ممكن معلومات عن النترا 2005/2006

**ahmed azab** · 26-03-2009 04:23 PM

عايز اعرف تفاصيل ومعلومات عن النترا الشكل القديم 2005/2006
متوسط اسعارها مستعمل كام للمانيوال ؟
قطع غيارها والصيانة؟
اعادة البيع ؟
مميزاتها وعيوبها؟
ولكم جزيل الشكر ؛؛؛

**lordnykon** · 26-03-2009 05:01 PM

أهلا بيك يا أستاذ أحمد .......
انا معايا الانترا موديل 2005 كاملة خليجى .
متوسط الأسعار بتاعت العربية المانيوال دلوقتى طبعا السوق نازل هتلاقى المانيوال لو حالتها حلوة فعلا سعرها هيتراوح فى ال65 ألف .
العربية دى من مميزاتها انها ثابتة جدا (فى رأيى اثبت من حاجات تانية فى نفس الفئة, ثابتة لغاية 180 ومطبات هوا مش بتاثر فيها قوى و قفلت العداد بتاعها بدون قلق )
العربية واسعة جدا من قدام و الكنبة الخلفية فعلا واسعة و الشنطة واسعة جدااااااااااااااااااااااا اااااا (انا طولى 186 سم ولو رجعت الكرسى على الأخر مش هعرف اسوق , كمان بقعد ورا مرتاح جدا )
الموتور قوى و سحبه رائع و مع تشغيل التكييف كمان التأثير مش كبير (انا عندى الفتيس أوتوماتيك و التأثير فعلا غير ملحوظ).
يعيب على العربية صوت الموتور العالى نسبيا , لكن بيدى احساس كويس و انت سايق بالذات لو بتحرق بتسمع صوت الموتور ( انا بحب الصوت ده)
العفشة محتاجة انك تاخد بالك منها كويس و الصيانة تبقى دايمة ( اى عربية بتحتاج صيانة دورية)
الصاج طبعا زى ما احنا متعودين مش ناشف و لو حد قعد على الكبوت ممكن يقضى عليه (كل العربيات كدة مع تفاوت طبعا)
أبعاد العربية محتاجة تعود بالذات في الرجوع للخلف لكن برضة انا شايف انها اوضح من عربيات تانية فى نفس الفئة .
لو لسة هتشترى حاول تشترى دلوقتى بسبب ان الأسعار مريحة شوية.
لو افتكرت حاجة كمان هقولك عليها .
اه كمان اعادت البيع طبعا اتقل شوية من الانسر و التويوتا .....
لكن العربية فيه ناس عارفاها و فاهمنها , كل اللى ركب العربية دى عارف انها احلى من الانترا الشكل الجديد فى موضوع الثبات و الوسع . لكن طبعا الجديدة موتورها رائع و متفوقة فى الصالون بتاعها ( شيك جدا) .
العربية دى دلوقتى بتخسر فقط علشان الهبوط اللى في السوق بس .
ارجوا اننى اكون افادتك ...............

**analyzer** · 26-03-2009 05:04 PM

من حوالى شهر كان فى عربيه 2006 كامله مانيوال ب 69 الف وده كان سعر لقتى جدا لانها اغلى من كدا
العربيه ممتازة كاداء
قطع غيار معقوله
وسعر اعاده بيع ممتاز ( حافظه مركزها )