الرخصة ومرور عبود

**sasatony** · 26-03-2009 08:33 PM

السلام عليكم عودة حميدة بعد فترة غير وجيزة بسبب وقوع المنتدي
المهم
انا الحمدلله معايا رخصة سواقة بس اخويا مش معاه رخصة
المهم احنا من شبرا وروحنا عشان نطلع رخصة ليه
نزلنا في اليوم ده الساعة 8الصبح(احنا حاليا في الهرم) وصلنا المرور الساعة 9ونص جبنا الورق وخلصناه ومكنش ناقص غير ان اخويا يختبر المهم قاعدين في الساحة من الساعة10لحد الساعة 11الاربع مستنين اللجنة الي هتختبر الناس وكان طابور طويل من العربيات المهم جت اللجنة وحطت الاقماع وبدء الاختبار والاختبار سهل جدااا زي الي انا اختبرته في الجيش بالظبط المهم اخويا اختبر وطلع الرخصة وكنا قلقانين من اختبار الاشارات طلع من حظنا الحلو ان الممتحنين بتوع الصبح ملهمش اختبار اشارات لكن بتوع بعد الضهر ليهم اختبار اشارات
المهم كنا فوق في الشباك الموظفة كانت بتلكك وكانت عاوز شهادة التخرج واخويا يقولها البطاقة مكتوب فيها محاسب وكارنيه الشغل مكتوب فيه محاسب يعني هبقي دبلوم تجارة او مش مخلص والشغل كاتبي كده وخلاص الخلاصة انها خدت 10جنيه في جيبها وكلو كان بيدفعلها عشان يخلص
المهم جينا بقي للعذاب بجد وهو التصوير قعندنا حوالي ساعة لحد مااخويا اتصور وطلع في كوسة يعني الي عارف حد يتصور الاول وهكذا المهم ان هو اتصور وقعنا نص ساعة لحد مااستلم الرخصة
الخلاصة ان الاختبار سهل ومش محتاج واسطة لكن العاملين هناك محتاجين واسطة او ضرب بالنار فيهم عشان نخلص من الهم ده
ودي كانت تجربتنا مع مرور عبود

**want_better** · 26-03-2009 08:46 PM

مبروك الرخصة
وياريت الناس فعلا تسيبها من وهم أن لازم تروح مع واسطة علشان تتطلع رخصة
الواحد يتوكل على الله ثم يحاكي الاختبار أكتر من مرة في أي مكان قبل مايروح ومش لازم اقماع ممكن يحط أي حاجة مكانها (وحد صاحبي كان بيحط اكياس القمامة - أنا اسف - )
المهم ان فعلا الفرق بين أبو واسطة وأبو من غير الوقت
والحمد لله على كل حال

**sasatony** · 26-03-2009 08:52 PM

المشاركة الأصلية كتبت بواسطة want_better

مبروك الرخصة
وياريت الناس فعلا تسيبها من وهم أن لازم تروح مع واسطة علشان تتطلع رخصة
الواحد يتوكل على الله ثم يحاكي الاختبار أكتر من مرة في أي مكان قبل مايروح ومش لازم اقماع ممكن يحط أي حاجة مكانها (وحد صاحبي كان بيحط اكياس القمامة - أنا اسف - )
المهم ان فعلا الفرق بين أبو واسطة وأبو من غير الوقت
والحمد لله على كل حال

كلامك صح وانا كنت بقنع اخويا اننا نروح ونسيبها علي الله بس كنت قلقان شوية بس الحمدلله ربنا كرمنا وطلعت الرخصة من غير مساعدة

