تحديد سعر اي سيارة مستعملة هدية لاحلي منتدي الجزء الاول

اقتباس:

---

المشاركة الأصلية كتبت بواسطة popahly

رشة اجزاء برة حالتها الصراحة لسه مشوفتهاش من ناحية الموتور والشاسيه وكدا علشان لسه مرفعتهاش ولكن اقصد بالنسبة للسداد والتوكيل وكدا وخصوصا ان العربيات اللى من البنوك بيكون عليها حظر بيع او تنازل

---

شوف يا باشا موضوع شراء سيارة وتكملة اقساطها بالنسبة لرايي الشخصي لازم يكون صاحب العربية قريب ليك او صديق لان العربية بتفضل باسم المالك الاصلي وانت بتسدد الاقساط عنة وحتي لو في عقود سورية او ايصالات امانة فالاعمار بيد اللة ولو حصل وفاة لمالك السيارة بتبقي العربية ورث وبتكون في مشاكل
فالخلاصة لو قريب او صديق توكل علي اللة اما لو بعيد عنك ومتعرفوش يبقي اشتري دماغك احسن

اقتباس:

---

المشاركة الأصلية كتبت بواسطة jisso82

مغيرة لون خارجى فقط و الدواخل فابريقة
و كانت مكيفة بس شيلنا التكييف ومازلنا محتفظين بيه
و هى 1500 سى سى على فكرة

---

تعمل 18 الف لو دواخلها كلها شركة و اللون مثبوت علي الرخصة وحالتها جيدة

دايو اسبيرو اتوماتيك كامله
السياره لسه مغيره متور وفتيس جديد استيراد فول ابشن ازاز كهربا وبور وفتحه شنطه فتيس اتومتك تكيف الون دهبى متلك السياره مرشوش منها بعض الدواخل لكن حوض المتور فبريكه

السيارة دي معروضة للبيع و صاحبها طالب 25 ألف و مش عارف هي كدة كويس و لا العربية تعتبر واقعة

و ايه نظام الموديل ده أساساً؟

سويفت موديل 98 فبريكة جوة وبرة وصالونها جديد وعاملة 80000 ك وحالتها العامة جيدة جدا تعمل فلوس كام وبسرعة فيل ما صاحبها يبيعها لحد تانى لو سمحتوووووا

الحقيقه دى اول مشاركه ليا هنا و مش مصدق الخدمه الجميله اللى مقدمها الاستاذ شريف.
انا عندى عربيه فيات 125 بولندى موديل 1979 1500cc و ناوى ابيعها إن شاء الله فا كنت عايز اعرف تتباع فى حدود كام.
و شكرا مقدما يا باشا

على فكرة دى 4 مرة ابعتلك وانت ما ردتشى عليا انا عايز العرف سعر تويوتا كرولا موديل 1985 دواخل فابريكة تكيف وسنمتر وانذار وكا سيت بايونير وسماعات كلاريون فابريكة من الداخل ارجو الرد

اقتباس:

---

المشاركة الأصلية كتبت بواسطة tarekmomo

على فكرة دى 4 مرة ابعتلك وانت ما ردتشى عليا انا عايز العرف سعر تويوتا كرولا موديل 1985 دواخل فابريكة تكيف وسنمتر وانذار وكا سيت بايونير وسماعات كلاريون فابريكة من الداخل ارجو الرد

---

انا اسف علي عدم الرد بس اعذرني انا لوحدي والمشاركات كتير فاحيانا مشاركات بتقع مني لكن واللة مش متعمد
العربية دي لو حالتها تمام ومش محتاجة مصاريف وتكييفها تمام و دواخلها شركة بالكامل تعمل 24 الف

استاذ شريف شكرا على مجهوداتك في المنتدي و كنت عايز اعرف سعر هيونداي النترا 2007 عاملة 19000 الف كيلو اوتوماتك الللون اسود تعمل كام وشكرا" لك

-ماركة السيارة / رينو ميجان
2-الموديل/السنة / 2006 ترخيص اول 2007
3-عدد الكيلومترات / 36000
4-الكماليات (كاسيت-تكييف-زجاج كهرباء-باور) / جميع الكماليات - فتحة سقف بانوراما
5-حالة الصاج او الخوارج / فابريقة بالكامل
6-حالة الدواخل / فابريقة بالكامل
7-حالة الصالون / فابريكة كالجديد
9-حالة الكاوتش / كاوتش الفابريقة
10-حالة البطارية / لم تتغير

