إحذر من كمين السرعة (الرادار) في تلك الأماكن على هذه الطرق!!
بما أن بعض الطرق في السفر قد تكون أحيانا فاضية والواحد ماشي لوحده فرجلة بتتقل على البنزين يفاجأ برادار ماسكة ويسحب رخصه ويبعت لمكان تسليم الجباية
رغم إن الواحد لو الطريق مزدحم بيراعي كده ويمشي بسرعة تناسب الواقع
(أنا حاسس إن المسألة في الآخر لم فلوس)
وبالطبع هذه ليست دعوة للسير بسرعة جنونية أو المخالفة ولكن للحذر
ولذلك قلت أفتح موضوع لأي واحد يحذر إخوانه من أماكن تواجد الرادار على الطرق
وأبدأ بنفسي:
1 - طريق القاهرة بلبيس الصحراوي (السرعة القصوى 100 كيلومتر/الساعة)
رغم إن طوله حوالي 40 كيلومتر لكن يوجد به رادار بكل إتجاه
ونتيجه لبعد الطريقين الرايح والراجع عن بعض محدش بيقدر يحذر حد بالنور
في الإتجاه الذاهب من القاهرة الرادار يوجد بعد فتحة طرق مدينة العبور
في إتجاه العائد إلى القاهرة يوجد بعد منتصف الطريق تقريباً
ويفضل الحذر في كل الطريق نتيجة لتواجدهم اليومي (جميع أيام الأسبوع) ونتيجة لتغيير أماكنهم بكثرة
والحمد لله رخصتي إتسحبت مرة وأنا رايح ومرة وأنا راجع
أتمنى من كل واحد يحذر إخوانه من أماكن الرادارات التي يعرفها على أي طريق