الموضوع: مفاجاءه. تم تغيير التيل فرامل للجين تو

الحمد لله ان التوكيل استجاب اخيرا لشكواكم وان شاء يستمر في تحسين خدماته تجاه جميع العملاء

السلام عليكم ورحمه الله وبركاته
انهردا زوجى راح بالعربيه للتوكيل زى ماانتم عارفين واللى حصل كالاتى
المهندس مصطفى قال لزوجى ان مافيش تيل جه جديد ولا حاجه واسمع منى لو غيرت التيل هايفضل العيب كماهو وصوت الصفاره مش هايروح استنى شويه وقريبا هاينزل لنا التيل الاصلى اللى بيجى مع العربيه
وعمله صنفره للفرامل الخلفيه والاماميه كماهى
مش عارفه اقول ايه طبعا مافيش كلام يتقال
ويبقى الحال كماهو عليه

طب معلش ..دلوقتى ليه زوج حضرتك ماراحش للمهندس /امر على طول

لان هو اللى بلغكم ان التيل اتغير...وبالتالى كان زوج حضرتك اتوجهله على طول...والكلام يكون معاه

وبعدين بعد الصنفره الصوت زى ماهو ....ولا اقل شويه؟؟؟

معلش زوج حضرتك يكلم م/امر تانى...ويعرف امتى هيجيى التيل ده؟؟

على فكره وانا عند محل -المدينه- اللى فى شارع دمشق...الراجل صاحب المحل قال ان التيل اللى بيستخدمه التوكيل اسوء انواع التيل اللى موجوده فى ماليزيا وارخص الخامات...وطبعا عز بيجيب ارخص حاجه ويبعها بــ5 اضعاف تمنها

على فكره التيل ده بيتباع اظن بــ50 او 70 جنيه...وشوفوا عز بيدهولنا بكام

ودى مشاركه لاستاذ/مهاب كاتب فيها اسعار التيل اللى موجوده فى شارع دمشق

المشاركة الأصلية كتبت بواسطة MohabSaeed

السلام عليكم و رحمة الله و بركاته

ديه بعض اسعار لقطع غيار الجين 2 من محل المدينه بشارع دمشق :-

1- تيل فرامل امامى ريمسا اسبانى بـ 185 جنيه
2- تيل فرامل خلفى FBK بـ 150 جنيه
3- فانوس امامى " تيوانى " بـ 250 جنيه
4- فانوس خلفى " ماليزى " ب 550 جنيه و مش موجود و اعتقد التيوانى حيكون ارخص بكتير .
5- فوج لات بـ 135 جنيه
6- طقم اقراص فرامل اماميه " بريمبو " 600 جنيه .


على حسب كلام استاذ مصطفى صاحب المحل ان تيل الفرامل الريمسا ده هو احسن تيل فرامل حاليا بعد البوش الالمانى الى مبقاش ينزل " البوش كان ب 240 جنيه " .

ياريت يا جماعه لو حد نزل شارع دمشق " او راح عن محل قطع غيار بروتون " يبقى يسأل على اسعار قطع الغيار و يكتبها هنا للافاده .

وربنا يسهلك...و-عز- يجيب التيل بسرعه...

بس ياترى لما هيجيبوه هيبعيوه بكام؟؟؟؟(اصله حرامى كبير)

من 800 الى 900 غالى جدااا ليه كده ؟
هو التيل الامامى والخلفى بسعر واحد ولا واحد اغلى من التانى
لان الامامى غيرناه فى الفرع اللى ورا مسرح البالون ب 220 جنيه
لكن الخلفى غيرناه فى الصحراوى ب 300 جنيه ايه الفرق ؟
واخيرا انا عن نفسى مش هروح التوكيل تانى اعمل حاجه فيه ومش مهم اخرج بره الضمان وهو الضمان كان عملى ايه يعنى بالعكس بيدفعونا كتير نفسى حد يقولى بيستفاد ايه من الضمان
لو العربيه فيها عيب حتى من عندهم بيدفعوك تمنه فى حاجه تانيه
ياجماعه ياريت ماندهمش فرصه يعوضوا رخص تمن العربيه فى انهم يدفعونا قطع غيار وصيانات بضعف التمن اللى موجود بره احنا غانيين عن خدامتهم
ولو ممكن حد يدلنى على اللى كانوا شغاليين فى عز العرب وفتحوا لوحدهم
ياريت تبعتولى ارقام تليفونتهم على الخاص وشكراااا