اقتباس:

---

المشاركة الأصلية كتبت بواسطة gassarian

دايو اسبيرو اتوماتيك كامله
السياره لسه مغيره متور وفتيس جديد استيراد فول ابشن ازاز كهربا وبور وفتحه شنطه فتيس اتومتك تكيف الون دهبى متلك السياره مرشوش منها بعض الدواخل لكن حوض المتور فبريكه

السيارة دي معروضة للبيع و صاحبها طالب 25 ألف و مش عارف هي كدة كويس و لا العربية تعتبر واقعة

و ايه نظام الموديل ده أساساً؟

---

حضرتك مش ذاكر موديلها بس لو اعتبرناها 95 او 96
الدواخل شركة السليم تعمل 30 الي 33 الف
اما بالنسبة للعربية دي انا رايي الشخصي بلاش منها علي اعتبار انها رشة قوايم والعربيات دي عموما متتركبش غير سليمة اما لما بتكون تعبانة واساسياتها مش سليمة هتقرفك
اما سعرها بالضبط يتوقف علي ان حضرتك تقولي اخبار دواخلها بالتفصيل الي راشش فيها وحالة السيارة عموما اية

Golf 2..mod 1990,1300 cc fabrique inside...really the car have only 140,000 km...aircondition , center lock, brand new kenwood sound system...ndeefa geddan geddan...plz how much??

اقتباس:

---

المشاركة الأصلية كتبت بواسطة moamen5005

سويفت موديل 98 فبريكة جوة وبرة وصالونها جديد وعاملة 80000 ك وحالتها العامة جيدة جدا تعمل فلوس كام وبسرعة فيل ما صاحبها يبيعها لحد تانى لو سمحتوووووا

---

هي كمالياتها اية
تكييف وكاسيت ولا كاملة مانيوال ولا اوتوماتيك

اقتباس:

---

المشاركة الأصلية كتبت بواسطة visualawey

الحقيقه دى اول مشاركه ليا هنا و مش مصدق الخدمه الجميله اللى مقدمها الاستاذ شريف.
انا عندى عربيه فيات 125 بولندى موديل 1979 1500cc و ناوى ابيعها إن شاء الله فا كنت عايز اعرف تتباع فى حدود كام.
و شكرا مقدما يا باشا

---

لو هي دواخل شركة وحالتها جيدة تعمل 11 الف

كنت عاوز اعرف سعر سيارة لانوس موديل 2000 كورى| 120000 كم كامله( سنتر، زجاج كهرباء، تكيف، باور- كاسيت + سماعات )
الراجل بيتكلم فى 40 وفى وسط الكلام بيقول عامل عمرة فى التوكيل ومحددش عمرة ايه بالظبط فهل العربية دى كويسة اروح اشوفها ولا ابعد عن اللى عامل عمرة شكرا

اقتباس:

---

المشاركة الأصلية كتبت بواسطة khaled_ali

استاذ شريف شكرا على مجهوداتك في المنتدي و كنت عايز اعرف سعر هيونداي النترا 2007 عاملة 19000 الف كيلو اوتوماتك الللون اسود تعمل كام وشكرا" لك

---

لو برة وجوة وحالتها زيرو بناء علي العداد تعمل 80 الف

اقتباس:

---

المشاركة الأصلية كتبت بواسطة ahmad aboul fotouh

-ماركة السيارة / رينو ميجان
2-الموديل/السنة / 2006 ترخيص اول 2007
3-عدد الكيلومترات / 36000
4-الكماليات (كاسيت-تكييف-زجاج كهرباء-باور) / جميع الكماليات - فتحة سقف بانوراما
5-حالة الصاج او الخوارج / فابريقة بالكامل
6-حالة الدواخل / فابريقة بالكامل
7-حالة الصالون / فابريكة كالجديد
9-حالة الكاوتش / كاوتش الفابريقة
10-حالة البطارية / لم تتغير

---

تعمل 75 الف بالحالة الممتازة المذكورة

مشاء الله الموضوع ممتاز و شغال زاى الفل و لازم احييك يا استاذ شريف على متابعتك الممتازة للموضوع ,,

ياريت يا استاذ شريف تسعرلى العربية دى ,,

شاهين 2006 ,, باور و تكييف ,,

حالتها ممتازة ,, فابريكة برة و جوة و مش رشة خالص

اقتباس:

---

المشاركة الأصلية كتبت بواسطة osamaz

golf 2..mod 1990,1300 cc fabrique inside...really the car have only 140,000 km...aircondition , center lock, brand new kenwood sound system...ndeefa geddan geddan...plz how much??

