و يستفيدوا و يشتغلوا طالما ناس كويسة و عندها ذمة و ضمير و إحنا نستفيد و نختصر الطرق و ناخد خدمة كويسة .

و طبعاَ نفهمهم اننا هنخليهم مركز صيانة تابع للويب سايت و إن أي حد ياخد خدمة غير جيدة صوته هيكون مسموع .. و نأخذ منهم أسعار ثابتة عشان يبقي الواحد عارف هيعمل إيه و هيدفع كام .

يتابع الموضوع ده عمل جداول للحاجات اللي بتعمل للسيارة في الصيانة الدورية و دي حاجة بتشترك فيها مختلف السيارات مهما كان نوعها .. بداية من صيانة الألف و حتي ال 100 ألف مع التركيز علي الصيانات الكبيرة .

و بكدة يبقي كسبنا راحة بال إن التوكيل مش هيسرقك و فلوسك في جيبك .. و هتروح لصنايعي مش هيشتغلك .

هي الفكرة عايزة مجهود و تطوع من ناس كتير بس تنفيذها سهل .. كل واحد يشوف صنايعي أو ورشة كويسة بيتعامل معاها من فترة و شايف إنه راجل بيتقي الله في عمله .. يعرض عليه الموضوع و نحطه في اللستة بتاعتنا .. و ناس تعمل برامج الصيانة و تدونها .

و لو الفكرة عجبتكم فأنا أول متطوع .

**ابو سيف** · 23-03-2009 04:15 PM

و الله فكرة كويسه جدا خاصه ان عندنا في نايل موتورز كوادر ممتازة جدا لتقييم الناس دي فنيا في جميع الماركات

**ahmed_su** · 23-03-2009 04:22 PM

أوؤيد هذه الفكرة جدا وممكن اساهم فيها

**tamertamer** · 23-03-2009 04:46 PM

للاسف فأة الصنيعية دية لا يمكن يكون صادق معاك ابدا ابدا ابدا لكن ايدى فى ايدك انا موافق ومنضم معاكم

**M.Osman** · 23-03-2009 04:54 PM

موافق على الفكرة بشدة...
شكراً اخ محمود :)

**Sharky** · 23-03-2009 05:00 PM

فكرة ممتازة يا محمود

**karimone** · 23-03-2009 05:13 PM

فكره ممتازه طبعاً...

طب ايه رأيكو نفتح ورشه خاصه بنايل موتورز... نجيب فيها صنايعيه ممتازين و باشراف فني من الاعضاء اللي عندهم خبره كويسه في الموضوع ده و يكون ليهم نسبه من ارباح الورشه... و تكون برده باشراف من الاداره...

الموضوع هايحتاج رأس مال طبعاً في الاول و ممكن اللي عايز يشترك من الاعضاء في رأس المال و يكون ليه حصه من الارباح...

الورشه تعمل صيانه طبعاً بأسعار اقل لباقي أعضاء المنتدي... و بتكلفه اعلي قليلأ لغير الاعضاء...

**MohaMed_Refaat** · 23-03-2009 05:15 PM

فكرة ممتازة وانا ممكن اقول على صنايعية ممتازين اعرفهم بس من طنطا
وعلى ضمانتى عن تجربة كويسيييييييييييييين جداااااااااااااااااااا امانة وخلق وضمير .......

يعنى ممكن اكون مندوب نايل موتورز للاتفاق مع صنايعية من طنطا انهم يكونوا معتمدين لدى المنتدى :::
ودة موضوع فية احسن الصنايعية
http://www.nilemotors.net/Nile/showt...D8%C7%E6%ED%C9