الموضوع: تصحيح لمعلومة خطأ بخصوص تغيير زيت السريون

المشاركة الأصلية كتبت بواسطة ows212

تقريبا نفس المقاس عندى والعربية على البارد قبل ما تدور
استاذنك يا باشمهندس عمرو لو موضوع سحب الزيت بالسرنجة الكبيرة نفع بلغنا علشان انا بدأت اقلق واقرف من التوكيل

أنا إن شاء الله هاشتري التيوب النهاردة وهحاول أشتريها معدن

وأنا خلاص أخذت قرار بعدم تغيرالزيت في التوكيل....أولاً عشان تقريباً أنا بيبقى ليه لتر زيت زيادة مش بيرجعهولي وثانياً أنا فقدت الثقة في مهارة وفنية التوكيل الي ممكن يؤدي لنتائج غير سارة على المدى البعيد

المشاركة الأصلية كتبت بواسطة أبو عبدالله

ما هو ده الكلام يا معاذ
انا رديت عليك ليس لتأكيد ان الصح 3.5 او 3.1 او ان غلط 3.5 او 3.1
ولكن البعض رد على كلامي اني بأكد ان الصح 3.5 وهذا مالم اقوله او فهم خطأ

لأني قولت بالحرف ردا على كلامك ومشاركة في الموضوع



يعني انا بقولك ان العربيه فعلا اخدت 3.5 لتر
لأن احنا ابتدينا كلامنا في الموضوع ده علشان النص لتر اللي مش بناخده في التوكيل
فأنت قولت ان ان السيريون بتاخد 3.1 لتر يعني في حوالي 0.9 لتر مش بناخدهم
فأنا بقولك ان انا لما غيرت بره التوكيل غيرت 3.5 لتر برضه
فأنا بقول اللي حصل معايا مش اكتر ولا اقل
يعني انا مشاركتي ولا بتثبت ولا بتنفي
احنا بنتناقش يعني
فأكيد لما الاقي حد بيرد على كلامي اني بأؤكد شئ في صحته او خطأه
وهذا لم يحدث
فأكيد احس ان الردود فيها تحفز
مش اكتر ولا اقل
وعلى فكره كلامي ليس موجه لأحد بعينه ولا لك شخصيا يا معاذ انت اخويا والكل اخواني

اولا يا ابوعبدالله حصل خير, و مفيش حد متحفز و لا حاجة, الكل غرضه المصلحة العامة و بس.

حضرتك كده فكر فيها و حط نفسك مكان اى حد تانى بيقرأ الكلام, لما كتالوج العربية بيقول هى تاخد 3.1 لتر, و حضرتك تقول بالنص "على فكرة يا معاذ لما غيرته اخد 3.5 لتر" يبقى كده معناه ان المعلومة بتاعة الكتالوج مشكوك فيها او تحتمل المناقشة, فى حين انها المفروض حاجة قاطعة... و ده كان سبب الالتباس اللى حصل.

عموما واضح جدا ان التوكيل طلع زي الباقى بيحط زيت بعدم احترافية, يعنى مش موضوع انهم مش بيرجعوا 0.9 لترو لأ ده هما بيصبوا كله فى العربية فعلشان كده مفيش زيادة يرجع لك

والله يا جماعه مش دفاع عن الوكيل ولا حاجه
ولكن من الصعب ان احنا نقول ان التوكيل مش محترف والصنايعيه بيحطوا كده
ياريت بس نسأل الأول ونتأكد من الكلام
ونشوف الموضوع
وبعدين نحكم هل التوكيل الصنايعيه شغالين كده ولا الموضوع فيه شئ أخر
انا بتكلم علشان احنا لما نتكلم نبقى بنتكلم عن علم

المشاركة الأصلية كتبت بواسطة أبو عبدالله

والله يا جماعه مش دفاع عن الوكيل ولا حاجه
ولكن من الصعب ان احنا نقول ان التوكيل مش محترف والصنايعيه بيحطوا كده
ياريت بس نسأل الأول ونتأكد من الكلام
ونشوف الموضوع
وبعدين نحكم هل التوكيل الصنايعيه شغالين كده ولا الموضوع فيه شئ أخر
انا بتكلم علشان احنا لما نتكلم نبقى بنتكلم عن علم

طيب نمسك الموضوع نقطة نقطة:

دلوقت الكتالوج بتاع العربية بيقول 3.1 لتر, ده غير ان افضل قراءة هى متوسط بين العلامتين, و ليس عند ال max.

التوكيل بيحاسبك على 4 لتر زيت, و غالبا بيحط معظمهم ان لم يكن كلهم, و مبيرجعش حاجة للعميل خالص.

ثلاثة من الاعضاء اللى عملوا صيانة مؤخرا لعربياتهم وجدوا ارتفاع منسوب الزيت فوق العلامة ال max.

و انا هشوف بكره الصبح ان شاء الله الزيت عندى ايه.

بعد المعطيات دى, عاوز حضرتك تقول نسأل عن ايه؟ ... بمعنى حضرتك شوف بجد و الله بعد الكام نقطة دى ايه اللى ممكن نسأل عليه التوكيل علشان نجد اجابات للمعطيات دى!!

المشاركة الأصلية كتبت بواسطة معاذ الشرباصى

طيب نمسك الموضوع نقطة نقطة:

دلوقت الكتالوج بتاع العربية بيقول 3.1 لتر, ده غير ان افضل قراءة هى متوسط بين العلامتين, و ليس عند ال max.

التوكيل بيحاسبك على 4 لتر زيت, و غالبا بيحط معظمهم ان لم يكن كلهم, و مبيرجعش حاجة للعميل خالص.

ثلاثة من الاعضاء اللى عملوا صيانة مؤخرا لعربياتهم وجدوا ارتفاع منسوب الزيت فوق العلامة ال max.

و انا هشوف بكره الصبح ان شاء الله الزيت عندى ايه.

بعد المعطيات دى, عاوز حضرتك تقول نسأل عن ايه؟ ... بمعنى حضرتك شوف بجد و الله بعد الكام نقطة دى ايه اللى ممكن نسأل عليه التوكيل علشان نجد اجابات للمعطيات دى!!

طيب انا هتأكد من موضوع المنسوب ده عندي لأني لحد الأن مبصتشي عليه

وبعدين محدش اعترض على موضوع الزيت اللي مش بتاخده
ولو تفتكر اني انا قولت على الموضوع النص لتر اللي مش بناخده ده في موضوع الصيانة

دى صور مقاس الزيت عندى

و زى ما كان متوقع ... اعلى من ال max!!