---

تعمل 33 الف بالحالة الهائلة المذكورة

اقتباس:

---

المشاركة الأصلية كتبت بواسطة popahly

كنت عاوز اعرف سعر سيارة لانوس موديل 2000 كورى| 120000 كم كامله( سنتر، زجاج كهرباء، تكيف، باور- كاسيت + سماعات )
الراجل بيتكلم فى 40 وفى وسط الكلام بيقول عامل عمرة فى التوكيل ومحددش عمرة ايه بالظبط فهل العربية دى كويسة اروح اشوفها ولا ابعد عن اللى عامل عمرة شكرا

---

هي لانوس 1 ولا 2
حالة الدهان اية خارجي ولا برة وجوة
اما موضوع العمرة فدي اكيد عمرة موتور بس العداد 120 الف المفروض لو استخدامها نظيف متعمرش الوقتي لكن دة بيؤدي الي حاجة من اتنين
اما استخام السيارة من مالكها سيء جدا وغير مهتم بمستوي مياة الردياتير و تغيير الزيت والفلتر في ميعادة
اما حصل شيء طاريء علي الماكينة ادي الي تعميرها مثل كسر كرتيرة الزيت وتسريب الزيت او عطل في طرنبة الزيت
الخلاصة توكل علي اللة وعاين السيارة وحالتها هو البرهان والمعاينة خير دليل

اقتباس:

---

المشاركة الأصلية كتبت بواسطة kareemhisham

مشاء الله الموضوع ممتاز و شغال زاى الفل و لازم احييك يا استاذ شريف على متابعتك الممتازة للموضوع ,,

ياريت يا استاذ شريف تسعرلى العربية دى ,,

شاهين 2006 ,, باور و تكييف ,,

حالتها ممتازة ,, فابريكة برة و جوة و مش رشة خالص

---

الف الف شكر كريم باشا علي ذوقك
ارجو بس توضيح هي 1300 ولا 1600 سي سي
وهل هي تكييف و باور بس ولا فيها زجاج وسنتر

اقتباس:

---

المشاركة الأصلية كتبت بواسطة sherifowahba

الف الف شكر كريم باشا علي ذوقك
ارجو بس توضيح هي 1300 ولا 1600 سي سي
وهل هي تكييف و باور بس ولا فيها زجاج وسنتر

---

هى 1600 تكييف و باور بس ,,

و ياريت تقولى لو بسنتر و زجاج تعمل كام ؟؟

السلام عليكم ورحمة الله وبركاته
اولا ياباشا عايز رايك فى العربيه ديه لان فى ناس شكرتلى فيها و ناس قلتلى مش حلوه بس من غير اسباب مقنعه يعنى مثلا بيقولو انها تقيله فى البيع طب تقيله من غير سبب المهم قولى انت رايك ايه علشان بجد احنا بنسق فيك

ثانيا بقى التسعير هى سوزكى سويفت موديل 1994 فاضيه من غير اى كماليات و فابريكه بره وجوه بس محتاجه سمكره فى الرفرف اليمين وطبعا دوكو للعربيه كلها علشان بهتت جدا بالاضافه لشوية خرابيش.... الماتور و العفشه والصالون من جوه معقولين

ياريت ياباشا ترد عليا علشان لو سعرها قريب اروح اخلص فيها علطول ان شاء الله

والف شكر على مجهودك اللى بينفعنا و بيفدنا بجد

اقتباس:

