Test Drive for Atos Prime 2007 1100CC

**doglas** · 10-09-2007 03:47 AM

السلام عليكم

إمبارح كانت عربيتي عند الراجل بيتاع التكييف لاكتشاف بعض التسريب من الفريون ، فقلت اسيبهالو و استلف عربية من واحد صاحبي لمدة يوم واحد ، فأخدت عربية واحد صاحبي الهيونداى آتوس 2007 الجديدة ، و هيه لسه مكملتش معاه شهرين عملة 4500 كيلو متر

المهم دى مواصفات العربية وسعرها (من صاحبي و الكتالوج )اللى جابو بيها من غبور نفسه

الماركة و الموديل : هيونداى آتوس 1100 سي سي - مانيوال -4 سلندر - تكييف باور - سماعتين خلفيتين - زجاج يدوي - فتح الشنطة و التنك من الداخل - عداد آر بي إم - صاحبي قام بتركيب سنتر و جهاز إنزار - السيارة تقفيل هندي - سعة خزان الوقود حوالي 40 لتر
سعر السيارة 54900 جنيه

السيارة من الخارج شكلها مش وحش أبدا ( زى الماتركس بس على صغير )
بس كنزة حبتين (عرضها قليل) ، الشنطة ضغير جدا ، و لكن يمكن طيها للتوسيع ،

الشكل الداخلى للسيارة مقبول الى حد ما و شكل العدادات مقبول أيضا بالرغم من صغر حجما
العربية مفيهاش أي نوع من انواع الدلع اللى في العربيات الجديدة غير حاجة واحدة يتيمة ( و لو إنها مش دلع خالص ) و هي إن فيه درج سحرى تحت الكرسي المجاور للسائق

صوت الموتور ناعم جداو انت واقف ( كعادة الهيونداى) ، العزم في الطلعة الاولى لو انت راكب لوحدك يبقى مش بطال خالص مع إن روح الغيار مش طويل ، مع الرعات يبدأ صوت الموتور في الإرتفاع ( أكيد ده عشان 1100 سي سي بس ) و لكن يطول روح الغيار مع التزايد في النقل ، و لكن أكثر سرعة جابتها على الثالث مثلا هي 80 و كان الموتور بيحتضر بس كان لسه تحت رجلى شوية بس محبتش ازود عشان ما يفوتش ولا حاجة :)

بالنسبة للعفشة فهي ضعيفة للغاية عند المرور على أى أرض متوسطة التمهيد ( الخبطة بتضرب جوه) ، و لكنها ناعمة جدا عند السير على طرق مسفلتة سفلتة حديثة او نظيفة ( و ما أقلها في بلدنا )

التكييف ممتاز جدا جدا ( كعادة الهيونداى برضه ) و يوثر على عزم العربية و اكن ليس بالكثير
الإتزان تحت التوسط طبقا لعرض السيارة القليل و حجم الجنوط الصغيرة على حجم و ارتفاع السيارة و القدرة على المناورة محدود برضه للأسف ( مش زى الألمانى خالص)

بالمناسبة ، العربية مش عالية عن الأرض زى الماتريكس و لكنها عالية في إرتفاعها الكلى حيث أن مثلا حجم و إرتفاع الباب كبير و ليس معنى ذلك انها بتحك في كل المطبات

قي آخر اليوم و انا مروح كانت العربية فيها 5 أفراد متوسطي الحجم ( بالسائق) ، هنا حسيت إن العربية ضعيفة فعلا بشكل كبير ، و محاولتش أشغل التكييف لإني حسيت إن العربية هتوقف :) :)

العربية بشكل عام مقبولة على سعرها
و لو إني في حاجة غريبة جدا في موضوع تسعير هذه السيارة بالذات ، حيث إنها تزيد حوالي 5000 جنيه لو جبتها بكاسيت و زجاج كهرباء و فانوسين شبورة أماميين ، و الكارثة الأكبر إنى الأوتوماتيك ثمنه 68000 جنيه و برضه 1100 سي سي ، انا مش عارف بيفكروا إزاى

عالعموم أرجو أن أكون أفدتكم [/img]

**eng / AhmeD** · 10-09-2007 04:05 AM

قي آخر اليوم و انا مروح كانت العربية فيها 5 أفراد متوسطي الحجم ( بالسائق) ، هنا حسيت إن العربية ضعيفة فعلا بشكل كبير ، و محاولتش أشغل التكييف لإني حسيت إن العربية هتوقف

انا حاسس بيك انا بتعتي 1100
بس ممكن تتعود علي انك تمشي العربية زي ما هية عايزة مش زي ما انت عايزو هي كده كده هتمشي

و الكارثة الأكبر إنى الأوتوماتيك ثمنه 68000 جنيه و برضه 1100 سي سي ، انا مش عارف بيفكروا إزاى

يا سيدي في ناس بتحب الاوتوماتيك علشان الراحة و ال سي سي القليل علشان استهلاك البنزين :D
عديها بقي

:mrgreen:

**fahd_628** · 10-09-2007 04:29 AM

شكرا يا باشا على التست درايف !

**Anti_virus_abdo** · 10-09-2007 10:59 AM

thanks for the test drive

**modux** · 10-09-2007 11:15 AM

امال بقي لو كان معال كورسا 1000 سي سي
3 سلندر
و وزن العربية الكورسا دي فاضية 1420 كيلو !!!!!!!

**doglas** · 10-09-2007 01:22 PM

بس ثبات الكورسا مختلف يا modux

**eng / AhmeD** · 10-09-2007 03:59 PM

امال بقي لو كان معال كورسا 1000 سي سي
3 سلندر
و وزن العربية الكورسا دي فاضية 1420 كيلو !!!!!!!

قوله يا modux علشان هو بيتبطر علي النعمة :mrgreen: :mrgreen:

**casperinoo** · 11-09-2007 03:48 AM

العربيه ديه انا شوفتها فين قبل كده :lol: :lol:
عرفت ده كله في يوم واحد :mrgreen: :mrgreen:

سعة خزان الوقود حوالي 40 لتر

35 ديه وقعت منك :mrgreen:

حيث إنها تزيد حوالي 5000 جنيه لو جبتها بكاسيت و زجاج كهرباء و فانوسين شبورة أماميين

ومن غير كاسيت كمان...هو زجاج كهربا وشبوره بس

بوجه عام العربيه كويسه انا شايف انها احسن من التو وشاريد واونو
البيكانتو انا شايف انها انضف واحسن شويه مع انها عند واحد صحبي ومش عجباه