ها يا جماعه فى حد ناوى يشترى اللانسر 2008 الشكل الجديد ؟
علشان انا ان شاء الله ناوى اشتريها وعايز يبقى فى حد مشاركنى مابقاش لوحدى بدافع عنها
والنبى يا جماعه ادعولى ربنا يوفقنى واشتريها اصلها بصراحه عجبانى قوى
ها يا جماعه فى حد ناوى يشترى اللانسر 2008 الشكل الجديد ؟
علشان انا ان شاء الله ناوى اشتريها وعايز يبقى فى حد مشاركنى مابقاش لوحدى بدافع عنها
والنبى يا جماعه ادعولى ربنا يوفقنى واشتريها اصلها بصراحه عجبانى قوى
ربنا يوفقك ان شاء الله فى شرائها و تكون من نصيبك :)
ربنا يوفقك ان شاء الله :)
ربنا يوفقك بس ياريت تصبر شوية يمكن سعرها ينزل او تشوف حد اشتراها واسئلة عليها انا عن نفسى شايف ان سعرها غالى اوىىىىىىىىى
الف شكر ليكو على ردودكو واهتمامكم وارجو من الله تكون دعواتكم ليا من نصيبى
ربنا ييسرك الخير
و يبعد عنك كل سوء
أنا بصراحة كنت ناوى بس لو سعرها ما زادش عن 110 ألف لكن كدة بقت فوق إمكانياتى ، وربنا يوفقك ان شاء الله وتكون اول واحد جابها فى المنتدى :)
ربنا يوفقك ان شاء الله بس فعلا سعرها ممكن ينزل ( توقعات شخصية :D مش معلومة اكيدة )
ربنا يوفقك و يكرمك ان شاء الله
اقتباس:
المشاركة الأصلية كتبت بواسطة fahd_628
والله يا أخي لو انت مش مستعجل قوي يبقى استنى شوية أو شويتين لأني أتوقع وبقوة إن سعر العربية دي هاينزل نزلة محترمة لأنه سعر غير تنافسي بالمرة والعربية كده "بتلعب في ملعب غير ملعبها" وبعدين لو انت مستعجل عندك بدايل كتيرة وأحسن بمراحل : على سبيل المثال فورد فوكاس ، هوندا سيفيك، أوكتافيا A4 ....والقرار لحضرتك في الآخر
سعر العربية الحالى كام
وياترى حجز ولا استلام فورى؟ والضمان ايه؟
اقتباس:
المشاركة الأصلية كتبت بواسطة وائل عطية
او اوبل استرا كاملة
او فكترا فاضية
عربيات تحف
انا شايف انك لو مستعجل فعلا يبقى السيفيك طبعا احسن بكتير صدقني مهما كان واركبها وانت تعرف والله العربيه ليست شكل ولكن ركوبه
وربنا يوفقك وادعوك للأستخارة وعدم التعجل
بصراحة اللانسر الجديدة سعرها مبالغ فيه اوي (وجهة نظر شخصية) ... فيه عربيات تانيه كتيير سعرها قريب منه لكن امكانياتها واسمها أقوي من اللانسر بكتيييييييييير ... على العموم لو اللانسر الجديدة دي حلمك ربنا يوفقك
شكرا ياجماعه على ردودكم ودعواتكم ليا
بس فى كام نقطه خلتنى افكر فى اللانسر الجديده
اولا شكلها التحفه
ثانيا انا عايز اركب عربيه اوتوماتيك ياتكون يابانى ياالمانى والالمانى سعره عالى جدا فى الاوتوماتيك يمكن ارخص المانى اوتوماتيك هى الاوبل استرا ودى هاتشباك وانا مابحبش الهاتشباك كمان الفورد فوكس والمازدا 3 والسوبارو دى كلها يا اما مالهاش ضمان فى مصر يااما ضمانها تعبان يعنى مافيش قدامى غير اليابانى اللى هو التويوتا والميتسوبيشى والتويوتا مابحبهاش لان الشكل اللى موجود ده وحش جدا (مساله ازواق) وكمان واحد صاحبى اتقلب بيها بعد ماشتراها باسبوع مع انه والله كان ماشى على 120 كم بس
انا كمان فكرت فى الرينو ميجان بس طلعت تقفيل تركى وعلى فكره الفورد فوكاس تجميع اسبانى
ايه رايكو بقه؟؟؟؟؟؟
انا متوقع برضة ان السعر هاينزل....لان السعر دة مش هو سعرها الحقيقي ....دي لعبة التجار في مصر...ولعبة الوكيل ..طبعا ...لان سعرها برة زي القديمة بالظبط.....الزيادة الرهيبة دي بقي جت منين.....
