الموضوع: عندى قرار لو اتنفذ مصر هاتكون اقوى اقتصاد بلد عربي هو........

المشاركة الأصلية كتبت بواسطة medo55

طيب في فكره حلوه

الناس الي عايزه عربيات من غير جمارك نبعتهم يعمرو الصحرا :d

اقصد يعني مثلا يعملو مدن جديده كتخطيط وليكن مثلا في مكان في الصحراء يكون قريب مثلا ما بعد 6 اكتوبر :) او الطريق الصحراوي بتاع الاسكندريه او اي مكان يعني

كل واحد ياخد قطعة ارض وياخد عربيه ملاكي وعربيه نقل ويزرع ويعمر في الصحراء وبالشكل دا هيستفادو برضو ويلزموه لو مش زرع او عمل حاجه ياخدو العربيات تاني او يدفعوه تمنها او يحبسوه :d

المهم انه يكون ملزم بالتعمير وبالشكل دا هيبتدي يجبر الناس انها تتوزع جغرافيا بشكل كويس

مع احترامى واعجابى بفكره حضرتك بس للاسف ماينفعش تتطبق فى مصر لان احنا شعب كسول جدا وعايز اللى يديله اللقمه فى بقه ودى حقيقه للاسف والدليل ان احنا عايشين فى الدلتا ووادى النيل ومش بنطلع الصحراء

المشاركة الأصلية كتبت بواسطة mokhtar

مع احترامى واعجابى بفكره حضرتك بس للاسف ماينفعش تتطبق فى مصر لان احنا شعب كسول جدا وعايز اللى يديله اللقمه فى بقه ودى حقيقه للاسف والدليل ان احنا عايشين فى الدلتا ووادى النيل ومش بنطلع الصحراء

احنا مش كسولين ولا حاجه
المشكله ان الحكومه بتنشأ مدن جديده ومبتفكرش تنشأ (قرى ريفيه )جديده
يعنى زى مايبنوا عمائر ومدن صناعيه ممكن برضو يبنو قرى ريفيه فى الاراضى اللى صالحه للاصتصلاح والزراعه بدل ميبيعو الاف الافدنه للاقطاعيين الحرميه او يسلموها للمستسمرين الحرميه برضو وما اكثر الحراميه فيكى يامصر

انا دخلت الموضوع وكلي حماس ان يطلع في حاجه كدا
بس الجمارك بس مش هي المشكله
دي أوركسترا بتعزف من غير نوته !!!
تخيل ايه نوع اللحن اللي ممكن يطلع من الاوركسترا دي
ضوضــــــاء
احنا محتاجين أداره تخاف ربنا لموارد الدوله المنهوبه
وربنا يبدل الحال الي الافضل
إنه وليّ ذلك والقادر عليه..

المشاركة الأصلية كتبت بواسطة pro_samir

آه طبعا احنا شعب كسول وستين كسول
مش عايز اقول ان المصريين محفروش قناة السويس إلا بالسخرة والكرباج
بس يكفى ان نادرا ما تلاقى حد بيشتغل بضمير دلوقتى وكل واحد بيشتغل عايز واحد تانى واقفلة بالمرصاد يقولة اعمل ومتعملش ومعملتش لية والحوار المهبب دة ، وأى حد مسؤل عن تشغيل ناس انشالله يكون ريس عمال هيكون عارف الموضوع دة ومتأكد منة

ومشكلة الشغل فى مصر اساسا هيا مشكلة عمالة وليس مشكلة بطالة !

بمعنى انة قد يكون فى 1000 فرصة عمل ويتقدم ليها 10000 واحد لكن مينفعش منهم غير 500 !!! الناس معظمها بقت عايزة تأنتخ وتقضيها وخلاص ويمكن اللى بيخلى ناس كتير تضطر تشتغل هوا انهم هيجوعو لو مشتغلوش ! لكن مين انهاردة بيشتغل علشان عايز يعمل حاجة أو عندة هدف عايز يحققة ؟

وانا واحد من الناس مكنتش مقتنع بكدة وكنت فاهم ان البلد خربانة وحالها يقرف ومفيهاش شغل بس لما وصلت لوضع معين فى الشغل وابتديت احتك بموضوع اننا عايزين ناس تشتغل ومش لاقيين عرفت لية البطالة اللى فى البلد

أينعم هيا خربانة مقلناش حاجة ، بس دة ميمنعش انة الناس مش عايزة تشتغل اساسا.

فعلا والله عندك حق ناس كتير بشوفها قدامى مش عايزه تشتغل ولا بتفكر منهم كتيرلسه متخرجين اوبقالهم مثلا سنتين من تجاره وتلاقيه مثلا كان جايب جيد وتقوله ماشتغلتش ليه ........ز يسمعك محاضره عن البلد التعبانه والمنهوبه ومفيش شغل ومش عارف ايه والدنيا مقفله وبايظه
طب يا سيدى عارفين الكلام ده كله بس انت لازم تسعى خد دورات طور من نفسك ماتفضلش كده محلك سر ولا كان بتكلم ويقول عليك دانت متفاءل اوى وفاكر العمليه سهله وتلاقيهم ياقاعدين على القهاوى او واقف فى اى محل او مول طب كنت بتتعلم ليه من الاول
بجد حاجه تغيظ

لا في فكره تانيه هي مش بتاعتي
من حوالي اربع او خمس سنين كنت في حفله كان عاملها الحج محمود العربي (صاحب توشيبا ؟) الرجل ده محترم جدا جداااااااااااااااااااااا
فكره ايه اللي هو بيقول انه بيطبقها انه بيزود عدد العماله عنده 10% سنويا او اكتر دي بتنعش اقتصاد البلد جدا ازي
انا لو مش بشتغل يبقي مفيش قبض مفيش فلوس فمس هصرف حاجه لو بشتغل اصبح معايا فلوس هصرفها فين هشتري من بتاع الخضار والجزار والفرارجي هصرف في كل حاجه فلوسي اتقسمت علي كذا واحد دول برده هيصرفو فلوسهم علي كذا واحد وهكذا اصبح مرتبي بيتقسم انا وغير كتير فبالتالي هيبقي في انتعاش
طبعا انا مش عارف اشرحها زي ما هو قالها بس اعتقد ان هو ده الحل