---

المشاركة الأصلية كتبت بواسطة sherifowahba

هي لانوس 1 ولا 2
حالة الدهان اية خارجي ولا برة وجوة
اما موضوع العمرة فدي اكيد عمرة موتور بس العداد 120 الف المفروض لو استخدامها نظيف متعمرش الوقتي لكن دة بيؤدي الي حاجة من اتنين
اما استخام السيارة من مالكها سيء جدا وغير مهتم بمستوي مياة الردياتير و تغيير الزيت والفلتر في ميعادة
اما حصل شيء طاريء علي الماكينة ادي الي تعميرها مثل كسر كرتيرة الزيت وتسريب الزيت او عطل في طرنبة الزيت
الخلاصة توكل علي اللة وعاين السيارة وحالتها هو البرهان والمعاينة خير دليل

---

شكرا ليك يا اخ شريف على ردك والصراحة انا العربية دى مش مرتاح ليها لان السعر فى نفس العربية 2000 لانوس 1 كانت معروضة عليا بـ 45 وعربية بسم الله ما شاء الله اترفعت ومفيهاش الهوا بس صاحبها قافش على 45 ودا كتير الصراحة

شاهين 2004 كربراتير 1400 سىسى ذهبى ميتالك تكييف سنتر انذار زجاج كهرباء ووحده رفع حاله ممتازه فابريكه بالكامل بطاريه جافه فى الضمان كاوتش جيد فرش جلد ودى فى دى تعمل كام لو سمحت وشكرا ؟

اقتباس:

---

المشاركة الأصلية كتبت بواسطة sherifowahba

حضرتك مش ذاكر موديلها بس لو اعتبرناها 95 او 96
الدواخل شركة السليم تعمل 30 الي 33 الف
اما بالنسبة للعربية دي انا رايي الشخصي بلاش منها علي اعتبار انها رشة قوايم والعربيات دي عموما متتركبش غير سليمة اما لما بتكون تعبانة واساسياتها مش سليمة هتقرفك
اما سعرها بالضبط يتوقف علي ان حضرتك تقولي اخبار دواخلها بالتفصيل الي راشش فيها وحالة السيارة عموما اية

---

هي السيارة أنا شوفتها معروضة في كونتكت كارز و لقيت سعرها أقل من كل العربيات الاسبيرو التانية اللي معروضة و أنا معايا 504 و بفكر أغيرها بحاجة في رينج السعر ده 25 و تكون عربية مش صغيرة أوي

أنا عربيتي 504 gr موديل 79 بيضاء سن فيل
هي تقريبا فبركة دواخل( مش متأكد عشان غيرتلها 4 أبواب من 10 سنوات ل gl) و محتاجة شوية سمكرة بسيطة و دوكو ( يعني شغل شوارعنا خرابيش و عوجة بسيطة في بوز الرفرف اللي ورا)
العربية معمول لها عمرة موتور و مشيت بعدها حوالي 100 ألف كيلو
و لسة اليوم عامل لها عمرة باقي الميكانيكا في العربية و مغير لها أشطوانة و ديسك ديبرياج و كذا حاجة تانية في الفتيس و العفشة و السكاترا و طقم الكهربا و اللي اتغير كله الأصلي بيجو فرنساوي
يعني الميكانيكا بتاعة العربية هنقول جديدة تماماً كالأصل
البطارية جديدة و ال 2 كاوتش الأمامي جديد
تساوي كام دلوقتي؟
أبيعها دلوقتي ولا أخليها شوية بتمن اللي لسة عامله فيها؟ عشان السعر اللي هاتجيبه خصوصا لو بيعتها لازم أجيب عربية تانية على طول

و ألف شكر لييك

سلام عليكم يااستاذ شريف ...استاذنك تسعرلي عربية سكودا فيفوريت موديل 94 ...دواخل فابريكه وحالتها العامه كويسه والماتور حالته متوسطه 60 % مثلا على اقل تقدير ...وايه رايك في العربيه دي ..من حيث اعادة البيع وقطع الغيار والكفائه

اقتباس:

---

المشاركة الأصلية كتبت بواسطة kareemhisham

هى 1600 تكييف و باور بس ,,

و ياريت تقولى لو بسنتر و زجاج تعمل كام ؟؟

---

لو حالتها زيرو تعمل 48 الف
دة باعتبار ان حالتها ممتازة

اقتباس:

