مشكلة في كمبيوتر السيارة لانوس

**darch** · 24-03-2009 12:59 PM

يا جماعة ارجوا الرد والافادة للأهمية انا معايا سيارة لانوس موديل 99 العربية الحمد لله ممتازة وما فيش فيها حاجة بس فجأة وانا ماشي على طريق مصر اسكندرية العربية اتخنقت وبطلت ولمبة الرشاشات والبطارية نورت قعدت احاول معاها انا والميكانيكي لحد ما عملت توصيلة مباشرة لطرنبة البنزين لان مع فتح كونتكت السيارة ما كانتش بتشتغل المهم الطرنبة اشتغلت بس العربية ما رضيتش تدور رفعت سلك البوجيهات وانا بحاول ادورها مش بيعمل اي شرارة فرد الميكانيكي وقال العربية دي شريحة الكمبيوتر بتاعتها باظت ولازم تتغير - عاوز اعرف ايه الشريحة دي وفايدتها وسعرها كام تقريبا وهل معقول انها تبوظ كده فجأة وبدون مقدمات ارجوا الرد للأهمية

**Drift_Lover** · 26-03-2009 04:02 PM

ولمبة الرشاشات

هو في حاجه في التابلوه اسمها لمبة الرشاشات ؟؟؟

لحد ما عملت توصيلة مباشرة لطرنبة البنزين لان مع فتح كونتكت السيارة ما كانتش بتشتغل

ياريت تعرفنا عملتها ازاي... يعني لغيت الكتاوت ولا عملت توصيله من البطاريه مباشرة ؟؟؟؟

رفعت سلك البوجيهات وانا بحاول ادورها مش بيعمل اي شرارة

طيب ماكده الموبينه مش مخرجه كهرباء للبوجيهات...
ومن وجهة نظري المتواضعه.ان المشكله بسيطه وممكن تكون فيشة الكنترولر مهزوزه او كتاوت مهزوز او تالف والمفروض تكشف الاول علي الفيوز الرئيسي...
لأنه صعب الطلمبة والموبينه يفصلوا في نفس الوقت.(وما خفي كان أعظم)

وطبيعي لمبات البيان كلها تنور لما العربيه تبطل زي مانت قلت.

فجأة وانا ماشي على طريق مصر اسكندرية العربية اتخنقت وبطلت ولمبة
الزيت ولمبة البطارية ولمبة التشيك نورت

**samirayad** · 26-03-2009 05:29 PM

الصراحه الموضوع مش مشروح كويس..........وواضح أن فيه فقد حصل فى عملية التحكم ......ولازم الأول تراجع على فيوزات وحدة التحكم (فيوز الأمداد فى حالة عدم تشغيل السياره وده فى العلبه الكبيره بالغرفه )....وفيوز الأمداد مع فتح الكونتاكت (وده موجود بالعلبه الصغيره بالصالون ).......وكذلك مراجعة كل الأتصالات لفيش وحدة التحكم ........والأتصال الأرضى للسياره عامة (الخاص بالبطاريه ووحدة التحكم )........وكذلك الأطمئنان على خرج الدينامو قٌبل أى خطوه (لأن واضح أن فيه فقد فى سيطرة وحدة التحكم على الآداء بدليل أنك والكهربائى شغلتوا طلمبة البنزين مباشرة بدون وحدة التحكم )

**mody_halawa** · 26-03-2009 06:22 PM

حصلت معايا قبل كدة ايام اللانوس اللى كانت معايا وجيبت كومبيوتر تانى كان بحوالى 800 جنية استعمال بس خد بالك لانة بيبقة بارقام معينة مش اى واحد هيركب ويشتغل عندك يعنى لازم تشوف الرقم اللى مكتوب على العلبة بتاعتة وتجيب زية

**Mosmafa** · 29-03-2009 08:40 PM

حطها على اسكانر
بعيد عن اي فتي
وشوف اللي هيطلع لان دي مشكلة كهربا
وكهربا العربيات كلها دلوقتي بيبان اعطالها من الاسكانر
هتلاقيه عن ناس كتير اوي في فيصل
قبل كده النوبيرا عندي حصل في حاجة شبه دي و كانت حريقة بنزبن غولة
وحطيتها و ظبطت الرشاشات و كله تمام