الموضوع: ممكن مساعدة فى كام حاجة للـ 131 ؟

المشاركة الأصلية كتبت بواسطة oss_m

السلام عليكم و رحمة الله و بركاته

إن شاء الله مش هاطوّل عليكم ... همّ كام سؤال كده علشان شوية تظبيطات للعربية .. هى 131 موديل 1980

أولا : شقوق التابلوه .... التابلوه زى ماهو باين فى الصور كده مليان شقوق ..





كنت عاوز أعرف حل الموضوع ده. هل فيه حد بيصلحها ؟ و لا أحسن اغير التابلوه كله؟ .. و لا الاحسن أريّح نفسى و أغطيه و خلاص ؟؟

ثانياً : الشبكة الأمامية .. حالتها لا تسر عدو و لا حبيب و عاوز أغيرها .. يا ريت لو تقدروا تفيدونى فى أنواعها و أسعارها و أماكن البيع .. و كمان مين اللى يركبهالى؟ و لا أنا ممكن أركبها؟
اه صحيح .. انا عندى الفوانيس مربّعة.

ثالثا: و دى اخر حاجة علشان أنا تقلت عليكم ... عاوز أغير السبويلر .. يا ريت برضه تفيدونا بالانواع و الاسعار و أماكن البيع.

شكراً مقدماً
السلام عليكم

يفضل تغير التابلوه بواحد جديد
بلاش تصلح لأنو مش هيرجع زى الأول

غيره بواحد استعمال الخارج نضيف

المشاركة الأصلية كتبت بواسطة Relentless_mayhem

يفضل تغير التابلوه بواحد جديد
بلاش تصلح لأنو مش هيرجع زى الأول

شكراً يا باشا ...
طيب تعرف حاجة عن الاسعار و اماكن البيع؟

المشاركة الأصلية كتبت بواسطة mrghost

السلام عليكم
بص ياباشا
اولا بالنسبة للتابلوه ممكن تصلحه عند حد بتاع فيبر فى الحرفيين ومش هيقل عن 200 جنيه
او تجيب واحد استيراد ولو امكن هلت بتاع شاهين ولو بعد 2003 هيبقى الشكل الجديد وهيبقى شكله حلو وسمعت انه جديد ب500 جنيه يعنى هتلاقيه استيراد اقل من كده والمكان هو الوكاله او عزبة شلبى
ثانيا :الشبكه موجوده برضه استيراد وجديد واحسن هات الجديده وهتلاقيها فى التوفيقيه فى حدود 50 جنيه او اكتر شويه
ثالثا : الاسبويلر بيبدأ من 70 جنيه فى التوفيقيه حسب الشكل وبالتوفيق ان شاء الله

انت كده يا باشا كفيت و اوفيت

أنا كده ان شاء الله هاجيب شبكة و سبويلر جداد من التوفيقية.
أما التابلوه ... هاشوف بقى اذا كنت هاغيره و لا اغطيه و خلاص ... لأن تغييره كده غالى شوية.

الف شكر لك و للسادة الاعضاء.
و لو حد برضه عنده اقتراحات تانية يا ريت يفيدنا.

المشاركة الأصلية كتبت بواسطة MohabSaeed

للاسف مش حتلاقى تابلوه 131 استيراد بحاله كويسه ... على الاقل فى القاهره لانى لفيت عليه من فتره و كان كل الى موجود مكسى بالجلد و النصابين بيبيعوه على انه استيراد و هو اساسا متكسر و مشقق زى الى فى عربية حضرتك و هما بيصلحوه .
الاحسن ريح دماغك و صلحه فى ناس متخصصه بتكسى التابلوه بالجلد و بيلحمو كل التكسير و الشقوق الى فيه , انا عملته من 3 سنين و نص كان ب 150 جنيه وقتها و التابلوه شكله كويسه جدا لانهم بيغطوه بجلد بنفس لون التابلوه الاصلى و حتى نفس النقشه .


بالنسبه للشبكه موجوده فى التوفيقيه و تمنها من 60 : 90 جنيه ... و للاسف كلهم مضروبين و بيتكسرو بعد 3 شهور على الاكثر من اشعة الشمس

و الاستيراد غاليه ... كانت ب 240 جنيه لما سالت عليها من 3 سنين فى عزبة شلبى اعتقد دلوقتى حتكون اغلى من كده

خليك فى الشبكه المضروبه الى ب 90 جنيه بس هات البلاستك الى فيها الخطوط النيكل , ماتجيبش الشبكه الصاج بتاعت التكسيات .

شكراً يا باشا .. أنا فعلاً إن شاء الله هاعمل زى مابتقول بالظبط .. التابلوه هاكسيه فعلا .. بس معلش هاتقل عليك كمان شوية و أطلب أماكن الناس اللى بتعمله.

الشبكة .. طبعا هاجيب المضروبة .. لأنى مش حمل اجيب شبكة أصلى و يجى سواق ميكروباص ظريف يدمرها لى.

شكراً مرة تانية :k10: ... و ياريت ماتنسانيش فى عناوين الناس بتوع التابلوه

الشبكة الأمامية بالفوانيس المربعة بـ 350 جنيه إستيراد

الشبكة الأمامية بالفوانيس المدورة (أربع فوانيس مدورين) بـ 250 جنيه إستيراد