حد يكون فاهم يفتي لنا في موضوع النفتالين اللي يتحط مع بنزين 80 ده

عرض للطباعة

26-03-2009, 03:02 PM
roky

حد يكون فاهم يفتي لنا في موضوع النفتالين اللي يتحط مع بنزين 80 ده

منقول ...

اقتباس:

طريقة مجربه للسيارات القديمة لقوة عزم السيارة و اقتصادية لسحب البنزين

يا جماعة انا فنى الكربراتير قالى ان مع كل تفويلة للتنك ببنزين 80 ضع بها عدد 2 نفتليين بلى بالنتك البنزين النفتلين بلى دة كور مميتة للبق ونضعها مع الملابس المخزنة لعدم تلفها وبالبلدى علشان ما تعتش لكن رايت تغير خطير للماتور حاجة شبة مستحيلة جربوها عن ثقة وانا عربيتى من النوع القديم فيات 131 لا ادرى مدى فاعلية هذا مع السيارات الحديثة حزارى ان تجربها مع الحديث لا ادرى ماذا تفعل به

أقرأ المزيد

الغربية ان الموضوع ده ترتيبه رقم 5 في جوجل لما تدور علي جملة "بنزين 80" ... أنا مش عارف هل ده معناه أن الكلام ده مضبوط ولا لأ
أذا حد هفته دماغه و جرب الحكاية دي يوافينا بالنتيجة :Copy of majd(4):
26-03-2009, 04:29 PM
eng/muhamad

فى موضوع فى المنتدى بيتكلم عن نفس الموضوع
و دار نقاش كبييييييييير
فى ناس قالت انها جربت و فعلا فرق كتيييير
و فى ناس تانيه قالت انه له اثر سلبى على الماتور بس بعد فتره
الله اعلم
26-03-2009, 06:00 PM
samirayad

النفتالين من المركبات العطريه وبيستخدم للحفاظ على الملابس من العته ..........وعملية تحسين كفاءة البنزين دى مش بالبساطه دى ..........ولازم من توافر خبره فى المجال ده .....وأكيد دى أفتكاسه مصريه (وليس لها محل من الأعراب )......وممكن تكون ذات تأثير سىء على دايرة البنزين على المدى البعيد .......................طالما الموضوع مالوش أساس علمى ومبنى على تجارب معمليه سابقه
26-03-2009, 10:42 PM
Drift_Lover

متابع باهتمام....
26-03-2009, 10:47 PM
Rembrandt

اقتباس:

المشاركة الأصلية كتبت بواسطة samirayad

النفتالين من المركبات العطريه وبيستخدم للحفاظ على الملابس من العته ..........وعملية تحسين كفاءة البنزين دى مش بالبساطه دى ..........ولازم من توافر خبره فى المجال ده .....وأكيد دى أفتكاسه مصريه (وليس لها محل من الأعراب )......وممكن تكون ذات تأثير سىء على دايرة البنزين على المدى البعيد .......................طالما الموضوع مالوش أساس علمى ومبنى على تجارب معمليه سابقه

اوئيد راى البشمهندس الكلام دة تخاريف
26-03-2009, 10:54 PM
Drift_Lover

طيب ايه هي الاضافات المشروعه التي تضاف للبنزين...
26-03-2009, 10:57 PM
sa3dawy

انا مش هفتى بس اكيد دا كلى فتى مصريين
26-03-2009, 11:40 PM
ahmed1981

دون أن أؤيد أو أرفض ممكن تراجع الرابط التالي:
http://www.nilemotors.net/Nile/showthread.php?t=44311
27-03-2009, 10:34 AM
tmedhat

النفتالين مفيد جدا للبنزين عشان ما يعتش ولما تخذنة فى الدولاب قصدى فى التنك ترجع السنة الجاية تلاقية زى ماهو
بس حطة شوية فى الشمس عشان ريحة النفتالين تطلع منو
ما فيش اوسع من خيال المصريين
على النعمة احنا علينا دمااغ رهيبة ناقصة شوية امكانيات بس و نغزو العالم بافكارنا الجهنمية
افتكاسة من صنايعى بيستهبل
27-03-2009, 11:29 AM
samirayad

اقتباس:

