إن كنت هاتمشي معاكس ... يبقي أمشي معاكس صح !!

**roky** · 24-03-2009 11:40 AM

بعد موضوع الغرامة و الحبس و الكلام الكبير ... الناس أبتدت تحرص من موضوع المشي المعاكس ده ... لكن طبعاً فيه ناس كتـــــــــــــــــــــير بتمشي في المعاكس في شوارع جانبيه و الخ عشان مفيش أحتمال يقابلو فيها عسكري أو لجنة.
و عشان كده حبيت أحط لكم أداب المشي المعاكس من وجهة نظري ... و ياريت اللي عنده أي تعليقات يقولي.

أذا كنت هاتمشي معاكس:

يبقي أمشي علي مهلك و ماتذودش علي 20كم/س
و أن كان فيه حارة للبطئ .. يبقي أمشي مخالف في لابطئ و لف و أخرج من البطئ للسريع في الأتجاه المظبوط
حاول ماتمشيش معاكس مسافة ، بالكتير قوي عن 200م
شغل الفلاشر
لو بالليل ماتشغلشي النور .. كفاية نور التابلوه .. يعني هاتبقي ماشي في الحارة المخالفة و كمان رازع النور في وش اللي ماشيين مضبوط
أمشي في أقصي الحارة يساراً ... مقارب للرصيف يعني ، عشان توسع أقصي مساحة ممكنة للعربيات اللي جاية في وشك .. و ماتقوليش لا غلط لازم أمشي علي اليمين .. لانك أصلا ماشي في حارة مخالفة.
لو قابلتك عربية جاية في وشك و مش عارفة تعدي منك، وقف و أستني خالص عشان توسع له يعدي، مانتساش أن انت ضيف عليه . ولما يعدي أرفع أيدك له بالتحية تعبيرا عن شكرك له أن أستحمل غلاستك

و ختاماً أحب أقول أن السبب اللي يضطرك تمشي معاكس ممكن يكون عطل في الحارة التانية ... غرقانة مية مثلا أو فيها مطب أو كسر قاتل ...
ولا يكون أبدا أنك مش عاوز تلف من U-Turn بعيدة أو مستكتر تلف عشان انت اصلا عاوز تركن يدوبك علي الشمال هنا ...

ويجعله عامر

**M_Nabil** · 24-03-2009 11:48 AM

أنا لا اتفق ابدا ان الواحد يمشى عكس الاتجاة تحت اى ظرف من الظروف

**M.Mostafa80** · 24-03-2009 11:51 AM

المشاركة الأصلية كتبت بواسطة M_Nabil

أنا لا اتفق ابدا ان الواحد يمشى عكس الاتجاة تحت اى ظرف من الظروف

رأى من رأيك

**roky** · 24-03-2009 11:57 AM

المشاركة الأصلية كتبت بواسطة M_Nabil

أنا لا اتفق ابدا ان الواحد يمشى عكس الاتجاة تحت اى ظرف من الظروف

معاك يا باشا
بس لو أنت ساكن زيي في 6 أكتوبر ... و الشارع اللي انت ساكن فيه كله مكسر .. و ماسورة المجاري مغرقاه مية ... المشي فيه يبقي مستحيل ... و تبقي مستغني عن عربيتك لو حاولت تتبع القانون في الحته دي بالذات من الشارع

و انا شايف أنه حتي لو ده شارع رئيسي مش جانبي ..بدل ما المرور يكتبلي مخالفة ... المفروض الحكومة تصلحة ، أو تقسم الحارة التانية نصفين بالأقماع الحمراء ... عشان تحول السير ليها أتجاهين

و أحنا الضحية في الحالتين

**HRH_Sameh** · 24-03-2009 12:26 PM

انا متفق معاك في الموضوع ده
لأن مهما حصل يستحيل تغير ثقافة شعب في يوم وليلة
كلامك سليم 100%

انا بتغاظ وبتنحر من واحد ماشي عكسي وضارب العالي في وشي وماشي سريع ومصّر يعدي الأول - بجاحة ما بعدها بجاحة

**blazer** · 26-03-2009 03:13 PM

السير عكس اتجاه او الرجوع للخلف غلط دا انا بعتبره واحد متعمد يموتنى !!
لان انت متضمن اللى جاى فى الطريق بتاعه ماشى على سرعه كام او حجم عربيته قد ايه او حتى مهاراته فى القياده عانله ازاى
افرض انها واحده بنت لسه بتتعلم او ست عجوزه هتتلخبط وومكن تفتكر انها غلط وفى اقرب عمود نور او حتى فى وش عربيتك و طااااخ حادثه

**Rembrandt** · 26-03-2009 03:20 PM

الى بيحترم القانون القانون بيحترمة

**Ghamrawy** · 26-03-2009 05:46 PM

المشاركة الأصلية كتبت بواسطة rembrandt

الى بيحترم القانون القانون بيحترمة

ده فى البلاد المحترمة .......بس
و اللى بيخلى الواحد يلتزم و يمشى صح و ما يمشيش فى المعاكس هو خوفه على سلامته و سلامة الناس اللى حواليه سواء مشاة و لاه راكبين عربيات....انما قانون :POINTI~2[2]: سلم لى على القانون

**crazylambada** · 26-03-2009 05:48 PM

انا منساش مرة في الصحراوي
وواحد كان ماشي مخالف في الحارة البطيئة
جت عربية نقل و اجبرته على انه ينزل في الرمل
ويغرز فيه برة الطريق
الموضوع طبعا كان مرعب جدا و على قد ما هو يستاهل اللي اتعمل فيه
على قد ما كنت حاسس بالشفقة نحيته

**powerofhelll** · 26-03-2009 05:49 PM

لو مشيت عكس هحاول اتبع التعليمات

الموضوع: إن كنت هاتمشي معاكس ... يبقي أمشي معاكس صح !!

LinkBack

أدوات الموضوع

عرض

إن كنت هاتمشي معاكس ... يبقي أمشي معاكس صح !! - انشر الموضوع فى :

-

-

-

-

-

-

-

المواضيع المتشابهه

ماشي بدون تغيير الزيت 2260 كيلو زياده ينفع أمشي بيها تاني - زيت توتالk10

نشيد أمشي على جمر المخاطر >>>>>>>>>>>>>>>> رائع

ينفع أمشي بالعربية من غير لوح؟؟؟؟؟؟؟

هل ينفع أمشي بالعربية منذ استلامها من المعرض وحتى استلام ورقها؟

يا جماعة انا رخصتي اتسحبت اتجاة معاكس

الكلمات الدلالية لهذا الموضوع

المفضلات

المفضلات

ضوابط المشاركة