هل ممكن يكون فيه وكيل أفضل من عز العرب ؟

**saidbakr** · 24-03-2009 01:03 AM

دعونا نتخيل،
هل ممكن يكون هناك توكيل من الموجودين على الساحة في مصر و في حال توليه بروتون في مصر بدل عز العرب، هل ممكن الوكيل ده يكون أفضل منه في خدمة العملاء و ما بعد البيع و جودة الصيانة و قطع الغيار و خلافه؟

ويا ريت تفاعلك مع الاستفتاء.

**eslam_wega** · 24-03-2009 01:22 AM

الله اعلم دى حاجة فى علم الغيب

**SaMeR-PrOtOn ‎** · 24-03-2009 07:15 AM

طبعا في تواكيل أحسن منه وحتى عندنا في سوريا في أكتر من توكيل بيحترموا الزبون مو متل توكيل بروتون بتاعنا وان شاء الله يتغير توكيل سوريا و وتوكيل مصر لان اذا تغيروا رح يصير نقلة نوعية بسمعة عربيات بروتون ورح تنتشر انتشار واسع جدا وشكرا على هالموضوع المتميز

**jisso82** · 24-03-2009 09:14 AM

طبعا ممكن أولا الدعاية ضعيفة جدا لدرجة إن فى ناس كتيرة لحد دلوقتى تعرف شكل العربية لما تشوفها فى الشارع على أساس إنها شافتها قبل كدة و ما تعرفش لا اسمها و لا الشركة و لا البلد و خايفين منها آخر حاجة يمكن أكتر من الصينى اللى أعلاناتها و الدعاية مليا الدنيا. ده حتى آخر 3 معارض عربيات عز العرب نزل بركريسلر و ستروين والبروتون لأ مش عارف ايه السبب.
بس ماحدش ينكر يا جماعة إن العربية لحد دلوقتى هى اللى بتبيع نفسها + شكاوى الناس الجامدة من التوكيل بقت مقلقة جدا لأى حد بيفكر يشترى خصوصا قطع الغيار اللى زى تيل الفرامل مثلا شوفوا كام موضوع اتعمل للقصة دى.
فأكيد بصرف النظر عن سمعته كوكيل هو مهتم أكتر بالماركات الأغلى و اللى بتجيبله فلوس بجد

**halloween** · 24-03-2009 09:36 AM

المشاركة الأصلية كتبت بواسطة jisso82

طبعا ممكن أولا الدعاية ضعيفة جدا لدرجة إن فى ناس كتيرة لحد دلوقتى تعرف شكل العربية لما تشوفها فى الشارع على أساس إنها شافتها قبل كدة و ما تعرفش لا اسمها و لا الشركة و لا البلد و خايفين منها آخر حاجة يمكن أكتر من الصينى اللى أعلاناتها و الدعاية مليا الدنيا. ده حتى آخر 3 معارض عربيات عز العرب نزل بركريسلر و ستروين والبروتون لأ مش عارف ايه السبب.
بس ماحدش ينكر يا جماعة إن العربية لحد دلوقتى هى اللى بتبيع نفسها + شكاوى الناس الجامدة من التوكيل بقت مقلقة جدا لأى حد بيفكر يشترى خصوصا قطع الغيار اللى زى تيل الفرامل مثلا شوفوا كام موضوع اتعمل للقصة دى.
فأكيد بصرف النظر عن سمعته كوكيل هو مهتم أكتر بالماركات الأغلى و اللى بتجيبله فلوس بجد

على حد علمى فى التسويق - لما يبيع كثير من فئات صغيرة و متوسطه (Retail) ده هيضمن له دخل اكبر بكثير من الصيانه و قطع الغيار اكثر من الفئات الكبيره
انا اعتقد انه بيبجيب اسوأ قطع غيار (تيل الفرامل على سبيل المثال) و لان مافيش منافسه و لا حاجه اسمها حماية مستهلك فاما المستهلك يشرب او يلابط و يكون واصل و يعرف يقرفهم

**mnabil1980** · 24-03-2009 11:04 AM

أعتقد ربما يتغير التوكيل لو تم موضوع تجميع البروتون فى شركة النصر.

**MohabSaeed** · 27-03-2009 05:27 PM

توكيل كيا احسن من توكيل بروتون
كا تنظيم و معامله للعميل و انتشار مراكز الصيانه و توافر قطع الغيار فى اى وقت و رخص قطع الغيار بالمقارنه بباقى السيارات من نفس الفئه .

انا بقول الكلام ده عن لانى روحت مركز كيا ابو رواش من فتره و اتكلمت مع المهندس خالد فاروق و شوفت المركز هناك عامل ازاى و قارنته ب مركز بروتون ." مع كامل الاحترام لا وجه للمقارنه " .

عندهم نظام جيد جدا : عباره بار كود بيتحط على العربيه و فى كل مره بتروح تعمل صيانه فى اسكانر بيقرا البار كود و المهندس يعرف انتا جاى تعمل صيانه ايه !! و بيبقى فى ملف الكترونى عن تاريخ السياره و صيانتها , بالاضافه انه يسألك لو فى مشاكل او ملحوظات عاوز تعملها .
+ ان فى فالاستراحه شاشة كبيره موصله بعده كاميرات داخل الورشه تقدر بيها تتابع عربيتك و هى بيتعملها الصيانه و انتا فى الاستراحه بتشرب شاى !! :-) .
و طبعا الكمال لله وحده لان برده فى ناس اشتكت من توكيل كيا بس بصراحه الشكاوى تعتبر قليله بالمقارنه بباقى التوكيلات
عموما لسه فى مركز جديد حيفتتح لبروتون .. اتمنى انه يكون على مستوى جيد و تكون الخدمه فيه احسن و احسن و اتمنى انه يكون فى صاله عرض محترمه ل سيارات بروتون .

