الموضوع: مشكلة مع المركز الدولي Etb

بالراحة يا رجالة

الحقيقة المركز معاه حق ان لازم الموضوع يتعدل (مش يتلغى) و يتكتب تحتيه بخط احمر بعد الشكوى ان الراجل تم رد حقه فى تاريخ كذا

لكن لو انا عايز ادخل المركز ده وعملت بحث عليه ولقيته حفكر انه نصاب بالرغم من انه رجع الفلوس (صحيح اتاخر وده غلط) لكن انى ابقى عارف انه بيتاخر فى رد الفلوس احسن مقول عليه نصاب (على فكرة الاخ صاحب الموضوع عليه لوم برده لانه مقالش ان الفلوس رجعتله)

وطبيعى انا لو عندى شركة بعمل بحث عليها علشان اعرف بيتقال عنها ايه ولو لقيت منتدى مكتوب عليه حاجة حطلب تعديلها مدام مش صحيحة او اتعدلت وده ممكن يحصل بعديها بسنة او عشرة حتى وقت مكتشف ان فى كلام مكتوب عنى

ده يعتبر تشهير والراجل فعلا لو فاضى ممكن يرفع قضية ويبقى نايل موتورز مساهم فى التشهير بدون اى داع

كمان الراجل فعلا مش ناشر بياناته ده ناشر جزء لا يمكن التعرف عليه ودى طريقة بتستخدم دايما لما حد يحب يعرف اى امر شرا فيه بيانات فيكتب جزء منها علشان يعرفها صاحبها فقط

أولا من الظاهر جدا إن فيه مشكلة حصلت بالفعل ومش مجرد إدعاء بالدليل ده اللى هو اعتراف الأستاذ محمد نفسه

المشاركة الأصلية كتبت بواسطة etbcenter

السلام عليكم .. يتضح ان الموضوع خاص بالطالب أشرف قد تم الحل حسب وعد الشركة الاول واسترد مبلغه في الوقت المحدد لذلك وايضا من يشكو اي شركة او شخص بوجود نصب ما لابد من وجود دليل لذلك ولمصداقية الشركة هنا كفرع الان في المنصورة كما مذكور بلده في المنصورة امام بوابة استاد جامعة المنصورة اذا كان لديه شكوى او اتهام من هذا القبيل .. .. لكن توجيهنا الان لمنتديات نايل موتورز لمنع رفع شكوى قانونية لحماية حقوق الشركة المحلية والدولية

ثانيا موضوع ان الشركة ليها فرع حاليا فى المنصورة ممكن يكون اتفتح بعد الشكوى اللى بقالها سنة وربع!
ثالثا طلب وجود دليل فى الشكوى لو هيوجهها لجهة رسمية ونايل موتورز مش جهة رسمية

المشاركة الأصلية كتبت بواسطة etbcenter

احب اضيف تلك البيانات كالتالي ..
Etb online courses - new student data
الاسم :................................................. .......................

شكرا للمنتدي ونرجو حذف الموضوع ... لعدم قبول الشركة لاي اتهامات وايضا لعدم وجود نزاع قانوني مع المنتدي الكريم شكرا

أفهم بقى ... طالما عندهم العنوان والبيانات ورقم الفانلة يبقى طالبين فى قسم الشكاوى "البريد السرى" للعميل ليه؟
لو عايزين يرفعوا عليه قضية مش هم بيقولوا عندهم بياناته كاملة وللا معندهمش وعايزينها من المنتدى؟

المشاركة الأصلية كتبت بواسطة etbcenter

الفلوس في ردت بحوالة بريدية وكان الاستاذ اشرف محول ببنك فرع السنبلاوين لكن لا نستطيع عرض المادة علي العامة ممكن فقط لادارة المنتدي لحذف الموضوع
شكرا ..

لا تستطيعوا عرض صورة الحوالة دون الرقم أو بنفس طريقة عرض بياناته برفع بعض أرقامها؟
لو حبيت تعرضها كنت عرضتها بنفس جرأة عرض بيانات العضو

المشاركة الأصلية كتبت بواسطة etbcenter

علما ان وقت طرح الموضوع هنا هو 23-03-2009 وقد تم ابلاغه انه وسوف يسترد المبلغ خلال 72 مره الاولي وتم الاعتذار عنها وتم تحديد ارسال المبلغ في نهاية الشهر ولم يمر اسبوعين فاول محاضره كانت له في 17-3-2009

مانرجوه فقط التاكد من كافة الاطراف وان هذه شركة لها مقرها ولها سمعتها الطيبه بين الاف العملاء من الخليج والوطن العربي فرجاءا ان يكون هناك تحكم قانوني جيد علي اطراف المنتدي كافة ونشكركم ردكم الكريم

منين أول محاضرة بتاريخ 17 مارس وهو بيقول مخدش الكورس أصلا؟
وهل فيه شركة لا يوجد ضدها شكاوىمهما كانت سمعتها طيبة؟

المشاركة الأصلية كتبت بواسطة etbcenter

نعم المشكلة اكثر من سنه لكننا اثناء البحث وجدناها في تسويق ... واعتقد ده بيضر تسويق الشركة جدا في اي مكان تاني ... ولا ايه مستر احمد كمال ... افضل عمل بلاا غبار

مش فاهم حاجة
أرجوك راجع صحة كتاباتك علشان نفهمها

المشاركة الأصلية كتبت بواسطة etbcenter

ورجاء احنا مش بنهدد لكن ده الاجراء اللي بيتاخد لو حد كتب عننا
سواء منتدي او جريده او اي قضيه فيها قضية سب وقذف
وحضرتك لو عندك شركة وحد قال انك نصاب هتعمل ايه ياريت تقولي ردك

الكلام عن النصب اتحذف يبقى ليه عايز تحذف الموضوع؟

المشاركة الأصلية كتبت بواسطة etbcenter

والله الردود بتعكس زوق منتداكم بسم الله ماشاء الله اعضاء فعالين فعلا شكرا لكل راي ادلى في الموضوع

دا دليل على تسرعك فى اتخاذ مواقفك
وبصراحة ردوك أسوأ على الشركة من الشكوى
وياريت إدارة المنتدى ترسل الردود دى للشركة علشان تعرف مدير التسويق بيسوق للشركة إزاى

وشكرا