---

المشاركة الأصلية كتبت بواسطة mohamed_ssa80

السلام عليكم ورحمة الله وبركاته
اولا ياباشا عايز رايك فى العربيه ديه لان فى ناس شكرتلى فيها و ناس قلتلى مش حلوه بس من غير اسباب مقنعه يعنى مثلا بيقولو انها تقيله فى البيع طب تقيله من غير سبب المهم قولى انت رايك ايه علشان بجد احنا بنسق فيك

ثانيا بقى التسعير هى سوزكى سويفت موديل 1994 فاضيه من غير اى كماليات و فابريكه بره وجوه بس محتاجه سمكره فى الرفرف اليمين وطبعا دوكو للعربيه كلها علشان بهتت جدا بالاضافه لشوية خرابيش.... الماتور و العفشه والصالون من جوه معقولين

ياريت ياباشا ترد عليا علشان لو سعرها قريب اروح اخلص فيها علطول ان شاء الله

والف شكر على مجهودك اللى بينفعنا و بيفدنا بجد

---

لو برة وجوة فعلا ومحتاجة سمكرة وبويا خارجية تعمل 25 الف
والعربية السويفت عربية حلوة وجميلة لما بتكون سليمةو اعادة بيعها بردة حلو لما بتكون سليمة

لانسر 97 معدله الى 99 في شكل الشيكه والفوانيس الكريستال ومسقطلها موتور 1500 من 6 شهور فابريكه دواخل راشه بره نظافه جنوط اسبور بعد اذن سعادتك تساوي كام

اقتباس:

---

المشاركة الأصلية كتبت بواسطة madoo_600

لانسر 97 معدله الى 99 في شكل الشيكه والفوانيس الكريستال ومسقطلها موتور 1500 من 6 شهور فابريكه دواخل راشه بره نظافه جنوط اسبور بعد اذن سعادتك تساوي كام

---

اسف للاطاله بس نسيت اقول انها كامله اوتوماتيك

لاموس 2001
جنوت السبور
واهدات رفع
سماعات بيونير 400
ستاير كبس
فوجات بعدسا
عملا 200000
رشا خاوارج بس
عاملا عتب فيبر ول عتاب الاصلي بتاعها سليم
انا عرضها علي 40 انتا اه راءيك

سوري الجنوت الاسبور 15 لسا جداد عاملو 10000 بس

ممكن يا دكتور لو سمحت عايز سعر سيارة اونو 95 ببدون اى كماليات راشة خارج فقط بحالة جيدة

اقتباس:

---

المشاركة الأصلية كتبت بواسطة mando_1980_love_u

لاموس 2001
جنوت السبور
واهدات رفع
سماعات بيونير 400
ستاير كبس
فوجات بعدسا
عملا 200000
رشا خاوارج بس
عاملا عتب فيبر ول عتاب الاصلي بتاعها سليم
انا عرضها علي 40 انتا اه راءيك

---

طيب يا باشا متقولى انت منين علشان لو فى امكانية اشوف العربية

ارجو المساعده عندي فورد فوكاس 2006 خليجي ستربترونك اللون فيراني عداد 39000 الف كم بحاله ممتزه ولكن تحتاج شغل من الخارج غير مرشوشه

اقتباس:

---

المشاركة الأصلية كتبت بواسطة mrghost

شاهين 2004 كربراتير 1400 سىسى ذهبى ميتالك تكييف سنتر انذار زجاج كهرباء ووحده رفع حاله ممتازه فابريكه بالكامل بطاريه جافه فى الضمان كاوتش جيد فرش جلد ودى فى دى تعمل كام لو سمحت وشكرا ؟

---

تعمل 45 الف

اقتباس:

---

المشاركة الأصلية كتبت بواسطة gassarian

أنا عربيتي 504 gr موديل 79 بيضاء سن فيل
هي تقريبا فبركة دواخل( مش متأكد عشان غيرتلها 4 أبواب من 10 سنوات ل gl) و محتاجة شوية سمكرة بسيطة و دوكو ( يعني شغل شوارعنا خرابيش و عوجة بسيطة في بوز الرفرف اللي ورا)
العربية معمول لها عمرة موتور و مشيت بعدها حوالي 100 ألف كيلو
و لسة اليوم عامل لها عمرة باقي الميكانيكا في العربية و مغير لها أشطوانة و ديسك ديبرياج و كذا حاجة تانية في الفتيس و العفشة و السكاترا و طقم الكهربا و اللي اتغير كله الأصلي بيجو فرنساوي
يعني الميكانيكا بتاعة العربية هنقول جديدة تماماً كالأصل
البطارية جديدة و ال 2 كاوتش الأمامي جديد
تساوي كام دلوقتي؟
أبيعها دلوقتي ولا أخليها شوية بتمن اللي لسة عامله فيها؟ عشان السعر اللي هاتجيبه خصوصا لو بيعتها لازم أجيب عربية تانية على طول

