الموضوع: عملت حادثه النهارده وقدر الله وماشاء فعل

المشاركة الأصلية كتبت بواسطة Rsarabia

الحمد لله انك بخير و اللى خبطته بخير بس انا شايف كدا من ملابسات الحادث ان حضرتك اللى غلطان

ازاى عاوز واحد ماشى فى طريقه يبص يشوف اللى فى الدوارن و يعديهم المفروض اللى واخد طريقه طوالى بيبقى جاى سريع جدا مش هيقعد يقف لكل دوران و لكن العكس المفروض كان يحصل يعنى حضرتك تبص تشوف هل فى حد معدى ولا لا واول ما يكون فى فرصة ان حضرتك تعدى تروح معدى

المشاركة الأصلية كتبت بواسطة M.Osama

أولا جمدالله علي سلامتك

بس للأسف بيتهيألي انك انت اللي غلطان لان دا طريقه وانت قاطع عليه الطريق خصوصا ان الاشارات زي مبتقول مش شغاله.. فبالتالي كان لازم تستني لما الطريق يفضي خالص من السيارات وتبدأ تاخد الدوران

المشاركة الأصلية كتبت بواسطة tutankhamoun

السلام عليكم
تسمحلي يا أخي الكريم أعلق على مداخلة حضرتك .

المفروض ..... ( في الدول المحترمة اللي فيها قانون ) طبعا مصر مش منهم .

أن اي تقاطع هو وقوف اجباري و خصوصا في الدوران .

و كل الحق للسيارات التي داخل الدوران و ليس للسيارات خارج الدوران أي حق في دخول الدوران الا بعد خروج السيارات الأخرى منه .
و لكن بما أننا في مصر ( بلد الأمن و الأمان ) فأي حد غلطان .

للتوضيح فقط لان يبدو ان البعض مش متخيل الصوره

لكن الاخ العزيز توت يبدوا انه تخيل الصوره وهى فعلا كما فهم هو

هو دوران ميدان عام
هذا الدوران يفتح به مفترق 4 طرق رايح جاى يعنى 8 فرد
المفروض ان على كل تقاطع اشاره مرور وقوف اجبارى حتى تفتح له الاشاره

يعنى المفروض ان اى حد خارج الدوران لايدخله الا اذا كانت الاشاره مفتوحه
فهنا مافيش حاجه اسمها ماشى فى طريقه لان طريقه ينتهى بملتقى الميدان الذى يبدأ باشاره وقوف اجبارى عند الدوران

المفروض ان طالما انا سمح لى بدخول الدوران اصبحت بعدها داخل محيد الدوران والميدان واصبحت فى منتصف الدوران فمش مفروض ان اى حد خارج هذا الدوران يدخل الا اذا كانت اشارته خضراء ممكن يعدى

ولان الاشارات مش شغاله والفضل لمرور بلدنا الهمام اللى عايز يلم فلوس وخلاص ومش مهم الشعب ولا البلد

فاصبح كل واحد واخدها بالدراع

وهنا انا وانا خلاص مفروض انى هااخرج من نهايه الدوران واخد اول تقاطع لشارع خارجى

هنا حصلت الحادثه واحد مش صابر لما انا اخرج راح لابس فى ولقيت نفسى باحاول افاديه لبست فى شخص بيعدى هو كمان الدوران وحصل ماحصل

علشان بس اكون وضحت الصوره

الحمد لله على سلامتك وقدر الله وما شاء فعل ودى حاجات بسيطة

اولا الحمد لله على سلامتك
ثانيا ممكن نشوف الاخطاء فى الموضوع
-عدم وجود التنظيم المرورى و ده الاخطر
-خطا السائق الاخر لانه لم يعطى الاولوية لمن فى الدوران ، جزء كبير منه بسبب عدم وجود التنظيم المرورى
-خطا الراجل اللى بيعدى و جزء كبير منه بسبب عدم وجود التنظيم المرورى
-اعتقد ان حضرتك كان المفروض تعمل محضر لعقاب اللى غلط
بس بسبب بهدلة الاقسام و تجنبا للمشاكل و الخلافات
فعلا مقدرش الومك على انك معملتش

بص يا حوبي
ابقى اعمل زيي
من اتلف شئ عليه اصلاحه واتعامل مع الحمار على انى العربجى واتعامل مع الحيوان على انه عايز الى يلجمه
شوط وعدى :)