الموضوع: لماذا يجب ان تقل اسعار السيارات؟

لازم اسعار السيارات تقل في مصر عشان:

1. هي اساسا اسعارها مبالغ فيها جداااا وهامش الربح فيها عالي جدا
   
   
   
2. اسعار السيارات بره بتقل عشان الكوراث اللي شركات العربيات فيها ولازم يتخلصوا من اللي عندهم
   
   
   
3. اسعار العملات بتقل وده معناه فرق العملة لمصلحتنا دلوقتي
   
   
   
4. الجمارك العالية من غير سبب المفروض هتقل علي 10 سنين بنسبة 4% لحد ما تنتهي خالص عشان اتفاقية التجارة العالمية
   
   
   
5. حتي مع وجود الجمرك فهو نسبة من تمن العربية ومكوناتها فمادام سعر العربية نزل فقيمة الجمرك علي العربية اكيد هتقل
   
   
   
6. فيه ناس كتير ربنا في عونها كانت مشترية عربيات بالقسط وسابت شغلها سواء بره مصر او جوه فعاوزة تخلص من عربياتها او تبدلها بحاجة اصغر تمن اقل ومصاريف اقل عشان توفر في الايام الصعبة اللي جاية
   
   
   
7. قانون المرور الجديد مش هيجدد لعربية عدا عليها 20 سنة وهما بيعملوا دلوقتي كده مع التاكسيات ومسير الدور هيجي علي العربيات العادية موديلات السبعينات والتمانينات
   
   
   
8. الغرامات والترخيص والبنزين ممكن يخللي ناس كتير تفكر ان التاكسي والمواصلات ارحم من مصاريف العربية اللي بتزيد
   
   
   
9. الحالة الاقتصادية للناس مش تسمح زي الاول ان الواحد يحط مبلغ كبير في عربية او يجيب عربية كل سنة ده غير مصاريفها
   
   
   
10. البنوك بعد اللي حصل بره بقت تخاف تدي قروض لتقسيط العربيات وده هيمنع ناس كتير معتمدة علي التقسيط انها تشتري
    
    
    
11. فيه عربيات زي الرينو اللي بتدخل من غير جمرك مع ان سعرها لسه عالي لكن المفروض يحرك العربيات اللي نفس الفئة بتاعتها للاقل عشان تقدر تنافس وكله بالتالي يقل

لكن اللي بيقول ان الاسعار تفضل زي ما هي او انها تزيد ده اكيد مش منطقي

لكن ممكن في مصر اللي كل حاجة فيها ماشية بالعكس طول ما احنا بنشتري وراضيين بالسرقة دي