**PRO-DRIVE** · 26-03-2009 08:59 PM

تقريبا نفس اللي حصل معايا هناك :) بس انا قعدت ساعتين عشان اتصور :(

**أشرف فتحى** · 26-03-2009 09:05 PM

طب يا مصطفى لما انت جى شبرا مش كنت تقول عشان نعمل معاك الواجب؟!!!!
ياراجل دحنا فيرناويه زى بعض وانا اساسا ساكن قدام المرور يعنى كنت بدل الانتظار تيجى تشرب عندى شاى على مييجى عليك الدور
عموما مبروك لاخوك على الرخصه.
وبأكد على كلامك ان مرور عبود من اسهل ادارات المرور فى اصدار رخصه القياده ومش محتاج اى واسطه وبالنسبه للموظفين بتوع المرور معروفين فى كل مكان ان للاسف معظمهم بيمشى بالجنيه
يعنى طلع الورقه ام عشره تخلص على طول

**sasatony** · 26-03-2009 10:03 PM

المشاركة الأصلية كتبت بواسطة أشرف فتحى

طب يا مصطفى لما انت جى شبرا مش كنت تقول عشان نعمل معاك الواجب؟!!!!
ياراجل دحنا فيرناويه زى بعض وانا اساسا ساكن قدام المرور يعنى كنت بدل الانتظار تيجى تشرب عندى شاى على مييجى عليك الدور
عموما مبروك لاخوك على الرخصه.
وبأكد على كلامك ان مرور عبود من اسهل ادارات المرور فى اصدار رخصه القياده ومش محتاج اى واسطه وبالنسبه للموظفين بتوع المرور معروفين فى كل مكان ان للاسف معظمهم بيمشى بالجنيه
يعنى طلع الورقه ام عشره تخلص على طول

حبيب قلبي ياغالي
انا اساسا من شبرا وعلي طول هناك انا ساكن في شارع الترعة قدام الجراج شارع محمود حلمي ده الشارع بتاعنا بجد مش هزار

وانا بنزل شبرا علي طول ممكن نظبط سوا يوم
وممكن تكون انت سمعت عن عمي
انا عمي اسمه علي توني لو تعرفه يعني
واحلي سلام للشبراوية

**mo7a_mo7a** · 26-03-2009 10:07 PM

المشاركة الأصلية كتبت بواسطة sasatony

وكنا قلقانين من اختبار الاشارات طلع من حظنا الحلو ان الممتحنين بتوع الصبح ملهمش اختبار اشارات لكن بتوع بعد الضهر ليهم اختبار اشارات

ازاي يعني؟

علي اساس ان اللي بيطلعوا رخص الصبح مش محتاجين الاشارات!!!

لك الله يا مصر
لك الله يا مصر
لك الله يا مصر

**PRO-DRIVE** · 26-03-2009 10:33 PM

المشاركة الأصلية كتبت بواسطة mo7a_mo7a

ازاي يعني؟

علي اساس ان اللي بيطلعوا رخص الصبح مش محتاجين الاشارات!!!

لك الله يا مصر
لك الله يا مصر
لك الله يا مصر

هو اللي انا فهته يوم ما كنت هناك انا الراجل اللي بيمتحن اشارات مبيجيش بدري تقريبا

فا لما الدنيا بتتزحم بيقوموا ممشيين الناس !! مع اني كنت رايح مذاكر :@

**أشرف فتحى** · 26-03-2009 10:38 PM

المشاركة الأصلية كتبت بواسطة sasatony

حبيب قلبي ياغالي
انا اساسا من شبرا وعلي طول هناك انا ساكن في شارع الترعة قدام الجراج شارع محمود حلمي ده الشارع بتاعنا بجد مش هزار

وانا بنزل شبرا علي طول ممكن نظبط سوا يوم
وممكن تكون انت سمعت عن عمي
انا عمي اسمه علي توني لو تعرفه يعني
واحلي سلام للشبراوية

خلاص وانا مستنيك!

الموضوع: الرخصة ومرور عبود

LinkBack

أدوات الموضوع

عرض

-

-

-

المواضيع المتشابهه

مرور عبود

جواز عبود من الثورة باطل!

حد هنا من عبود او من الزاوية الحمرا

مرور عبود

السوبر صالون ومرور الاميريه والنمر ولكل كليله

الكلمات الدلالية لهذا الموضوع

المفضلات

المفضلات

ضوابط المشاركة