ادامي 318 جديدة واحد معاه وصل التسليم وعايز يبيعها وياخد 10 فوق تمنها
رأيكم فيها ايه
ورأيكم اخدها بالنظام دا؟؟؟ولا كده غالية؟؟؟
وهل هي أحسن ولا السي 10 مع العلم ان السي هستلمها بعد فترة؟؟
عرض للطباعة
ادامي 318 جديدة واحد معاه وصل التسليم وعايز يبيعها وياخد 10 فوق تمنها
رأيكم فيها ايه
ورأيكم اخدها بالنظام دا؟؟؟ولا كده غالية؟؟؟
وهل هي أحسن ولا السي 10 مع العلم ان السي هستلمها بعد فترة؟؟
السي احسن طبعا
وخصوصا ان ال318 سعرها غالي جدا وكمان الراجل هياخد 10000 زيادة
والمفروض ان العربية دي سعرها ينزل عشان السي احسن منها في كل حاجة وتقريبا نفس السعر
ومش مشكلة انك تستلم بعد فترة لان الاسعار مش هتزيد في خلال ال4 شهور الجيين بل بالعكس ممكن تنزل
والراجل دا ياخد 10 على اساس اية ؟؟؟... يعنى انا اروح احجز واحدة ولما يقرب ميعاد تسليمها ابيع الوصل واخد 10 الاف جنية ؟؟
انا رأى الc180k افضل بكتير (موتور 1600 supercharged 156 hp )
او تجيب ال318 بس تحجزها انت احسن بدل الحوار دا
المرسيدس ال c180 افضل طبعا
ماتور اقوى تسارع اعلى وسرعه قصوى اكبر
فلوس ترخيص سنوى اقل لانها 1.6L بعكس ال BMW لانها 1.8L
استهلاك بنزينها اقل طبقا لكلام الكاتالوج
ال c180 احسن لان السعر واحد و ثانيا ايه المشكله لو استنيت شويه
رايى الشخصى يا اما الc180 و دى احسن اختيار او لو مش عاجباك الaudi الA4 الجديدة و انسى تماما ال318 دى خالص , دى عربية فاضية مفيهاش اى كماليات و مبالغ بشدة فى تمنها.
والله يا جماعة الفكرة اني من فترة حبيت اجيب ال بي ام قالولوي احجز واستنى وانا مش بحب النظام دا
الاودي جامدة بس المشكلة توكيلها أخباره ايه؟؟؟
السي 180 كفاية انها الماني بس المشكلة برده اني لازم استنى واحجز
أنا رأى تروح تحجز البى أم ال318 أحسن لأن البى أم عربية مفيهاش كلام بعدين ال 318بــ279,000 والc180بـ298,000 دا غير أن ال سى أنتشرت أكثر من البى أم ولو بتفكر فى الأودى ال A4 هى بـ395,000 وربنا يوفقك للخير.
ابعد عن الاودي
العربية بالسعر ده مش هتتباع خصوصا انها في نفس سعر السي برغم ان السي موتورها اقوي وتجهيزتها افضل
فمحدش هيفضلها عن السي ابدا فمش هتلاقي قطع غيار
وغير كدة سعر اعادة البيع اسوأ من البي ام فتخيل وضعها عامل ازاي
والاهم من كدة كعربية المرسيدس افضل منها بكتير في التقييمات لو دورت علي النت ده في حالة مساوتهم في كل السابق
عايز تجيب هات السي
مبتحبش مرسيدس يا تجيب 320 كسر زيرو الشكل القديم او تستني لما سعر ال318 ينزل عشان ده كتير عليها
انا عن نفسى بحب شكل ال 318 عن ال C بس زى مالأعضاء قالولك السى احسن منها فى موتور وكماليات وهكذا :)