الموضوع: عملت حادثه النهارده وقدر الله وماشاء فعل

اخوانى فى منتدى نايل موتورز الرائع

انا على فكره باحاول التزم بقواعد المرور جيدا لانى باحترم نفسى وباحب الالتزام بالقواعد لكن انا مش خبير فى قواعد المرو

امس وانا باودى الاولاد المدرسه صباحا فيه دوران عندنا وللاسف بقاله اكثر من كام شهر الاشارات متوقفه ومش شغاله رغم ان المرور شغالين الله ينور مخالفات وتحصيل فلوس وطبعا واقف حته عسكرى مع نفسه وسايب اللى يعدى يعدى والله يمشى يمشى وكل واحد واخدها بالدراع والدوران ده ماسك مفترق 8 طرق رايح جاى
المهم انا حريص جدا وعديت نصف الدوران وفاضل ليا فقط حوالى 4 امتار واطلع منه واخد اول يمين لى بعد الدوران
واذا بى وانا باعدى الاقى واحد حيوان جاى من على التقاطع اليمين لى واللى مفروض بينتهى باشاره وقوف له مكمل طريقه وداخل على اول الدجوران بالنسبه له وطبعا هيدخل فى انا حاولت بسرعه جدا اهرب منه لكن القدر كان اسرع لقيت نفسى واخد واحد قدامى على الكبوت كان معدى وطبعا ايضا البشر زيهم زى السائقين كل واحد مع نفسه
لكن الحمد لله الراجل اللى خبطته ماحصلوش حاجه لانى مسكت فرامل على الاخر وكنت ماشى بسرعه بطيئه
لكن للاسف الحيوان اللى كان جاى من على يمينى لبس فى الجانب الايمن لى وطبقه
وكان مفروض انه يقف اول الاشاره اللى مش شغاله طالما ان فيه ناس بتعدى قدامه الدوران

هو خبطنى فى جنب عربيتى اليمين ببوز عربيته

وطبعا انا كنت مصدوم واعصابى متوتره لانى خبطت واحد بسببه

انا حل على السكوت ولم اتكلم والناس شافوا الراجل وطلع سليم وبصراحه طلع ذوق ومشى

وانا بسب ذوق الراجل ده لم اصر على ان الحيوان ده يصلح لى عربيتى لانه هو السبب وكلفتنى الخبطه دى 200 ج

وطبعا انا سبته ومشيت لكن اللى استغربت ليه وانا باكلمه الاقى بيقول لى دا طريقى
وانا باستغرب ازاى طريقه وهو جاى من شارع داخل على دوران مفروض ينتظر لغايه اللى فى الدوران مايطلع من قدامه ثم يدخل هو ثم انه خبطتنى فى جنب عربيتى يعنى وانا قدامه مباشره وكان ممكن لو هو مصحصح كان يقف ويمسك فرامل لكن اقول ايه حسبى الله ونعم الوكيل

ياترى ايه رايكم انا غلطان ولا هو اللى غلطان

وكمان انا رغم انى دايما لاازود عن 40-50 ك داخل المدينه و 80-90 خارجها
يعنى مش متهور مش عارف اعمل ايه بعد كده ولامته الواحد هيتحمل اخطاء الغير