فى أوبل فيكترا موديل 97 أوتوماتيك 1600 سى سى .. عاملة 76000 ألف كيلو ..
ده إللى مكتوب على الورقة على العربية ..
بس سؤال هى العربية تعمل كام سعر ..
و مش غريبة حبتين 76000 ألف لعربية متصنعة من 12 سنة؟؟
عرض للطباعة
فى أوبل فيكترا موديل 97 أوتوماتيك 1600 سى سى .. عاملة 76000 ألف كيلو ..
ده إللى مكتوب على الورقة على العربية ..
بس سؤال هى العربية تعمل كام سعر ..
و مش غريبة حبتين 76000 ألف لعربية متصنعة من 12 سنة؟؟
ولا غريبه ولا حاجه .....ممكن يكون عداد الكيلومترات متغير أو ملعوب فيه وممكن تكون العربيه كانت مرفوعه لفترات كبيره............والفاصل فى الحاله دى عمل أختبار كبس للمحرك..........
تمنها فى السوق اقل من كدا
طيب حضرتك هى معروضة بكام !؟؟
شوف يا باشا..
العربية دي فيها حاجة غريبة..
اللي اتجمعت هنا في مصر كانت 1600 مانيوال.. مش اوتو خالص.. و اللي اتجمعت 1600 اوتو كانت موديل 2000 وانت طالع لحد 2003.. و دي موتورها كان ايكوتك.. مش الموتور الكامة واحدة القديم.. اللي في العربيات المانيوال..
والعداد القليل ده ليه اكتر من سبب زي ما الكبير الباشمهندس سمير قال لسعاتك.. بس في حاجة.. اتأكد المسافة دي بالميل ولا الكيلومتر.. عشان لو بالميل.. يبقي طبيعي وية .. يعني حوالي 110 الف كم.. و ده معقول.. بالتسبة لعربية مكانتش بتتحرك كتير..
المطلوب دلوقتي ان سعاتك تعرف العربية دي مصري ولا نازلة من برة.. و دي هتعرفها ازاي.. بسيطة جدا..
هتبص علي زجاج ال4 ابواب و البربريز.. لو لقيتهم مكتوب عليهم دكتور جريش.. يبقي وش العربية دي مصري.. و بالتالي.. متاخدهاش.. عشان ملعوب فيها.. عشان متجمعتش هنا 1600 اوتو زي ما قولت لسعاتك..
لكن لو الزجاج جي ام و مش مكتوب عليه دكتورجريش.. يبقي العربية دي في نسبة كبيرة انها تكون نازلة من برة.. و في الحالة دي.. ممكن تفكر فيها فعلا..
هتشوف الموتور اللي فيها ايكوتك ولا العادي..
لو ايكوتك هيبقي مكتوب عليه.. و هتلاقي الموتور من فوق كده فاتح.. و مكتوب عليه ايكوتك.. و عريض شوية.. لكن لو الموتور العادي.. هتلاقيه اسود من فوق. و مكتوب عليه اوبل..
و بالتالي.. لو العربية الماني.. ممكن تشوف موضوع العداد ده ايه.. لكن لو تجميع مصري.. يبقي وقتي كده العداد ده متغير..
العربية لو مصري.. و متعدلة.. يبقي ممكن تاخدها ب 40 الف جنيه.. و كبيرها 42.. اكتر من كده لأ.. عشان متضمنش اللي فيها ايه..
لكن لو الماني.. و العداد ده طبيعي بتاعها.. ولما تقيس كبس الموتور هيبقي مش اقل من 87% يبقي ممكن توصل لحد 55 الف جنيه.. و دي تاخدها بس طبعا تكشف عليها كويس جدا عشان متكونش محتاجة مصاريف.. عشان لو محتاجة تحاول تقلل من سعرها شوية..
عموما.. خلينا معاك كده ف التفاصيل.. و قولنا عملت ايه..
و بالتوفيق ان شاء الله..
يا سلام عليك يا علاوي يا كبير . استاذ والله
فادي بك حبيب قلبي..
ربنا يخليك يا باشا.. ولا استاذ ولا حاجة.. دي حاجات بسيطة كده.. و كلها متعلمها من هنا.. و من المهندس فادي برضه حبيبي اللي باتعامل معاه في صيانة عربيتي من اول ما جيبتها..
انا في الفيكترا كتكوت صغير يا باشا.. الفيكترا ليها اساتذتها برضه..:B4_611:
بس كل الموضوع اني كنت باتفرج علي فيكترا كان الكلام انها جاية من برة و بنفس كماليات ال CDX بس موديل 96 و علي الاساس ده روحت اشوفها.. بس طلعت كلها متظبطة هنا.. في حاجات عرفتها لوحدي.. و في حاجات كتيربقي فادي ظبطني فيها..