و ألف شكر لييك

---

تعمل 25 الف لو دواخلها شركة كلها

اقتباس:

---

المشاركة الأصلية كتبت بواسطة moudy88

سلام عليكم يااستاذ شريف ...استاذنك تسعرلي عربية سكودا فيفوريت موديل 94 ...دواخل فابريكه وحالتها العامه كويسه والماتور حالته متوسطه 60 % مثلا على اقل تقدير ...وايه رايك في العربيه دي ..من حيث اعادة البيع وقطع الغيار والكفائه

---

تعمل 22 الي 23 الف
والعربية معقولة بس قطع الغيار واعادة البيع مش زي الفيليشيا

اقتباس:

---

المشاركة الأصلية كتبت بواسطة madoo_600

لانسر 97 معدله الى 99 في شكل الشيكه والفوانيس الكريستال ومسقطلها موتور 1500 من 6 شهور فابريكه دواخل راشه بره نظافه جنوط اسبور بعد اذن سعادتك تساوي كام

---

تعمل 47 الف

اقتباس:

---

المشاركة الأصلية كتبت بواسطة ayman2000ghazy

ممكن يا دكتور لو سمحت عايز سعر سيارة اونو 95 ببدون اى كماليات راشة خارج فقط بحالة جيدة

---

لو حالتها جيدة ودواخلها شركة تعمل 24 الف

موضوعك جميل و شكرا بجد عليه يا استاذ شريف
كعروض عليا كيا سيفيا هى بتاعت صاحبى موديل 2000 مانيوال العربية حالتها كويسة و ماشية 177 الف كيلو هو قالى لو خدتها هتصرف عليها من 2000 ل 3000 و تبقى زيرو و هيقولى اعمل فيها ايه بالظبط حضرتك تفتكر العربية دى تعمل كام ؟
هو عارضها على 37 الف
العربية راشة برة ودواخل فبريكة

اقتباس:

---

المشاركة الأصلية كتبت بواسطة ehabadee

ارجو المساعده عندي فورد فوكاس 2006 خليجي ستربترونك اللون فيراني عداد 39000 الف كم بحاله ممتزه ولكن تحتاج شغل من الخارج غير مرشوشه

---

لو قصد حضرتك انها برة وجوة وبها بعض الخدوش الخارجية و بالحالة الممتازة المذكورة تعمل 78 الف

اقتباس:

---

المشاركة الأصلية كتبت بواسطة hamasa

موضوعك جميل و شكرا بجد عليه يا استاذ شريف
كعروض عليا كيا سيفيا هى بتاعت صاحبى موديل 2000 مانيوال العربية حالتها كويسة و ماشية 177 الف كيلو هو قالى لو خدتها هتصرف عليها من 2000 ل 3000 و تبقى زيرو و هيقولى اعمل فيها ايه بالظبط حضرتك تفتكر العربية دى تعمل كام ؟
هو عارضها على 37 الف
العربية راشة برة ودواخل فبريكة

---

دة يا باشا يتوقف علي مقدار صحة كلام صاحبها
فلو كانت فعلا محتاجة 2000 الي 3000 جنية وتبقي مفيهاش الهوا فكدة تبقي حلوة بالسعر دة
اما اذا زادت عن كدة فتبقي غالية

اولا احب اشكرك على مجهودك ووقتك الي بتقدمه لمساعدتنا وكنت حابب اخد رايك
انا معايا النترا 2006 وحابب اغير وجيب سكودا اوكتافيا a4 2004 مثلا فهل انا بفكر صح ولا بلاش وخصوصا ان الحمد لله عربيتي مريحاني جدا ويا ترى الاوكتافيا ال 2004 او 2005 حالة ممتازة وفابريكة برة وجوة وعاملة كيلومتر معقول تعمل كام