المشاركة الأصلية كتبت بواسطة tmedhat

النفتالين مفيد جدا للبنزين عشان ما يعتش ولما تخذنة فى الدولاب قصدى فى التنك ترجع السنة الجاية تلاقية زى ماهو
بس حطة شوية فى الشمس عشان ريحة النفتالين تطلع منو
ما فيش اوسع من خيال المصريين
على النعمة احنا علينا دمااغ رهيبة ناقصة شوية امكانيات بس و نغزو العالم بافكارنا الجهنمية
افتكاسة من صنايعى بيستهبل

:POINTI~2[2]::rolleyes2::biggrin:
29-03-2009, 10:42 AM
roky

الباشمهندز سمير
عودا حميدا يا بطل ... أيه الغيبة الطويلة دي ... أنا قلت انت مسافر؟

بالمناسبة أنا عاوزك في أستشارة كده ، و حاولت أبعتلك علي الخاص معرفتش .. فأذا تتكرم حضرتك و تبعتلي علي الخاص عنوان الأيميل تبعكم ... أو المنسيجر أكون شاكر جداااا ...

أخوك الزغنن ... حلاوة ... قصدي روكي
29-03-2009, 11:40 AM
ramy_fiat_2000

ايه يا رجاله الراجل عاوز يحافظ على التنك البنزين من العته بصراحه شكله كان عامل دماغ ملوخيه منغير تقليه علشان كده فكره الافكار ده
29-03-2009, 01:29 PM
karimone

واضح انه افتكاسه جامده...
29-03-2009, 01:41 PM
SmartMega

علي فكره يا جماعة أنا سمعت الحوار ده من سنتين تقريبا كان واحد عنده كورولا بيحط بنزين 80 وبيقول انه بيحط 2 قطعه نفتلين بلي واللي الراجل قاله ان النفتلين ده بيدوب في البنزين اول لما بيحطه وبتفاعل مع الأجزاء بتاعته والشوائب وبينقيه بيخليه في نفس كفاءه ونقاوه البنزين ال 90 او أكتر
انا لما سمعت الكلام ده نفط ومحططش في دماغي بس لما قرأت الموضوع ده أفتكرت .... بس هذا والله أعلم
30-03-2009, 03:19 PM
roky

اقتباس:

المشاركة الأصلية كتبت بواسطة ahmed1981

دون أن أؤيد أو أرفض ممكن تراجع الرابط التالي:
http://www.nilemotors.net/Nile/showthread.php?t=44311

أولا أنا أسف أذا كنت فتحت موضوع متكرر لكن أؤكد أني مكنتش أعرف أنه متكرر

ثانيا: بعد مراجعة الموضوع الأصلي ... و تصفح بعض الروابط الموجوده بيه ... فهمت الأتي:-

1- من الرابط ده
http://www.newton.dep.anl.gov/askasc.../chem00485.htm
النفثالين فعلا بيزود أوكتان البنزين
ولكن نتيجة للمركبات الكربونيه به تنتج حريق غير نظيف
ويراعي أستخدام كرات طارد العثة اللي هي من نوع نفثالين بس (واضح انه بره في أنواع تانية أسمها paradichlorobenzene) لكن اعتقد أن كل طوارد العته اللي موجودة في الأسواق المصرية هي نفتالين

2- من الرابط ده
http://stason.org/TULARC/vehicles/ga...se-octane.html
بيقول أن النفثالين فعلا كان ظهر قبل نشوب الحرب العالمية الأولي كمحسن لرقم أوكتان الوقود (يعني الخواجة فعلا أستخدمه ودي مش أفتكاسه)
وبيقول برضه انه فيه طارد للعته من نوع para_dichlorobenzene وده نوع مش حلو و ماتحطوش في التانك
وبيقول برضك أن من عيوبه هو درجة حرارة ذوبانه العالية (بيذوب عند 80c) وده قد يتسبب في سد الفلتر أو الرشاشات

3-وأخيرا في الرابط ده
http://peswiki.com/index.php/Directo...nd_Naphthalene
بيقولك أن النفتالين كان بيستخدم في الماضي لتحسين أداء الوقود للسير مسافات أطول. ولكن أضراره تظهر علي المدي الطويل. بالأضافه لآنه سام
و بيقول ان سنة 2006 حصل أختبار لعينه وقود قامت بتحليلها جامعة University of Central Florida علي وقود من أنتاج شركة bp للبترول http://www.bp.com/images/bp-logo.gif . لان الشركة بتتدعي أن الوقو بتاهم خالي من النفثالين (واضح ان الشركة دي بتاعة وقود صديق البيئة و الكلام ده). و كانت نتيجة البحث أن الوقود بالفعل يحتوي علي النفثالين

ده مجرد ترجمة للكلام المكتوب بالمراجع الأجنبية. ومعرفش هل الكلام الموجود بالمرجع الثالث يشجعنا أم يحذرنا من أستخدام النفثالين. أذا كانت شركة أمريكية بتغش و تحطه في البنزين بتاعهم أمال أحنا نعمل أيه.

