محور ترعة المحمودية فى اسكندرية الله يسامحك يا جوسقى ويا محجوب ويا لبيب
بجد الله يسامحه المحافظ السابق واللى قبله فى اسكندرية ازاى وسع ترعة المحمودية وما ردمهاش حسبنا الله ونعم الوكيل صرفوا ملايين وملايين فى موضوع فاااااااااشل احياء ميت مات من زمان وشبع موت كمان كلام العقل والمنطق بيقول ده شريان حيوى كان الاصلح يتعمل طريق سريع يشق اسكندرية يبقى بديل ويخفف الزحام عن شارع ابو قير والسريع الوضع حاليا هو ترعة واسعة وبقايا حدائق مزعومة واخدة 60 % من الشارع والباقى طريق قبلى فاشل ومكسر وطريق بحرى مزدحم وكله مطبات واللى زى منه من بلاعات وبلاوى اسكندرانية تانية كسروا عفشة الفيليشيا اللى هى ممتازة ما بالك باللى عفشته مش تمام والله بعمل حاوى عشان اهرب من البلعات الى قصاد غيط الصعيدى فى محرم بيه وياما حوادث حصلت قدام عمارات كرام بالذات بسبب غطى تفتيش بتاع شركة المياه ولا الكهربا ولا البلى الازرق محطوط فى ملف كبير وفى وسط الطريق وما فيش حد الا ما خده واتفاجئ بيه وكسر فجأة متفاديا الحفرة اللى تقطم اى عربية وهو وحظه بقى يلبس فى اللى جنبه او عربية راكنة وحصلت قدامى 7 مرات والله اعلم بالباقى عايزين نعمل احصاء بضحايا مطبات المحمودية فى غيط الصعيدى ومحرم بيه مش فاهم ايه لازمة ترعة مش بتروى اى ارض زراعية من 25 سنة ليه تعدى فى وسط مدينة محترمة زى اسكندرية وفى احياء شعبية وراقية وكله ومش هاتكلم عن الناموس والحشرات والفئران والثعابين اه والله ثعابين فى اسكندرية بسبب اللى ما تتسمى المحمودية لو حد عنده رد عن فائدة هذه الترعة العجوز يقوله ويبرر لى الملايين اللى اتصرفت على التوسيع والتشجير والكبارى الكتير عليها وسلم لى على ممدوح حسنى عضو مجلس الشعب