شريف باشا
بكرر الشكر على مجهودك الرائع وربنا يجعله في ميزان حسناتك
قدامي عربيه اوبل استرا 2006 مانيوال رشه جزء ف الجنب قدام ناحية السواق(فوق الكاوتش) جميع الكماليات ومركبلها مثبت سرعه وعامله 68 الف كيلو
يا ترى تعمل كام
مع خالص تحياتي
ساري ربيع
شريف باشا
بكرر الشكر على مجهودك الرائع وربنا يجعله في ميزان حسناتك
قدامي عربيه اوبل استرا 2006 مانيوال رشه جزء ف الجنب قدام ناحية السواق(فوق الكاوتش) جميع الكماليات ومركبلها مثبت سرعه وعامله 68 الف كيلو
يا ترى تعمل كام
مع خالص تحياتي
ساري ربيع
لو دواخل شركة والشنب مفيهوش حاجة تعمل 75 الف
اة ممكن تجيب لانوس 1 تكييف وباور دواخل شركة وفيها بوية برة
وممكن تجيب لانوس 2 تكييف وباور دواخل شركةلحد 38000 مثلاولو كاملة تعمل 40
تعمل 62 الف يا زعيم
السلم عليكم ورحمة الله وبركات
باشا كنت عايز أسعر عربية سيتروين اى اكس موديل ٩٥ ١٤٠٠ سي سي تكييف و إزاز كهربا و سنتر رشه برا و مش محتاجة شغل تقريباً
و- هتعبك معايا لو تقولي في رنج ٢٥٠٠٠ ل-٣٠٠٠٠ يجبولي إيه
و شكراً
دي تعمل 20 الف يا زعيم لو نمرة 1 ودواخلها كلها شركة
العربيات الي في رينج من ال 25 الي 30 علي سبيل المثال لا الحصر:
كيا برايد هاتشباك
هيونداي اكسيل 1300
دايو ماتيس
ريجاتا نوفا
لادا
فيات اونو
فيات 128
فيات 131
فورد فيسستا
مازدا 323
يعني علي سبيل ذلك ولوعندك نوع معين اسالني عليها
شكرا يا استاذ شريف
ربنا يطمنك زي ما طمنتني
لكن كنت عاوز اعرف بردو ايه الموديلات اللي متاحه
ليا في حدود 35000
شكرا مره تانيه
هيا مش ممتازه اوى يعنى و طبعا العداد ملعوب فيه زى كل السيارات انا بقالى 3 اسابيع كل يوم بتفرج على عربيات اشكال و الوان بس للاسف كلهم ملعوب فى العداد بلا مبالغه مبقاش فى حد عنده ضمير فى الموضوع ده
المهم خلينا فى موضوعنا هيا بالويم كدا عامله 150 الف الى 180 الف دا تقييمى للحاله بس المكتوب 35000 الف كم:10D5C8~1107:
و الراجل طالب 85 الف جنيه
و على فكره انا رجعت العربيه الاوبترا اللى قلتلك انى اشتاريتها تانى يوم لانها طلعت مفرومه ايجار و ملعوب فيها فى كل حاجه الموتور و الجير بوكس الاوتوماتيك طلع متصلح بس مابنتش غير بالنهار بس الحمد لله انى عرفت ارجعها و خسرت 250 جنيه بس
ممكن برايد اوتوماتيك او عادة
ممكن لانسر عيون صفية
كورولا 90
اكسيل 1500
فيليشيا
سيفيا القديم
اكسنت بس مش نمرة 1
وممكن تقربلي انت عايز في موديلات اية بالضبط وانا ان شاء الله افيدك
بص يا زعيم ابعد عن العربيات السوقي الكسر دي ودور علي عربية من شخص محترم لان هذا هو اهم شيء في الشراء
والحمد للة انك خلصت من العربية الشربة دي احمد ربك
انا عاوز عربيه عائليه
وتستحمل المشوار بتاعي
حوالي 150 كم 3 ايام في الاسبوع او اكتر
وتعيش عمر طويل شويه
مش 7 الى 10 سنين
والمتاح دلوقتي 35 واحتمال ضعيف انهم يزيدو
ايه رأي حضرتك ؟
انا خايف منهم في قطع الغيار
ومعنديش معلومات عنها
وشايف ان اللانوس مناسبه جدا
عالاقل قطع غيارها موجوده وجديده كمان
معلش انا ازعجت حضرتك
وخلاص دي اخر حاجه