بدايه التقرير عن الماتيريا بعد 2353 كم وشكر لكل اللى اللى ساعدونى فى الاختيار

**madoo** · 23-03-2009 11:07 PM

بسم الله الرحمن الرحيم

اولا احب اشكر كل اعضاء نايل موتورز وبالاخص الدايهاتسويه وبالاخص بردة ملاك الماتيريا القدام بالرغم من قلتهم عن المساعدات اللى قداموهالى وقت الاختيار

وعاوز اقولكم اللى قال فعلا ان اللى بيجيب ماتيريا بتحل عليه لعنه الفراعنه انا بقوله فعلا بجد الكلام دة انا كنت بقعد بالساعات فيها ومش عاوز اخرج منها ومكنتش بفتح نت اولا لفرحتى وانشغالى بيها وثانيا الاب عاملها معايا وسقط نسخه وانا كسلت انى اعملها فأنا اسف جدا على التأخير
بس انا بصراحه لسه بظبط فى التقرير ومش خلصته بس انا عاوز اقوللكم انى فعلا اخترت صح العربيه جامدةةةةةةةةةةةةةة موووووووووووووووووووووووو ووووووووووووووووووووت وانا مبسوط اوى منها

يا جدعان والله لو قعدت اقول قد ايه العربيه ملهاش حل والله مش هوفى حقها

واكتر حاجه بسطانى انى لما جبتها خرجت وعديت على كل اللى مش عاجبهم الماتيريا وقولتلهم اتفرجوا ومافيش بنى ادم بجد منهم مركبهاش ومغيرش رايه فيها فى ثوانى وبجد غيرت فكر ناس كتير وناس اكتر من قرايبى وصحابى عاوزين يشتروها

اولهم بابا اللى كان بيقولى انا صعبان عليا انى ادفعلك 110000 فى عربيه لعبه وكان معقدنى منها دلوقتى بقى طمعان فيها وعاوز يدينى عربيته ويخدها منى (بس دا مييييييين) فكك

لسه بقى هصورها وارفع الصور وأحكيلم عنها عن المميزات والعيوب بحياديه ان شاء الله واقولكم عملت ايه فى صيانه الالف فى العبور

وانا اسف على التأخير كمان مرة

**askoda** · 24-03-2009 10:34 AM

Congratulations

You have a very stylish car :)

**أبو عبدالله** · 24-03-2009 12:51 PM

مبارك عليك ان شاء الله
وهيا عربيه ميه ميه

**eslam_wega** · 26-03-2009 04:16 PM

عربية محترمة جدا وكل الجدال عليها كان بخصوص شكلها ودى ازواق طبعا
الف مبروك وربنا يبركلك فيها ومستنين التقرير على احر من الجمر

**mecho_392** · 26-03-2009 04:53 PM

الف مبروك يا باشا و ربنا يباركلك فيها..

**معاذ الشرباصى** · 27-03-2009 05:43 PM

مبروك عليك العربية يا باشمهندس محمد

ربنا يبارك لك فيها و يحفظها لك من كل سوء

و منتظرين تقرير شامل و وافى بالصور

**mahmoud_magdy** · 27-03-2009 06:20 PM

انا بصراحه معجب بشكل العربيه وتصميمها
هو مختلف عن اي عربيه تانيه ومش منتشره
بحييك ل اختيارك العربيه
ومبروك عليك

**shreif16672** · 27-03-2009 06:42 PM

أخي الكريم
العربيه دي شكلها حلو اوي ، مع ان بعض الناس مستغلسة شكلها
بارك الله لك فيها وحفظك من الشرور

**madoo** · 28-03-2009 01:59 AM

مليون شكر ليكوا يا جماعه وانا خلاص قربت اخلص التقرير فاضلى الصور وكدة بس انا اسف والله لانى مشغول جدا فى الجامعه وعندى ميدترمات الاسبوعين دول (ادعولى )لانى شايل مادة من الترم الاول وخايف مووت علشان والدى مايقولش جبتلك العربيه وبوظتك

**KeroSirion** · 28-03-2009 07:39 PM

قشطة يا زميييييل ولو عايز اي حاجة مني اطلب عشان اساعدك في التقرير انا معايا ماتيريا نبيتي 2008 جايبها من شهر 8 اللي فات وعامل بيها بالضبط 8000 كيلو ... انا اسمي كيرو سيريون عشان كنت ناوي اجيب السيريون ولكن غيرت رأيي لما شفت الماتيريا طبعا لا مقارنة ... ومنتظرينك

الموضوع: بدايه التقرير عن الماتيريا بعد 2353 كم وشكر لكل اللى اللى ساعدونى فى الاختيار

LinkBack

أدوات الموضوع

عرض

بدايه التقرير عن الماتيريا بعد 2353 كم وشكر لكل اللى اللى ساعدونى فى الاختيار - انشر الموضوع فى :

-

-

-

-

-

المواضيع المتشابهه

يا جماعه ساعدونى من الحيره اللى انا فيها ( فليشيا )

استفسار عن سعر .....انا اشتريت لانسر 2007 والمكان اللى ورا الكنبه اللى ورا اللى فيه ا

ساعدونى : العجل اللى قدام مأخر وعايز مساعده

يلا ساعدونى فى صيانة جولفايتى اللى اول مره هعملها

عايز اركب انذر للافيو زى اللى بينزل فى الاوبترا اللى هو فى المفتاح

الكلمات الدلالية لهذا الموضوع

المفضلات

المفضلات

ضوابط المشاركة