أنا عملت فحص كامل في محطة " شل" اللي في شارع الهرم - بعد الخزان

**osoliman88** · 23-03-2009 06:45 PM

تكلفة الفحص 99 جنية يشمل

قياس كبس الماتور
كشف الرش والدهانات
الشاسية
العفشة
الكابالن
الزوايا الاتزان

أنا باعتبر ان التقرير الى حد ما كافي ومعقول، بالنسبة للمعاملة يمكن أن أديلها 70 % يعني معاملة جيدة الى حد ما بمعنى آخرممكن اروح مرة تانية لو كنت محتاج تقرير آخر. مدة الفحص حوالي 20 دقيقة تقريبا.

هذا فقط للعلم والاحاطة

**ابو فرح** · 23-03-2009 07:52 PM

والنتيجه طلعت ايه ان شاء الله

**moatazbunny** · 23-03-2009 08:16 PM

انت عملت الفحص ده ليه
عشان بتشتيرى عربيه مستعمله يعنى ولا ايه
اصل البنزينه دى جمبى وى كنت ناوى اخشها لو فكرت اجيب عربيه مستعمله

**ahmedfra** · 23-03-2009 08:20 PM

المشاركة الأصلية كتبت بواسطة moatazbunny

انت عملت الفحص ده ليه

+1000000000

**abdelmessih67** · 24-03-2009 01:04 PM

مبروك يا اخ osoliman

و يا ترى نويت تشتري و الا لأ و طلعت حالة العربية ايه

**Yarisawy** · 26-03-2009 02:55 PM

البنزينه دى فعلا كويسة انا كشفت فيها لسه اشتريت الاوبل والراجل اللى اشترى منى برضه كشف عندهم :)

**karmoty** · 26-03-2009 06:19 PM

على فكرة احنا جيران لان البنزينة دي جنبي برضه وهي فعلا بنزينة نضيفة وبغسل رادياتير عندها وبمون منها علطول بس بصراحة اول مرة اعرف حكاية الكشف دي (بس بيقيس كبس الموتور؟؟)يعني ايه دي معلش اصل انا لسة مبتدا

**osoliman88** · 26-03-2009 07:03 PM

في البداية أنا متأسف جدا على التأخير على الرد بس ده بسبب ان المنتدي معرفش ليه من يومين لم يكن هناك تحميل للموقع، عموما الردود كما يلي:

الرد على الأخ: shoudy2005
يعني لو العربية كانت مخبوطة ورشه سواء من الداخل أو الخارج بتعرف ده ، من خلال جهاز صغير في حجم نصف علبة السجاير وبهذا الجهاز 3 لمبات (خضراء وتعني أن اللون فبريكة ، وصفراء يعني أن تم عمل معجون ورش الجزء الذي يحدده الجهاز، أما بالنسبة للون الأحمر اعتقد أن هناك معجون كتير والله أعلم بالنسبة لهذا اللون)

الردعلىالأخ : ZAZw
النتيجة أن الماتور حالته جيدة حيث أن الكبس كان 105 رطل وهو على حسب كلام المهندس أحمد الذي يعمل في المحطة أنه أمر جيد جدا،
وبالنسبة للرش فكانت العربية راشه فقط من الخارج في الباب الخلفي فيما عدا ذلك في فابريكة بالكامل، هذا بالاضافة الى طلب عمل بعض الأمور في العفشة والكهرباء

الردعلىالأخ :moatazbunny
بصراحة كان الفحص علشان الاطمنئنان على سيارة أخي اللإلنترا اللي ماتورها قفش من أسبوع وركبنا ماتور استيراد بمبلغ 3750 جنية

الرد على : Karmoty
المقصود بكبس الماتور قوة الماتور ، يعني ماتور قوي ولا ضعيف محتاج يتعمر وهكذا