خبر بمليون جنية بطاقة الرقم القومى تجيلك مجددة لحد البيت####

**NaderNabil** · 27-03-2009 12:10 AM

المشاركة الأصلية كتبت بواسطة atamim

لا بدل الفاقد بيطلع نسخة طبق الاصل من البيانات القديمة و انت مش محتاج تجدد اى بيانات او تجيب اى اوراق اثبات جديدة

واحد صاحبى عملها و استلمها بالطريقة دية.

أيوه ماختلفناش....أكيد بدل الفاقد هايبقي هو هو...

إحنا بنتكلم علي البطاقات المنتهية (أي التي مر علي إصدارها 7 سنوات)...دي ماينفعش تطلعلها بدل فاقد....لأن لازم المعلومات اللي فيها تتحدث...

**hishamanilka** · 27-03-2009 01:30 AM

المشاركة الأصلية كتبت بواسطة NaderNabil

أيوه ماختلفناش....أكيد بدل الفاقد هايبقي هو هو...

إحنا بنتكلم علي البطاقات المنتهية (أي التي مر علي إصدارها 7 سنوات)...دي ماينفعش تطلعلها بدل فاقد....لأن لازم المعلومات اللي فيها تتحدث...

كلامك صح بس الناس هتعمل الحوار ده قبل انتهاء مده بطاقتهم اكيد مش بعدها علشان يقدروه يطلعوه بدل فاقد لبطاقه ساريه المفعول انما لو منتهيه سقط منها هذه الصفه ووجب عليك استخراج واحده جديده يعني بالبلدي كده قبلها بشهر ولا حاجه تطلب بدل فاقد بس انا معرفش الحوار ده صح ولا غلط

**eslam_wega** · 27-03-2009 07:12 AM

المشاركة الأصلية كتبت بواسطة mrghost

طبعا دى اثبات للشخصيه ومهمة جدا فى معظم المصالح الحكوميه ازاى متعرفهاش؟!!!!!!!!!!!!!!!!

هههههههههه والله انا اتلخبطت بسبب كلمة الرقم القومى دى ايوا طبعا عارفها

**atamim** · 29-03-2009 12:51 AM

بس عموما الحمد لله الطريقة دى تسهل للى لسة ما قفلش ال 7 سنين لتاريخ الاستخراج القديم

حتى لو اقل منه بشهر تنفع

**aif** · 29-03-2009 01:05 AM

المشاركة الأصلية كتبت بواسطة atamim

بس عموما الحمد لله الطريقة دى تسهل للى لسة ما قفلش ال 7 سنين لتاريخ الاستخراج القديم

حتى لو اقل منه بشهر تنفع

اعتقد انك لو عملت بدل فاقد بالطريقة دي ح تطلع البطاقة الجديدة بنفس تاريخ البطاقة الاصلية ... يعني مش ح تبقى سارية بعد السبع سنوات الاصلية بتوعها
وعشان تطلع بالتاريخ الحالي لازم تتصور من جديد
وبعدين التكلفة كدة غالية جدا
بدل 15 جنية ندفع حوالي 60 جنية ؟؟؟؟ 4 اضعاف
انا عملت الموضوع ده من سنتين قبل ما القرار ده يطلع وفعلا جت للبيت ودفعت 36 جنية تقريبا .... وقتها كانت التسعيرة كدة