إحذر من كمين السرعة (الرادار) في تلك الأماكن على هذه الطرق!!

**dragonsmith** · 10-09-2007 02:52 PM

هو في ردار ليلي ؟!!! انا سمعت عنه فقط ..... بس عمري ما قابلته
انا اللي اعرفه انه ما بيبقاش في بعده كمين لخطورة عمل اكمنه على الطرق السريعه ليلا..

السلام عليكم،

ده رادار من غير كمين فعلا. أعتقد المخالفة بتروح على ملف العربية مباشرة.
شكرا.

**محمد المشد** · 10-09-2007 02:54 PM

والله يا جماعة انا شايف ان اثارة هذا الموضوع ونحن مقبلين على شهر رمضان غير مناسب بكل الحب والتقدير لمن اثارة فأننى ارى ان السرعات المقررة يجب ان نلتزم بها لاننا يجب علينا ان نلتزم بها ليس خوفاً من المرور والغرامات بل خوفاً من بعض المتهورين الذين لايراعون حرمةالطرق ويتسببون فى الحوادث ومهما قيل عن لجان المرور فأننى ارى الالتزام بها وبتعليماتها حرصا على حياة البشر ومراعاة لله
الحرص يجب ان ينبع من داخلنا وليس من الاخرين وحرصنا على حياتنا وحياة الاخرين اهم من الغرامات والمخالفات وكسر قواعد المرور
لذا ارجوا من الجميع عدم كتابة اماكن الرادارات حرصا على الامانة وحرصا على ارواح المتهورين من السائقين وكل عام وانتم بكل خير

**حسام كرم** · 10-09-2007 03:09 PM

جزاك الله خيراً يا اخ محمد
ويارب الاخوة الافاضل ياخدوا بنصيحتك
وكل عام وانتم بخير
وربنا يسترها مع الجميع

**ahmed1981** · 10-09-2007 09:12 PM

المشاركة الأصلية كتبت بواسطة ahmed1981

بما أن بعض الطرق في السفر قد تكون أحيانا فاضية والواحد ماشي لوحده فرجلة بتتقل على البنزين يفاجأ برادار ماسكة ويسحب رخصه ويبعت لمكان تسليم الجباية
رغم إن الواحد لو الطريق مزدحم بيراعي كده ويمشي بسرعة تناسب الواقع
(أنا حاسس إن المسألة في الآخر لم فلوس)

وبالطبع هذه ليست دعوة للسير بسرعة جنونية أو المخالفة ولكن للحذر

طريق القاهرة إسكندرية الزراعي
قبل كوبري بركة السبع الجديد بمسافة صغيرة وكذلك بعده بحوالي 3 كيلومتر

**محمد المشد** · 11-09-2007 10:16 AM

يعنى ياجماعة مفيش فايدة 000

**ahmed1981** · 11-09-2007 08:21 PM

المشاركة الأصلية كتبت بواسطة محمد المشد

يعنى ياجماعة مفيش فايدة 000

حضرتك لسه هتقولهم مفيش فايدة
إسحب الرخص على طول وإبعتهم على الدراسة

**mido** · 11-09-2007 10:56 PM

يا جماعة ياريت تفكروا شوية
على فرض المعلومات صحيحة و اماكن الرادار ثابتة

لو واحد خد المعلومة و قعد يجرى وخبط حد

هتستحمل تاخد جزء صغير من السيئات على اساس انك ساعدته يجرى ؟

المعلومات دى كان ممكن تبقى مفيدة لو الرادار بياخد اى حد بغض النظر عن سرعته بس احنا عارفين ان ده عمره ما بيحصل[/b]

**wlng76** · 12-09-2007 12:11 PM

لما رخصتك تتسحب ردار وانت ماشى سرعة على 95 ك/س على الطريق الدائري بين المنصورية والمريوطية علشان كنت مركز فى العربيات اللى حواليك ولبضع ثوانى لاتذكر عينك انحرفت عن عداد السرعة, دا يبقى حرام لما تتاخد سرعة.
الحقيقة الأخوة الأفاضل اللى بيسحبوا الرخص دول.................................إلخ
وبعدين لما تلاقى كل العربيات اللى بتجرى من حواليك بتعدى من كمين الردار كإنه كان ماشى على قشر بيض, أو لو شفت عربية من غير نمر وصاحبها معدى ولا همه وتيجى ياعينى عليك وتقف فى الكمين مع واحد من الأخو الأفاضل ...... اللى بيسحبوا الرخص, طبعا دا حرام.
أنا رأيي زى ما فى ناس بتفترى فى السرعة ومفيش حد بيوقفها وكما بتأخد تحية الأبطال, يبقى لازم احنا المظلومين والمفترى عليهم بعض الأحيان نساعد بعض علشان نزود تركيزنا فى الحتت اللى فيها ردارات وما نرفعش عيينا من على عدادا السرعة ومش مهم الطريق. ونعرف نركز فى الطريق والعربيات اللى حوالينا بعد تخطى الردار.

