الموضوع: ّ### فى حد هنا من ملاك التيجو ؟؟ ###

أنا أتفرجت عليها النهارده عند أبو الفتوح و ملاحظاتي كالتالي:

ايجابيات:
- حجم السياره ممتاز. الصالون و المساحه الداخليه مقارنه بالدايهاتسو تريوس مثلا معقوله جدا
- مساحه تحميل ممتازه. الكنبه الخلفيه قابله للطي و الحركه للامام و الخلف كل نصف منفصل
-كماليات كافيه جدا. Abs .EBD.جنوط 16. كاوتش بيريللي. كراسي 8 حركه. فتحه سقف.نظام موسيقي رائع.تعديل مستوي الكشافات...الخ الخ
- السياره وزنها 1400كجم تقريبا مع كاوتش 235 و عرض 175سم, متوقع تكون ممتازه في الثبات و علي سرعات (علي فرض ان التعليق مناسب)
-3 مراكز صيانه في الاسكندريه

سلبيات:
-شكل الشكمان مش عاجبني!!!
-الابواب مش بتقفل كويس (جربت عربيتين)
- الموتور صيني (كانوا بيحاولوا يقنعوني انه نمساوي للاسف)
-مفاتيح التكييف بكر و بالخناق
-فرش الارضيه كأنه مش بتاعها (معبعب)
-كاوتش الابواب ردئ
- لم أتوصل لاتتفاق تجربه للسياره
- التسليم في شهر و نصف للاوتوماتيك و شهر للمانيوال

عموما السياره رائعه بالرغم من عيوب التقفيل و جوده الصنع (صيني) و السعر أكتر من ممتاز

أنا بأحاول أوصل لأي معارف يكونوا اشتروا للتجربه و هابلغكوا نروح سوا

تحياتي

أنا نسيت

الموتور نسبه انضغاطه 10.5 و ده لازمله بنزين 92 علي الاقل لضمان كفاءة التشغيل

سلام

انا كمان معاكم كنت خلاص حدفع الدفعه الاولي و الاستلام بعد شهرين بس مش لاقي حد يقولي اخبار السياره ايه بالضبط

شكل الشكمان مش عاجبني!!!

فعلا تحس انه نازل لتحت أوى من الأخر وباين كده

الموتور نسبه انضغاطه 10.5 و ده لازمله بنزين 92 علي الاقل لضمان كفاءة التشغيل

كده كده انا بستخدم 92 فى الانسر فا مش مشكلة

الابواب مش بتقفل كويس

محتاجة تتقفل بعفيجة شوية مش عارف ايه السبب .. ممكن عشان المفصلات جديدة والصاج محمل

الموتور صيني (كانوا بيحاولوا يقنعوني انه نمساوي للاسف)

مش معنى انه صينى يبقى وحش ... شوف الحاجات الصينى بره مصر مستواها عامل أزاى ... الفكره ان التاجر المصرى هو اللى بيختار مستوى جودة المنتج ... عشان كده الصين مشهورة بالحاجات الزباله اللى فى الأصل هى أختيار التاجر المصرى الزبالة

مفاتيح التكييف بكر و بالخناق
-فرش الارضيه كأنه مش بتاعها (معبعب)
-كاوتش الابواب ردئ

مخدتش بالى من الحاجات دى خالص

نسيت تقول ان من المزايا ان الأكصدام الامامى والخلفى صاج مش فيبر + فيشة للشاحن أو التلاجة فى الشنطة + الأستبن جنط برده

ريت يابااشا لان فعلا عربية 4wd بالسعر دة تعتبر صفقة رابحة

ال 4*4 هى المانيوال اللى ب 115000

بس الأوتوماتيك والمانيوال التانية 2*4

ونسيت بردوا ان فى عمود حديد فوق الموتور عشان يدعم ثبات العربية ويحكم الموتور

هندسه التعليق مشارك فيها شركه لوتس

ايه اللى يثبت صحة الكلام ده ؟؟؟