اقتباس:

---

المشاركة الأصلية كتبت بواسطة sherifowahba

دة يا باشا يتوقف علي مقدار صحة كلام صاحبها
فلو كانت فعلا محتاجة 2000 الي 3000 جنية وتبقي مفيهاش الهوا فكدة تبقي حلوة بالسعر دة
اما اذا زادت عن كدة فتبقي غالية

---

متشكر جدا و كل سنة وانت طيب
هو صاحبى يعنى و انا بثق فى كلامه و كمان هيريحنى فى الدفع شوية يبقى كدة هتوكل على الله هى لو فيها حاجة جوهرية هو اكيد هيقولى

معروض عليا مرسيدس مو 81 .. جير مانيوال .. زجاج كهرباء + سنتر + تكييف
الجنوط اللي ممكن تتغير
يا تري تعملها كام؟
وهل تنصحني بيها ولا لأ

مش اربعين الف كتير شويه والعربيه ممتازه و صيانه ممتزه وهي ليس بها اي مشاكل سوي الخودش فقط

كل سنة واعضاء المنتدي كلهم بالف صحة وسعادة ومغقرة من اللة

اقتباس:

---

المشاركة الأصلية كتبت بواسطة schumy

اولا احب اشكرك على مجهودك ووقتك الي بتقدمه لمساعدتنا وكنت حابب اخد رايك
انا معايا النترا 2006 وحابب اغير وجيب سكودا اوكتافيا a4 2004 مثلا فهل انا بفكر صح ولا بلاش وخصوصا ان الحمد لله عربيتي مريحاني جدا ويا ترى الاوكتافيا ال 2004 او 2005 حالة ممتازة وفابريكة برة وجوة وعاملة كيلومتر معقول تعمل كام

---

واللة دة يتوقف علي انم حضرتك بتحب تركب المدرسة الياباني الي تابع لها الكوري ولا المدرسة الالماني التابع لها التشيكي
فالمدرسة الياباني تمتاز بالخفة وسرعة الاداء والتكييف الممتاز واعادة البيع السريع مهما كانت الحالة
والمدرسة الالماني تمتاز بالفخامة والثقل والثبات والمتانة
فالاختيار لك انت
اما الاسكودا تعمل في حدود ال 85 اوتوماتيك وال 80 للمانيوال باعتبار الحالة الجيدة

اقتباس:

---

المشاركة الأصلية كتبت بواسطة tomcruies_egy

معروض عليا مرسيدس مو 81 .. جير مانيوال .. زجاج كهرباء + سنتر + تكييف
الجنوط اللي ممكن تتغير
يا تري تعملها كام؟
وهل تنصحني بيها ولا لأ

---

ارجو ذكر تفاصيل السيارة
هي اي ولا اس
200 ولا 230 ولا 280
دواخلها شركة كلها ولا لا
الحالة العامة للسيارة ومحتاجة مصاريف ولا لأ

اقتباس:

---

المشاركة الأصلية كتبت بواسطة ehabadee

مش اربعين الف كتير شويه والعربيه ممتازه و صيانه ممتزه وهي ليس بها اي مشاكل سوي الخودش فقط

---

انا مش فاهم حضرتك قصدك اية انا سعرتها ب 78 الف لكن اربعين اية انا مش فاهم

السلام عليكم ورحمة الله وبركاته
الرجاء التسعير العاجل لهذه السيارة .. الرجاء الرد في اقرب فرصه لان الموضوع عاجل جدا
السيارة سيات قرطبة 2009 ماشية 10 الاف كيلو متر كاملة اوتو ماتيك 1600 سي سي فتيس تيبترونيك و فتحة سقف و سيدي MP3 وصلة I pod و طارة ملتي فانكشن
الجديدة سعرها الان 115 الف بعد التخفيض وكانت 120 الف قبل التخفيض
فابريكه بالكامل

كنت عايز اعرف ايه اسعار الشراء للعربيه 127 بجميع مودلاتها من 82 حتى 87
مع العلم ان كل العربيات الى شفتها كلها رشه دواخل
يعنى عايز اعرف السعر الى اشترى بيه يكون كام
اسف طولت عليك