**محمد المشد** · 12-09-2007 01:02 PM

حضرتك لسه هتقولهم مفيش فايدة
إسحب الرخص على طول وإبعتهم على الدراسة ( اقتباس )

يادكتور احمد كل عام وانتم بكل خير 000 عموما مقبولة فى ايام رمضان ومسامحك على المداعبه الظريفة

اما بالنسبة للاخ المتميز 000 ولا جعلنا الله متميزين على احد 000 المنتدى يتكلم اعضاءة فى كل شىء يفيدهم ويفيد المجتمع واذا كان سعادتكم لم ترى فائدة من الموضوع وهو بالنسبة لسعادتكم لم يرقى لفكرك فأترك الموضوع لنا على قدر فكرنا وشكرا وكل عام وانتم بك بكل خير

**Moh.Fahmy** · 12-09-2007 02:23 PM

يا جماعة صحيح ان الظلم قليل في حتة السرعات دي انما ساعات بيحصل ظلم من نوع آخر و علي فكرة انا من اشد المعارضين للواسطة و اخذ حقوق و لكن ما الحال اذا وقع علي ظلم بين
يعني مرة كنت مسافر للقاهرة و كنت لسه شاري عربيتي يعني زيرو و سألت صديق عزيز لي في المرور علي احوال الرادار اليومين دول فلقيته قالي معلومة خطيرة و شوفت اني اقولها للاخوة الافاضل هنا ان الرادار بيفتح في الصحراوي علي 110 فطمني و قالي ما تحاولش تعدي 110 عشان الرادار ما بيشوفش اللي اقل من كده و بالفعل كنت ماشي علي 108 و 105 و فوجئت بعربية لانسر عليها نمر جماهيرية ماشية طايرة من جنبي و بعدها علطول بحوالي 10 لقيت الكمين و كانت العربية اللانسر امامي و فوجئت بالظابط بيمشيه و يوقفني و يخبرني ان الردار صورني علي 111 و اقسمتله اني ما عددتش ال 108 و اتأكدت منه فعلا ان الرادار بيفتح علي 110 و اتعصبت علي جامد و قولتله بقي تمشي اللي كان طاير و انا الملتزم توقفني و تسحب رخصي علي كيلو و غلط كمان قام قالي لو عايز تتأكد ارجع تاني لمكان الرادار و شوف الصورة و فعلا رجعت و لقيت الصورة مظبوطة علي 111 بس طبعا ما يمنعش ان الجهاز مش مظبوط و اتاكدت من فني الرادار ان الرادار ممكن يعلق شوية و كل واحد و نصيبه
رجعت للظابط و انا في السكة كنت متضايق قوي و اتصلت بصديقي و اخبرته و لما اقتنع قالي طب ادهولي واخبره بانه رئيس وحدة مرور محرم بك و بالفعل لقيت الظابط اللي كان بيتكلم بالقانون قالي علي فكرة هو الرادار النهاردة في مشكلة طبعا كلام فارغ عشان يداري موقفه ..طيب لما هو فيه مشكلة بتطلعه ليه فلذلك كل التحايلات علي الناس دي اعتقد انها حلال 100% لانهم اساسا مافيش قانون هما ماشيين به...علي فكرة انا عمري ما اتعرضت لمضايقات من امرور قبل كده بس المرة دي حسيت بظلم كبير و ما ارتحتش غير لما اخدت رخصتي تاني

محمد فهمي

الموضوع: إحذر من كمين السرعة (الرادار) في تلك الأماكن على هذه الطرق!!

LinkBack

أدوات الموضوع

عرض

-

Re: إحذر من كمين السرعة (الرادار) في تلك الأماكن على هذه الط -

-

-

المواضيع المتشابهه

مقترح للحد من تجاوز السرعة على الطرق السريعة

جيل جديد من أجهزة الرادار علي الطرق المصرية

اجهزه كشف الرادار على الطرق السريعه

عدو جديد علي الطرق أسمه الرادار

احدث الطرق لتخفيف السرعة

الكلمات الدلالية لهذا الموضوع

المفضلات

المفضلات

ضوابط المشاركة