-
صنى بعد 45000 كم
الحمد للة انا لسة عامل صيانة ال45000 كم الاسبوع اللى فات و بالتحديد انا مستلم العربية 1/11/2006 يعنى بمعدل كويس فى الكم
العربية زى الفل و مفيش مشاكل تذكر قبلتها فى العربية :verygood: و على فكرة انا مطلع عين العربية من جرى وشد و غرز بس مهتم بالصيانات الدورية و يمكن دة اللى مخلى العربية زى ماهى و لو اى حد لية سوال انا تحت امرة
-
والله ياباشا انا كان ليا سؤال بسيط صيانة الاربعين بيعملوا فيها ايه و بتتكلف كام بالتحديد
و يكون لك جزيل الشكر
-
مستني وياك و متابع باهتمام لأني هروح صيانه الاربعين الف دي قريب قوي انا اساسا عديت الاربعين الف بكام كيلو كده
ياريت التفاصيل و الاسعار
-
صيانة ال 40000كم بتتكلف 300 جنيهة و يتم فيها
1- الكشف على السيارة بالكامل (ماتور-فتيس-فرامل-عفشة)
2-تغيير ماء رداتير و( جلب مساعدين و سير التكييف و الباور ان لزم الامر )
انا عملت حاجة زيادة وهى غسيل الماتور بالفوم ودة ب 45ج
-
طب و زيت الفتيس (عربيتي اوتوماتك) مش المفروض بيتغير عند 40 الف؟
-
انا بردوا العربية اوتوماتك هو اتكشف علية بس لانى بغير الزيت ( الفتيس و العربية) برة و كان كويس
-
ياريت حضرتك تقولنا عملت الصيانه فين
-
بعمل الصيانة فى مودرن الهايكستب
-
ربنا ييسر ليك الأمور
وربنا يملهالك بركه يارب
انا معايا صنى 2009الشكل القديم وبصراحه فى مشكلتين معكننين عليا
1- العربيه بتعووووووووووم لما بيركب فيها 2عيال مش 2 كبار فى الكرسى الورانى بتلاقى الدريكسيون فى وادى والعربيه فى وادى تانى
2- صوت هواء مزعج فى السياره داخل من الزجاج بتاعها على الرغم من انه محكم الأغلاق
المشكلتين دول معايا حتى بعد ما عملت صيانة ال 1000و5000و10000
فى يونايتد جروووب الى فى الدراسه صيانة ال5000
وال1000و10000فى السبع زهراء المعادى
انا روحت كشفت على العربيه فى مركز صيانه كبير فى المنصوره عندنا لضبط الزوايا وكانت المفاجأة ان العربيه واطيه من الشمال 20مم
ونصحنى انى اروح لبتاع عفشه علشان ارفع العربيه بجلبتين من فوق المساعدين الشمال الخلفى بس بصراحه انا خايف العب فى العربيه على الرغم من ثقتى فى المركز دا لأن اخويا كان جايب لانسر سوبر اكشن وكانت بتعووم برده وغلب معاهم فى التوكيل والمركز دا الى حل المشكله بفضل الله
ولما تروح عندهم تلاقى عربيات لانسر زيرو ومرسيدس وبى ام لأنهم ناس فى منتهى الأحترافيه
بس برده انا محتار بصراحه اعمل ايه وانا خلاص غلبت مع التوكيل
ياريت تنصحونى وتشوروا على اخوكم
اسف للأطاله ومتشكر مسبقا على الردود
-
انت تروح التوكيل اللى بتتعامل معاة و تقولهم دة عيب صناعة وانا هعمل شكوى للشركة الام هتلاقى كل اللى انت عايزة هيحصل وانت واقف
و
Content Relevant URLs by
vBSEO 3.6.0 PL2