انا بدلت العجل عند 10000 كيلو

**مهندس محمد صلاح** · 09-09-2007 04:53 PM

انا بدلت العجل عند 10000 كيلو متر واستخدمت الاستبن ولقيت العربية مش مضبوطة وبتغربل رحت رصصت العجل كله وكان على فكرة كله بايظ ودلوقتى اصبحت مافيهاش غربلة لكن فيها حدفه يمين .. حاروح اضبط زوايا ان شاء الله .. فيه حاجة بقى عاوز اسأل عليها .. لاحظت اثناء تغيير العجل ان العجل كله عليه سهم يشير الى اتحاه الدوران فاضطريت الى ان يكون التبديل من ورا لقدام والعكس فهل ده معناه انك علشان تنقل عجلة من اليمين للشمال لازم تقلب الطاسات ولا فيه حل تانى :roll: :?

**Nader** · 09-09-2007 04:57 PM

التبديل الصحيح للاطارات بيكون على شكل X يعني اليمين ورا تيجي شمال قدام والعكس صحيح.

**Karim_Monir** · 09-09-2007 05:52 PM

العجل اللي ليه روتاشين زي بتاعتك دي لازم الاتنين اللي ورا يجوا قدام واللاتنين اللي قدام يجوا ورا بدون اي كروسات عشان اتجاة العجل يفضل مظبوط
العجل اللي مالوش روتاشين اليمين ورا تيجي شمال قدام والاتنين اللي قدام يجوا ورا على العدل
ده الكلام اللي قالة المهندس بتاع بريدجستون ووراني رسومات ولو دخلت على موقع بريدجستون هاتلاقي الصور