ربنا يهدي المصريين لبعض....
المهندس طارق زويل اكدلى ان الدفعه الجايه بتتحجز بسعر اقل من السعر الموجود دلوقتى بس ماقالليش اى تفاصيل
وبصراحه يا جماعه الراجل ده خدوم جدا جدا
بصراحه أنا كنت ناوي عليها بس بعد ما نزلت بالسعر ده شلتها من دماغي خالص
اقتباس:
المهندس طارق زويل اكدلى ان الدفعه الجايه بتتحجز
بسعر اقل من السعر الموجود دلوقتى بس ماقالليش اى تفاصيل
ياريت لو في أي تفاصيل جديدة نعرفها أول بأول. :wink:
http://www4.0zz0.com/2007/09/08/16/32164958.jpg
_____________
محمد عبدالله
طيب ما السيفيك اتوماتيك وياباني وتوكيل كويس
وبعدين التويوتا نزله كمان شهر بالظبط من دلوقتي والجديده غير القديمه خالص
وعندك برضه الأفينسيس برستيج فظيع
وانصحك بأنك لا تنساق وراء هدف واحد اين كان
فمثلا الشكل شويه وهيزول بالنسبة لك وللجميع وهتشوف مساوء السياره لأن انت مكنتش شايف الا حاجه واحده الا وهيا الشكل فلو زال بقيت لك المساوئ
شوف يا أخ mimo طبعا اللانسر الجديدة روعة بكل المقاييس
يعني أختيار سليم منك بس المشكلة دلوقتي في السعر وواضح
من كلام المهندس طارق زويل ليك إن السعر هينزل ودة أكيد
بس محتاج شوية صبر ففي رأيي إن انت تصبر لحد اما الرؤية
توضح. اما لو مستعجل ممكن تشوف أي بديل ليها حاليا.
مع مراعات سعرها غالي بحوالي 10000 حاليا وعلي
فكرة اللانسر الجديدة في رأيي عشان تستمتع بيها لازم تجيب
الموديل GLS SPORT اللي سعرها تقريبا 147000 اللي
يجيبوا مازدا ايرو او سيفيك مرتاح أو تنتظر كورولا الشكل
الجديد.فشوف ايه اللي يناسبك وربنا يوفقك إلي اللي فيه الخير.
http://www4.0zz0.com/2007/09/08/16/32164958.jpg
________________
محمد عبدالله
فى بعض الأخوة فى المنتدى قالوا انها مش اقتصادية فى استهلاك البنزين حاول تتاكد من الكلام دة قبل ماتجبها
اقتباس:
والله يا أخي لو انت مش مستعجل قوي يبقى استنى شوية أو شويتين لأني أتوقع وبقوة إن سعر العربية دي هاينزل نزلة محترمة لأنه سعر غير تنافسي بالمرة والعربية كده "بتلعب في ملعب غير ملعبها" وبعدين لو انت مستعجل عندك بدايل كتيرة وأحسن بمراحل : على سبيل المثال فورد فوكاس ، هوندا سيفيك، أوكتافيا A4 ....والقرار لحضرتك في الآخر
الصبر جميل وانتظر لكى لا تندم يعنى مثلا واحد صديقى اشترى لا نسر 1600 سبورت
ب118 الف جنيه من الوكيل مصريه
وبعديها بكام شهر بتتباع ب108000 جنيه تصدق نزلت 10000 جنيه مرة واحده
انتظر وان شاء الله تكون من نصيبك