واللي يحب يقول أستنتاجات مايبخلش علينا بالمشاركة

روكي
30-03-2009, 04:43 PM
ahmad5997

ماشاء الله عليك يا روكي
متحمس ودأوب
وان شاء الله هجرب الحكاية دي واوفيكم بالنتيجة (وربنا يسترها)
31-03-2009, 10:13 AM
roky

اقتباس:

المشاركة الأصلية كتبت بواسطة ahmad5997

ماشاء الله عليك يا روكي
متحمس ودأوب
وان شاء الله هجرب الحكاية دي واوفيكم بالنتيجة (وربنا يسترها)

يا باشا ده من زوقك
و أذا كنت هاتجرب الموضوع ده أنا أرجح أنك تجربه فقط لو انت بتمون بنزين 80. متهيألي كده أن لو فيه تحسن هايكون واضح عن لو انت بتستخدم أصلا أوكتان عالي ماعتقدش ان الفرق هايكون واضح (أو علي الأقل فعال).

وشكر لذوقك مرة تانية
02-04-2009, 05:40 PM
hazem1979

انا جربت الموضوع دة فى عربية بيجو 504
كان فية فرق بس مش كبير
بس لنا برضة جربتة مرة واحدة بس
وكمان جربت حكاية انك تحط اسيتون بس بردة الفرق مش كان واضح
04-04-2009, 01:12 PM
ahmad5997

اقتباس:

المشاركة الأصلية كتبت بواسطة roky

يا باشا ده من زوقك
و أذا كنت هاتجرب الموضوع ده أنا أرجح أنك تجربه فقط لو انت بتمون بنزين 80. متهيألي كده أن لو فيه تحسن هايكون واضح عن لو انت بتستخدم أصلا أوكتان عالي ماعتقدش ان الفرق هايكون واضح (أو علي الأقل فعال).

وشكر لذوقك مرة تانية

واخيرا تمت التجربة واليكم الاحداث
اولا العربية كانت فيها بالظبط 11 لتر بنزين 80+92
حطيت 2 نفتالين وفولت العربية تقريبا 41 لتر بنزين 80
النتيجة
لم الاحظ اي تغير في اول 50 متر
بعد كده العربية نطقت
العرببية بقت تجري جري مش عارف اوصفه
انا مش متعود اني اطلع امريكاني
بعد ما حطيت النفتالين كل ما اجي اطلع اسمع صوت العجل بيكحت في الارض والناس تبصلي وانا مش قصدي والله
عملت بالعربية في اليوم ده حوالي 150 كم واداء العربية يتستحق التقدير فعلا
المهم روحت وركنت العربية يوم الخميس ليلا وفضلت مركونة حتي يوم الجمعة ليلا يعني 24 ساعة بالكمال وخرجت بالعربية واليكم الملاحظ ايضا
اول 500 متر رجعت العربية لحالتها الاولي سحب عاااااااااادي خالص ولا امريكاني ولا اسباني
قولت في نفسي يبقي تأثير النفتالين راح ولكن بعد ال 500 متر العربية شدت تاني ولقيت قوة وعزم غريبة في الموتور (مش عارف افسر ليه في الاول كانت عادي وبعد كده شدت >الله اعلم<)
اما عن السلبيات فلم تظهر اي سلبيات حتي الان وربنا يسترها ولو لاقدر الله حاجة ظهرت طبعا هجري عليكو وانبه الجميع
04-04-2009, 02:37 PM
karimone

معلش هي عربيتك نوعها ايه...
04-04-2009, 03:00 PM
ahmad5997

اقتباس:

المشاركة الأصلية كتبت بواسطة karimone

معلش هي عربيتك نوعها ايه...

ريجاتا .