عرض للطباعة
ده ياجماعة استطلاع انا عمله لارائكم لانى ناوى اشترى اوبل فكترا ايزى ترونيك قريب ان شاء الله وخلاص فهمت كل الامور الفنية
كل اللى محتاجه
ان كل اوبلاوى منكم يوصفلى رايه فى اوبل بوجه عام كسيارة المانية هى الاقل سعرا فى مصر
ماتنسوش ياجماعة
اوبل بوجه عاااااااااااام
وشكرا ليكم كلكم مستنى ردودكم
بص ياباشا بشكل عام دية فيها جوانب كتير اوى بص عشان اجبلك من الاخر تتلخص العربية الاوبل بعدت مميزات اهمها
1- الصناعة الالمانية
2- قلة التكنولوجيا مما يتيح للمصرين اصلاح الاعطال بسهولة
3- الاستحمال القوى
4- عزم المتور قوى
5- شنطة تعتبر من اوسع العربيات الالمانى فى فئتها
6- راحة جيدة بالنسبة للسعر
7- بالرغم من ان توكلها سىء لكن المستوردين جيبين كول حجتها ومتوفرة جدا
8- الاتزان الالمانى الرائع
9- الشكل الجميل جدا والانسيابى
10- تعتبر من ارخص قطع الغيار الالمانى بالمقرنة باى عربية اخرى
العيوب القاتلة للاوبل
1 - الوكيل للاسف ليس على دراية بقيمة هذا التوكيل الرائع لسيارة المانية
2- لا تصلح للجرى والتسارع بطيىء جدا سواء فى 1600 او 2000 ماعدا المتور 2400 هذا شىء اخر
3- صوت المتور عالى جدا وعلى السرعات العلية سمعة فى الكبينة ودة نتيجة العزل الرائع للعربية ولكن عزل الصلون لوحدة لم يكن يشغل بال المصممين
4- عامل البنزين وهو عامل مهم الان فى مصر بالمقرنة باليبانى والكورى
5-الكراسى غير مريحة سواء فى كل الموديلات بالمقرنة ببعض العربيات اليبانى والكورى
6- وبعض العيوب مع المومرسة ستتئقلم معها
الاوبل بصراحة عربية فيها تكنولوجيا المانية تستحق التقدير!
لكن المودبلات الجديدة مش عارف ليه صوتها عالى جدا كدة!!
انا معايا الكورسا 2005 1600 من اسوأ السيارات الاوبل(برازيلى)
المشكلة فى الفيكترا الجديدة انها برضه صوتها عالى جدا بعد 120 كم
ومعايا الكورسا 1200 1995 من احسن العربيات فى الثبات وموتورها من احسن مواتير فئتها!
بالنسبالى لو هغير هتجه للاسف للاوكتافيا A5
بالنسبالى اوبل دى الشركه رقم واحد فى (نظرى) ...
بصراحه بموت فيها ...
لانى ببساطه متربى عليها ...
طبعا كل عربيه ليها مميزات و ليها عيوب بس المهم هل العيوب يمكن تحملها ولا عيوب قاتله ؟؟
العربيات الاوبل فيها تكنولوجى عاليه جدا خصوصا فى الجديد ...
فى نظرى اكبر غلطه عملتها اوبل فى السوق المصرى و دى غلطه منصور ....
انه منزلش الفيكترا 2003 و نزل بدالها الاسترا البرازيلى الى هى اصلا شيفروليه ....
و جودتها اقل بكتر من الاوبل ...لكن هى ممتازه و قويه و تستحمل اى حاجه بس مش دى الاوبل الى اتعودت عليها ....
بالنسبة ليا..
عربية سعرها كويس جدا..
امكاينات كويسة جدا.. و الكلام ده نسبي طبعا..
ولو قارنتها بعربيات تانية اسيوي,, و اوروبي كمان..
هتتفوق بسهولة..
و للأسف.. مش هاقدر اني بعد الاوبل كورسا اللي معايا وهي اصغر اوبل متاحة حاليا (قديمة) عشان في برة اجيلا اصغر من الكورسا
مش هاعرف اركب اسيوي.. عشان العربية رفعت الـ standards بتاعتي ف العربيات..
لو غيرت.. ممكن اروح لحاجة 4*4 عشان دي للأسف انسب عربيات للشوارع المصرية حاليا..
يا اما لو عربية عادية.. يا اما فيكترا بس الكاملة تماما CDX او بورا بقي مستعمل.. (عشان الفيكترا الكاملة قليلة قوي)
ولو هاجيب زيرو.. اكيد الفيكترا بالاسعار الحالية نمرة 1 في اختياراتي
من عيوبها .. صوت الموتور عالي
لكن في النهاية سيارة ممتازة
عربيات برستيجها عالي قوي مهما مر عليها من سنوات تصنيع
مختصر الكلام
عربيه بتاعه رجاله من كل الاتجاهات
صيانه بقى قطع غيار قياده بيع شرا ركوب وكل الى يخطر على بالك
الاوبل هى السياره التى تمتلك شعبيه رقم واحد فى السيارات الالمانى
و ده بسبب السعر الرخيص مقارنه بالتكنولوجيا و الاداء القوى بها
و الثبات الاكثرمن رائع وقوة محركاتها
و اعتقد لو قومنا بأستفتاء هتلاقوا ان الاغلبيه الناس الذين يملكون سيارات اخرى يحلومون بامتلاك هذه السياره