المشاركة الأصلية كتبت بواسطة ezzatfox
مش عارف المشكلة فين فى العربية و لا طريقتك فى السواقة
انا عامل دلوقتى حوالى 3500 كم اول 1000 تليين و بعد التليين كنت حاسس ان العربية بردة مبتسحبش بسرعة و ابتديت اشد بيها ( فى حدود ) سنة سنة دلوقتى ما شاء الله طلقة و ببقى واثق اوى انى ممكن اطلع بسهولة من اى عربية قدامى .
بس انا مبحاولش اقرص عليها جامد لغاية ما اكمل ال 5000 كم عشان بعد كدة بيبتدى الاداء الحقيقى يظهر و يبتدى استهلاك البنزين يتحدد بالظبط .
و اقصى سرعة جبتها لحد دلوقتى 160 و طبعا على السرعة دى لازم صوت الموتور يعلى ، بس لو سمعت مواتير العربيات التانية (باستثناء بعض الالمانى و اليابانى ) على السرعة دى هتعرف ان كدة صوتها حلو اوى .
عامة حاول تغير البنزينة ، حط 92 ، حاول تاخد على العربية - الموضوع مش كبس بنزين و خلاص - عشان تعرف امتى تنقل و امتى تكبس بنزين صح .
و متبقاش تسيب فلوس فى العربية او متعلقات شخصية ، عشان كدة هتبقى انت اللى غلطان مش غبور .