**saidbakr** · 27-03-2009 05:52 PM

المشاركة الأصلية كتبت بواسطة jisso82

طبعا ممكن أولا الدعاية ضعيفة جدا لدرجة إن فى ناس كتيرة لحد دلوقتى تعرف شكل العربية لما تشوفها فى الشارع على أساس إنها شافتها قبل كدة و ما تعرفش لا اسمها و لا الشركة و لا البلد و خايفين منها آخر حاجة يمكن أكتر من الصينى
...
بس ماحدش ينكر يا جماعة إن العربية لحد دلوقتى هى اللى بتبيع نفسها
...
فأكيد بصرف النظر عن سمعته كوكيل هو مهتم أكتر بالماركات الأغلى و اللى بتجيبله فلوس بجد

يا عزيزي يجوز أنك تتفق معي في أنه في بعض الأحيان و خصوصاً في السلع المعمرة مثل السيارات، قد تعتبر الدعاية شيء مكمل، و يبقى الأهم أو الأساس هو مدى كفاءة السلعة و اثبات ذاتها، كما ذكرت حضرتك في المقتطف الثاني من ردك. على كل حال و بالرغم من كون الدعاية شيء مكمل؛ إلا أننا لا يجب علينا إغفالها.

بالنسبة للمقتطف الثالث من ردك، أعتقد لو أن تفكير الوكيل عز العرب و سياسته كما جاء في مقولتك، أعتقد أن ذلك يؤكد وجهة نظري في أغلب رجال الأعمال و التجارة الكبار في مصر، و هذه النظرة تتلخص في أنهم يعملون جاهدين بعضاً من الوقت لجمع أكبر قدر من الأرباح غير مكترثين بأي شيء آخر، بمعنى انهم يطبقون مبدأ البائع السريح ( خلص و اخلع ) و تشعر أنهم لا يسعون إلى تكوين كيانات تعيش و تتغلغل في السوق لتنمو و تكبر.

لتوضيح كلامي أكثر، عز العرب مثلاً، بسيارة مثل بروتون، لو أحسن تسويقها و خدمتها لجعلها تنتشر و تترسخ في وجدان المستهلك؛ فإن هذا يعتبر ربحاً في حد ذاته. إن السيارة في مصر لا يحدث لها مثل هذا إلا بانتشارها و انخفاض ثمنها و تكلفة تشغيلها، و أعتقد أن هذا الأمر وارد جدا و متوفر بالنسبة لبروتون لو أحسن الوكيل التقرير.

**m.3abdel3al** · 27-03-2009 09:11 PM

غبور اوتو احسن من عز العرب

**husseinodeba** · 28-03-2009 07:42 PM

المشاركة الأصلية كتبت بواسطة saidbakr

بالنسبة للمقتطف الثالث من ردك، أعتقد لو أن تفكير الوكيل عز العرب و سياسته كما جاء في مقولتك، أعتقد أن ذلك يؤكد وجهة نظري في أغلب رجال الأعمال و التجارة الكبار في مصر، و هذه النظرة تتلخص في أنهم يعملون جاهدين بعضاً من الوقت لجمع أكبر قدر من الأرباح غير مكترثين بأي شيء آخر، بمعنى انهم يطبقون مبدأ البائع السريح ( خلص و اخلع ) و تشعر أنهم لا يسعون إلى تكوين كيانات تعيش و تتغلغل في السوق لتنمو و تكبر.

لتوضيح كلامي أكثر، عز العرب مثلاً، بسيارة مثل بروتون، لو أحسن تسويقها و خدمتها لجعلها تنتشر و تترسخ في وجدان المستهلك؛ فإن هذا يعتبر ربحاً في حد ذاته. إن السيارة في مصر لا يحدث لها مثل هذا إلا بانتشارها و انخفاض ثمنها و تكلفة تشغيلها، و أعتقد أن هذا الأمر وارد جدا و متوفر بالنسبة لبروتون لو أحسن الوكيل التقرير.

بص انت جبت من الاخر ...
وفعلا التوكيل مشاكله كتيره بس اعتقد ان موضوع الفرع الجديد هيكون ليه تأثيرات ايجابيه كتير بالنسبه للخدمه
اما بالنسبه لموضوع اسعار قطع الغيار فدى مشكله معظم التوكيلات

مشاهدة نتائج الإستطلاع: هل يمكن أن يوجد وكيل أفضل من عز العرب لبروتون ؟

الموضوع: هل ممكن يكون فيه وكيل أفضل من عز العرب ؟

LinkBack

أدوات الموضوع

عرض

هل ممكن يكون فيه وكيل أفضل من عز العرب ؟ - انشر الموضوع فى :

-

-

-

-

-

المواضيع المتشابهه

مقارنة : أفضل وكيل (جيتا)او (سيفك) أو (فوكس) أو (مازدا)

سؤال ممكن يكون سهل ... هو ممكن يكون فيه عربيات 2010 لسه زيرو في المعارض ؟؟

هو انا ممكن الاقى mazda 3 الشكل القديم زيرو دلوقتى يعنى ممكن يكون في حد لسه عنده ستوك

رسالة الى السيد هشام عز العرب وكيل بروتون وملاك بروتون

عز العرب وكيل فولفو

الكلمات الدلالية لهذا الموضوع

المفضلات

المفضلات

ضوابط المشاركة