السلام عليكم
اللهم لك الحمد والشكر أخيرا أستلمت الالنترا 2009 من أبو غالي أتوموتيف
وحصل موقف أني أستلمت العربيه يوم الأحد وركنتها لحد ما أرخص نزلت بعد يومين لاقيت الكاوتش الشمال ورا مهوي شويه رحت لبتاع الكاوتش قالي دي واخده خابور لحام طبعا أتجننت زودت الهوا وطلعت علي مركز خدمه أبو غالي في العبور بس بصراحه مفيش أحسن ولا أروع من كده غيرولي العجله بالكامل في 10 دقايق أنا طبعا عارف أنكو هتقولوا أن مش مفروض يحصل كده أصلا بس طبعا زي ما أنتو عارفين أن أحنا أكيد في مصر والحمد لله جت في الكاوتش بس الملاحظه اللي عايز أقولها أني حسيت أني فعلا أحسنت أختيار المكان اللي أشتري منه ومركز الصيانه أخر جمال ونظام ويا ريت يفضل كده عالطول لأني في أخر لحظه كنت هغير رأي في قرار شراء هيونداي من كتر اللي بسمعه عن أبو رواش وباقي مراكز خدمه غبور فكدا فعلا يا أبو غالي يا بلاش