مشكله صغيره بس طلعت عنيا ومحتاج مساعدتكم

**jojowork1** · 28-03-2009 09:35 AM

انا كنت غيرت اضائه العدادات فى الدايو لانوس 1 - 2000 بس المشكله انى فكيت عداد البنزين من مكانه والمؤشر بتاعه هو والحراره لما جيت اركبهم بتاع الحراره ليه دليل بتركب المؤشر عليه لنه بيرجع للصفر لوحده لاكن بتاع البنزين مابيعملش كده ومش عارف ازاى اضبطه خالص حد يقولى اظبطه ازاى لحسن تعبت وزهقت وشكرا ليكم

**engoss1990** · 28-03-2009 10:39 AM

فول فى البنزينه على الاخر و حطه على ال f

**jojowork1** · 28-03-2009 10:47 AM

فكرت فى كده بس للاسف لما بتخلص ما بيجيش عند E يعنى العربيه بتقطع واللمبه تنور وبيكون لسه العداد مخلصش والعكس لو حطيته وهو فاضى مش بيوصلل للاخر لما افول لو حد يعرف يقلى دليل اظبط عليه زى ظبط المصنع بعيد عن مقياس التانك خالص عشان لو فيه مشكله فى مقياس التانك اعرفها

**shaky** · 28-03-2009 06:37 PM

طيب اكشف على الراداخ بردة بس عند كهربائى كويس

**samirayad** · 28-03-2009 07:44 PM

فول فى البنزينه على الاخر و حطه على ال f

فكرت فى كده بس للاسف لما بتخلص ما بيجيش عند E يعنى العربيه بتقطع واللمبه تنور وبيكون لسه العداد مخلصش أصل فعلا بيكون فيه كمية بنزين ب]اخذها التنك أكتر من علامة F

والعكس لو حطيته وهو فاضى مش بيوصلل للاخر لما افول لو حد يعرف يقلى دليل اظبط عليه زى ظبط المصنع بعيد عن مقياس التانك خالص عشان لو فيه مشكله فى مقياس التانك اعرفها

نفس الوضع بعد العداد مايوصل لعلامة E .........وفى الحاله دى أعتقد لازم تفول بنزين (حنقول بمعدل 40 لتر فقط فى التنك ) وخللى العداد على الوضع F بحيث يصل لعلامه ألE لما يفضى وأهى محاوله يمكن تنجح .......وممكن تخليه وتظبطه على الE بس بشرط ماتخليش حاجه فى التنك بقدر الأمكان ( يعنى مثلا تشفط كل اللى موجود فى التنك لما تستنفذ كل اللى فى التنك )......لأن العوامه (الحساس بتاعها بينقل أشاره للعداد لما يكون التنتك فاضى خالص ).....وطبعا لما بيصل لمرحلة أنارة اللمبه بيكون لسه فيه بنزين (قول فوق ال7 لتر + الرواسب ).....والموضوع ده لازم له محاوله وخطأ Trying&error method (طريقة المحاوله والخطأ)

**Drift_Lover** · 28-03-2009 08:24 PM

انا كنت غيرت اضائه العدادات فى الدايو لانوس 1 -

معلش انا ليا سؤال بره الموضوع...
طالما انك غيرت اضاءة العدادات...
انت عملت ايه بالظبط. لأني فكرت في الموضوع ده وتراجعت وكان قدامي احتمال من 4 احتمالات :

1- اغير اللمبات بلمبات ليزر الوان. (الاضاءة كانت ضعيفه)
2- اسيب اللمبات واركب طرابيش باللون اللي انا عاوزه (احمر - ازرق - اخضر ) (بس برده الاضاءة ماكانتش زاهيه زي اضاءة عدادات الأودي وال BMW مثلآ)
3- افك الوش الاسود اللي تحت المؤشر وأعيد علي فراغات البيان بقلم Marker للون اللي انا عاوزه ( بس خفت يطلع شكله وحش)
4- اغير الاوشاش ال 3 اللي تحت مؤشرات البنزين والحراره والسرعه (بس مش عارف بتتباع ولا لأ وبتتباع فين) (وبرده خفت افك المؤشرات علشان الدنيا ماتتوهش معايا)...

؟؟؟؟؟؟؟؟؟؟؟

**waleedrahmy** · 28-03-2009 10:59 PM

فيه فكرة في دماغي...............

فك طلمبة البنزين وطلعها من التنك .................

وخلي المؤشر علي E............

وأن شاء الله كله حايبقي تمام.........

**Michael_Lanos** · 29-03-2009 01:22 AM

الله ينور كنت عاوز اعمل زيك، بس الحمد لله انت جربت قبلى

**jojowork1** · 29-03-2009 11:13 AM

طيب هو ايه علاقه الطرمبه بالمؤشر هى بضخ لاكن ماعتقدش ان ليها علاقه بالمقاس
بالنسبه للاضائه انا عملت حاجه بس صعبه شويه اخدت شويه شغل انا عملت برده صغيره زى شكل الفراغ اللى حوالين العداد من جوه طبعا لكل عداد من الثلاثه وبعدين ركبت عدد كبير جدا من اليدات اليزر حوالى 50-80 ليد فى كل عداد هما ادونى اضائه حلوه بس احيانا فى حجات بتتحرق فيهم وتعب عشان تفك وتغير
شكرا ليكم